Lona se reviews

Kaibllinger, Sonja: Harry Griesel en die spookmonster( H&R, 2018) Afrikaans deur Irma Badenhorst.

Asof dit nie genoeg is dat tannie Sharon nie kan begryp dat Grieselgryper Harry kan eet nie, moet Otto nog al die huis se inwoners se ongeloof verdra wanneer hulle nie wil glo hy word snags getreiter deur ‘n groot skrikwekkende spookmonster wat met ‘n klopgeluid in sy kamer verskyn nie.

Vincent die vlermuis is ongelukkig oor die klein katjie wat die huis se nuwe intrekker troeteldier is; Oom Archibald moet nog aanpas in die huis na sy lang afwesigheid aan die anderkant; Harry kla oor sy nuwe baas Rufus Rittelbeen wat veranderings by die SBI aangebring het waarvolgens Harry nie meer Otto so vryelik kan besoek nie, en Otto probeer vasstel of sy ouers nie dalk in die hoogs geheime Tussenwêreld vasgehou word nie.

Oom Archibald skryf sy eerste boek met Fernardo as spookskryweroor die ander wêreld, en met behulp van die new sneeuglasbal probeer hulle Kwaalcatraz trunk kontak waar Otto se ouers in die Tussenwêreld aangehou word. Nou verskyn die spookmonster aan hulle om hulle bang te maak, en verdwyn nadat die manuskrip in die vuur verbrand is. ‘n Konkelry van die oorkant word aontmasker- Harry dra geen kennis van sy verlede nie; hy moes dalk nooit vir die SBI gewerk het nie…

Rufus Rittelbeen moet eenvoudig vasgetrek word.

Hierdie is die vyfde titel in ‘n gewilde reeks by lesers wat hou van spoke en grillerige goeters, maar ook van ‘n held Otto en sy Grieselgryper vriend wat nooit opgee wanneer ‘n raaisel opgelos moet word nie!

Die skryfstyl is spontaan, die karakters word oortuigend uitgebeeld , en altyd is daar die humor wat kleur aan die gebeure gee.

Smit, Louise: Bennie Boekwurm se mooiste sprokies( H&R, 2018) Illustrasies deur Johann Strauss.

5 Bekende geliefde sprokies soos die drie varkies, Hansie en Grietjie en Repelsteeltjie word hier deur Bennie Boekwurm aan die kinders vertel. Die sprokies is bekend, maar Louise Smit skryf met haar wonderlike gawe om ‘n eie gevoel te skep en die sprokies weer te laat herleef sodat kinders met oorgawe sal lees en luister.

Terselfdertyd is die boek absoluut ‘n lus vir die oog- Johann Strauss se illustrasies maak elke sprokie soveel mooier en kleurvoller met sy beweeglike, humoristiese lewendige uitbeelding van hierdie ou bekendes.

Absoluut ‘n pragtige boek!

Bee, William: Stoffel se garage, Stoffel die bouer, Stoffel die boer en Stoffel se skool ( H&R, 2018) Afrikaans deur Kobus Geldenhuys.

Hierdie bekendstelling aan die oulikste figuurtjie Stoffel is besonder aangenaam. Eenvoudige illustrasies, en ‘n teks uiters geskik vir voorlees of vir beginners om self te probeer lees maak hierdie reeks ‘n welkome toevoeging tot versamelings vir beginner lesers.

In die bouer vra Miekie homom haar nuwe huis te bou. Sy gereedskap word geteken , en jong lesers leer van stootskrapers, ‘n skopgraaf dat bakstene waterpas gebou moet word, die huis word geverf en teëls word op die dak gelê.

In Stoffel se garage kry hy verskeie besoekers met verskillende behoeftes as dit by hulle voertuie kom- vir petrol, ‘n pap wiel, ‘n oorverhitte kar en die insleepwa word ook gebruik. Aan die iende van elke besige huis gaan Stoffel huistoe om tee et, te bad en te gaan slaap.

Stoffel gaan ongetwyfeld in die harte van jong lesertjies kruip.Hoogs aanbeveel.

Donaldson, Julia: Die lelike vyf( PROTEA, 2018) Illustrasies deur Axel Scheffler. Rymvertaling deur Philip de Vos.

Hierdie bedrewe skrywer skep weereens ‘n prenteboek wat nie net ‘n morele les leer nie, maar tersefdertyd bygestaan deur Philip de Vos se humoristiese rymvertaling jong lesers op grappige wyse bekend stel aan die lelike vyf diere- die aasvoël, hiëna, blouwildebees, marabou en vlakvark.

Op ‘n laaste dubbel bladsy word die Groot Vyf ook geteken, die Klein vyf, en die skaam vyf.

Scheffler se illustrasies is heerlik keurvol en in volblad gedoen wat kontrasteer met die teks op ‘n skoon wit agtergrond aan die linkerkant.

‘n Pragtige prenteboek met ‘n teks in rym wat ideal is vir voorlees. Hiep hoera vir die lelike vyf! Hoogs aanbeveel.

Winckler, Elsa: Wanneer is eendag? ( PROTEA, 2018) Illustrasies deur Marleen Visser.

Abella en die ander feetjies woon in ‘n skeur in die berg, omring deur die mooiste veelkleurige blomme.

Abella dink sy is baie lelik met haar kort rooi hare , maar die Koningin van die Skoenlappers stel haar gerus dat sy eendag as sy groot is, heeltemaal anders gaan lyk.Sy sukkel ook om die danspassies te doen, en kan nie soos die groter feetjies teen die maan se silwer strale afgly nie.

Die seisoene gaan verby, en Abella wonder wanneer eendag gaan kom. Uiteidelik kom die dag waarna hulle so verlang het- nou moet die jonger feetjies maar wag totdat hulle dag kom om teen die maan se strale af te gly.

Baie jong lesers sal identifiseer met Abella en haar frustrasies as jong fee.

Die illustrasies is besonder kleurvol en amper kinderlik naïef. Hierdie is ‘n Suid-Afrikaanse prenteboek met bekende blomme soos disas en die koningsprotea.

Veral jong meisies sal die kleurvolle vrolike feetjies baie geniet. ‘n Goeie eerste poging.

GArzo, Gustavo Martin: Die geheim van die woud( PROTEA, 2018) Illustrasies deur B.M. Vidal. Uit Spaan s vertaal deur Nicol Stassen.

Amelie en Roland wil elke aand dieselfde storie hoor van die twee konyntjies Oortjies en Tongetjies wat ‘n grys wolfin in die woud hoor huil het omdat sy blind geword het en so nie vir haar babas kon sorg nie. Tongetjie het egter die modder in die wolf se ooglede weggelek sodat sy weer kon sien. Uit dankbaarheid het die twee konyntjies en die wolwe lewenslange vriende geword. Dit was dan die geheim van die woud.

Wanneer hulle ma begin vertel, verskyn uitbeeldings van die woud teen die kamermuur, en die kinders word afgebeeld met konynore in die agtergrond. Hulle word dus deel van die verhaal en simboliseer die twee konyntjies; want hier is ook ‘n boetie en sussie wat saamsmelt met die natuur om ‘n harmoniese geheel te vorm.

Die moederliefde van twee vroue, ‘n wolf en ‘n mens-ma word uitgebeeld, en die woud word nie gesien as bedreigend vir die kinders nie, omdat diere in die natuur in harmonie saamleef.

Die illlustrasies is uiters ongewoon- donker kleure word gebruik sodat die kinders en die woud ‘n geheel vorm en saamsmelt. Diepblou blomme dien as die enigste kleur teen die donker agtergrond, en wanneer die diere mekaar vind, verskyn daar roesgeel blomme , meer kleur en die kinders word geplaas op ‘n kussing met heldergeel blomme.

Hierdie ongewone prenteboek met sy spesiale boodskap van harmonie tussen mens en dier wat sterk gedra word deur liefde is toeganklik vir volwassenes en kinders . ‘n Besonder mooi aanbieding wat kunsliefhebbers sal bekoor.

Schmidt, Annie M.G. : Wiplala ( PROTEA, 2018) Illustrasies deur Philip Hopman.Vertaler Amelia de Vaal.

Die gesin Blom en hulle kat Vlieg voer maar ‘n vervelige bestaan met Menner Blom wat wat besig is om’n boek te skryf en die kinders wat hulleself maar moet vermaak.

Maar alles verander wanneer ‘n klein mannetjie so groot soos ‘n kabouter in hul huis verskyn, en homself bekend stel as ‘n Wiplala. Hy is weggestuur deur sy mense omdat hy sukkel om goeters te “betinkel”- of in standbeelde te verander.

Hy betinkel eers die kat, toe Meneer Blom, maar op die kinders se versoek toor hy hom weer terug. Die digter Arthur is volgende aan die beurt, en gelukkig veroorsaak sy standbeeld ‘n opskudding in die gemeenskap wat hom nooit ge-eer het nie! Dit is die begin van ‘n ongelooflike avontuur wat die gesin saam met Wiplala beleef, want hy toor hulle om netso klein soos hy te wees en op die rug van ‘n duif vertrek die gesin na ‘n wêreld vol nuwe kennisse en avonture.

Annie Schmidt is intenasionaal bekend as kinderboekskrywer. Hierdie verhaal het in 1957 in Nederlands verskyn, en is in verskeie tale vertaal en ook verfilm.

Die verhaal lees tog te lekker; daar is nie ‘n vervelige oomblik vir die leser nie, en as voorleesboek vir kinders behoort dit in elke tuisversameling! Die boek is pragtig versorg, en die illustrasies pas perfek by die styl en tyd. Hoogs aanbeveel. ‘n Leesgenot.

Jacobs, Jaco: Die swakste restaurant in die heelal(LAPA, 2018) Illustrasies deur Dale Blankenaar.

‘n Versameling van 10 skreeusnaakse stories deur ‘n skrywer wat die psige en taal van jongmense maar alte goed verstaan.

Die verwaande Zander leer ‘n duur les in die swembad waar hy gedurig vir Tyrone afknou omdat hy swak swem.

Wanneer Leah se oefenry op haar nuwe elektriese kitaar die buurvrou tannie Tina tot raserny wil dry f en haar selfs motiveer om Tina oor die lawaai by die polisie te laat aangee, moet sy egter ‘n les geleer word. Die rockgroep Lizzard trek in hul huis toe hulle verhuis- en die groep maak die wildste en hardste rockmusiek ooit; veel erger as Leah se onskuldige oefenpogings.

Anton Smit is ‘n doodgewone seun wat alewig aangesien word as die popster Brandon Skye. Hy het een besondere talent- hy is nie bang vir hoogtes nie, en sy heldedaad laat toe die bordjies verhang oor wie nou eintlik die “pop”ster is.

Wanneer die twee alien professors probeer om die aarde deur aliens te laat oorneem gebruik Lienke Karlo Karelse se kougom om ‘n stokkie of liewer ‘n prop in hulle masjienerie te steek.

Hierdie is maar ‘n paar voorbeelde uit die 10 kortverhale wat elkeen ‘n verassende humoristiese einde het, subtiele lewenslesse leer, en Jacobs se talent vir skryf en stories vertel Die tweede titel in ‘n reeks baie duidelik onderstreep. Hoogs aanbeveel.

Jacobs,Jaco : Professor Fungus en die onsigbare skurk en Professor Fungus en die gekloonde konyn ( LAPA, 2018) Illustrasies deur Johann Strauss.

Hierdie is die 13de en 14de titels in die geliefde Professor Fungus reeks, en weereens is die leser nie teleurgestel nie. Van die onsigbare skurk Boete Breed wat die Professor se nuwe verdwyn formule steel om die kosbare Keiserlike Knewel diamant by ‘n uitstalling te steel, tot in die 14de titel met sy nuwe kloon-masjien waar ‘n konyn per ongeluk getref word en die getal konyne eers op die plaas vermeerder tot ‘n vernietigende groep wat die boer Neef Naas se hele oes kon verwoes as daar nie ingegryp word nie- die verhale vir jong lesers bly groot pret, is aksie belaai en Strauss se illustrasies bly maar net ‘n groot aanvulling tot die vrolilke energieke teks. Lekker lees is almal se voorland!

Maartens, Wendy : Helde van Suid Afrika, 2( LAPA, 2018)Illustrasies deur Alex van Houwelingen.

Ses verhale wat aan beginner lesers vertel van die heldedade van onbekende figure soos Sultan die groot herdershond wat sy baas se lewe red deur ‘n elektriese koord vas te byt; en o.a. die bushelde van Westdene –seuns wat die lewens red van van hul skoolmaats in die bus wat in ‘n dam weggesink het.

John Ross wat 1000 kilometers gestap het om medisyne vir sy vriende te gaan haal, en Richard Simelane van die City Deep-goudmyn wat 100 meter ver met sy kaal hande gegrawe het om 18 lewens te red. Of die verhaal van Klara Majola die dapper dogtertjie wat haar blinde pa gaan soek het in ‘n ysige stormagtige nag en toe self verkluim het.

Kinders in skole kry gereeld die opdrag om die lewe van ‘n dapper person uit ons eie geskiedenis te vertel. Hierdie boekie kan dien as ‘n hulpmiddel e nook ‘n inspirasie vir ander om onselfsugtig ‘n pad deur die lewe te loop.

Kleure- H&R, 2018

‘n Kleurvolle kartonboekie met stewige bladsye en twee skuifslotte wat kleintjies in staat sal stel om die kleure rooi, blou, groen, oranje, geel,bruin, pienk, pers, swart en wit te leer identifiseer deur nab v. rooi voorwerpe te kyk end an met die skuif- apparaat op die volgende bladsy nog ‘n rooi treintjie te vind, maar ook met die blou kleur nog ‘n blou blokkie op te spoor.

Syfers- H&R, 2018

Kinders leer tel van 1-10 op elke bladsy wat aaan een getal gewy word. Die spesifieke getal word ook baie mooi aangedui in die boonste hoek van die bladsy. Met die skuif-en-loer aksie word bv. nog ‘n robot of bal opgespoor.

Die twee boeke is baie kleurvol en die voorwerpe is eenvoudig geteken sodat daar geen verwarring kan ontstaan nie.

Ouers en kinders kan saam die boeke geniet, of die kleintjies kan hulleself heerlik op hul eie vermaak.

Bee, William: Stoffel se skool en Stoffel die boer ( H&R, 2018). Afrikaans deur Kobus Geldenhuys.

In hierdie reeks is daar ook Stoffel se garage en Stoffel die bouer.

Stewige sagteband boeke waaar elke titel onderskei word in ‘n spesifieke kleur, bv. Stoffel se skool in ‘n blou strook aan die onderkant van die omslag.

Hierdie reeks is vir my besonder oulik en nuttig, want inleidend word al die voorwerpe wat gebruik word eers geïllustreer, dan volg bv. ‘n illustrasie van die skool, gevolg deur die aktiwiteite wat chronologies op mekaar volg-die klok word gelui, die kinders hang hulle sakke en pette op, hulle name word afgemerk, hulle luister na ‘n stoire, , speeltyd, middagete en rustyd.

‘n Baie oulike reeks wat baie gewild behoort te wees.

Fletcher, Tom en Poynter, Dougie: Dino poef ‘n planet!( H&R, 2018) Illustrasies deur Garry Parsons. Afrikaans deur Kobus Geldenhuys.

Dirkman en Dino is op ‘n dag verveeld van by die huis bly, en besluit om die ruimte te gaan verken. Gewapen met padkos vertrek die twee in ‘n ruimteskip . Heel gou is Dino resend honger, en Dirkman het sowaar hul padkos by die huis vergeet! Dino begin toe om alles in die ruimye te verslind wat soos kos lyk. Toe is daar net ‘n boepens-dinosourus en ‘n verskrikte seuntjie gestrand in die ruimte. Dino besef gelukkig hoe om hulle te red….

Skreeu snaaks en baie vermaaklik. ‘n Vrolike humoristiese verhaal wat kleintjies baie gaan geniet. Dinosaurusse bly maar ‘n groot aantrekkingskrag, veral as hulle stoute dinge aanvang en interessante avonture beleef. Hoogs aanbeveel.

Handford, Martin: Waar’s Willie? Die fantastiese reis, Waar’s Willie in Hollywood, en Wonderwêreld ( PROTEA, 2018).

Die Waar’s Willie –reeks is beskikbaar in 31 tale, en hierdie drie titels sal soos die vorige Wallie-boeke met groot opgewondenheid ontvang word. In biblioteke is hierdie reeks uiters gewild, en hoewel verliese gebeur omdat party kinders nie die versoeking kan weerstaan om Wally to omkring met ‘n pen of potlood as hulle die figuurtjie opspoor tydens sy opwindende avonture nie, word heraankope gedoen, want die aanvraag is net te groot!

Helmore, Jim: Die sneeuleeu( PROTEA, 2018) . Illustrasies deur Richard Jones. Afrikaans deur Carmen Hansen-Kruger.

Anders as prenteboeke wat op glanspapier gedruk is, verskyn hierdie verhaal op dowwe papier in sagte pastel kleure om so ‘n gedempte gerusstellende atmosfeer te skep. Kara en haar ma verhuis na ‘n huis op ‘n heuwel waar wit die oorheersende kleur is. Kara verlang na ‘n maat om mee te speel, en toe verskyn ‘n spierwit leeu aan haar wat haar uitnooi om saam te speel. Bertie ‘n seun nooi haar om in die park saam met hom te speel, en vervolgens ontmoet sy ook sy maats. Haar ma nooi al die nuwe maats om die huis te kom verf in helder kleure. Nou is die leeu nie meer in die kleurvolle huis nie, maar buite in die natuur. Hy stel haar gerus dat hy, wanneer sy hom nodig het, wel daar sal wees.

‘n Gevoelvolle uitbeelding van die verbeeldingswêreld van ‘n alleen-kind, wat d.m.v. ‘n maat wat syself geskep het, leer om na ander kinders uit te reik.

‘n Pragtige boek wat emosioneel baie kinders gaan raak.

McKee, David: Elmer(PROTEA, 2018)

Mckee, David: Elmer op stelte( PROTEA, 2018) en

McKee, David: Elmer Alweer Elmer( PROTEA, 2018). Afrikaans deur Philip de Vos.

David McKee se Elmer-boeke is internasionaal bekend en in meer as 40 tale vertaal.

Wie sal nou nie verlief raak op ‘n olifant wat soos ‘n lappieskombers ingekleur is tussen al sy vaal tropgenote nie!

Op ‘n dag is hy moeg om anders te wees, en hy glip weg van die trop en stap alleen deur die oerwoud op soek na die bos met olifantkleur-bessies waarin hy wil rol om soos die ander te lyk. Dit verskaf die trop oneindig baie pret, en jaarliks vier hulle nnou Elmer dag waar hy olifantkleur vir himself gebruik, en die ander olifante kleurvol ingekleur word om soos Elmer te lyk.

Elmer op stelte is sy voorstel aan die trop dat die jagters hulle so nooit sal kan opspoor nie. Monstervoete aan die stelte moet die jagters in ‘n ander rigting stuur,maar as die jagters dink daar is monsters hardloop hulle natuurlik in die teenoorgestelde rigting, in die stelte vas, sodat die olifante die vet jagters platval. Die jagters het nooit weer teruggekom nie, en die stelte kon nou net vir die pret gebruik word.

Al weer Elmer vertel hoe hy uit verveling voor doe Elmer Dag-optog waarin net hy vaal word soos die trop, stilletjies in die nag al die olifante versier om soos hy te lyk. Die trop is nou heeltemaal verward en weet nie wie Elmer is nie. Selfs as hulle almal in die water spring om van die kleur ontslae te raak, is Elmer alweer eens te slim vir hulle.

Op ‘n speelse wyse word lewenslesse geleer oor selfaanvaarding, hoe om deel van ‘n groep te wees en in die groep mekaar te vermaak en saam te speel en ook mekaar te help beskerm.

Riddell, Chris: Eendag in ‘n woeste woud( PROTEA, 2018) Afrikaans deur Kobus Geldenhuys.

“Die weg deur die woud is donker en diep

met ‘n les om elke draai.

Die pad wat jy kies is die storie wat jy skep,

elke tree ‘n blad om te blaai”.

Klein Groenkappie stap die woud binne met ‘n uitnodiging na Raponsie se partytjie. Oppad kom sy verskeie karakters uit bekende feëverhale teë- die heks met die appel, ‘n troll, die Ondier se kasteel, Jan en die boontjierank, die drie bere , rooikappie, Duimelientjie, Skoonlief, die drie varkies, die sewe dwergies, en die twaalf dansende prinsesse. Uiteindelik is al die karakters bymekaar by Raponsie se partytjie, en gelukkige re-unies vind plaas, veral die van Skoonlief en die Ondier.

Die volgende dag vertrek Groen verder deur die woeste woud, en wonder wat volgende gaan gebeur…

Baie oorspronklik en verbeeldingryk. ‘n Pragtige boek met genoeg verassings en humor om kinders te betrek.

Smit, Louise: Haasdas se nuuskas- episode 5( H&R, 2018) Illustrasies deur Vian Oelofsen.

Vier titels het reeds in hierdie pragtige reeks verskyn.

Al die diere in Diereland wonder wie nou eintlik die gemaskerde Wonder in hulle midde is wat gaan veg teen Kongo Kangaroe van Diereland-Oorsee, die rofstoeikampioen van die wêreld. Kleinskillie deel die geheim van sy identiteit met sy pa, sy afrigter, en hy mag vir niemand vertel nie. Maar hulle vind wel uit dat hy ‘n geheime stertgreep het.

Na die geveg breek daar skielik ‘n gevaarlike veldbrand uit, en niemand kan vir Kleinskillie opspoor nie. Totdat Soks Sjimpansee sy kamerasak wil oopmaak…

Kan daar nou ‘n vroliker meer vermaaklike groep diere wees as juis hierdie maats in Diereland?

Die reeks is besonder kleurvol en kry ekstra betekenis en lewe met Oelofsen se wonderlike illustrasies. Elke diertjie word spesiaal, en tog te dierbaar is die illustrasie van Haasdas wat Kleinskillie in sy arms omhoog hou. ‘n skrywer wat die verbeeldingswêreld van kinders baie goed verstaan en kan binnedring.

‘n Baie spesiale reeks. Oelofsen se werk is puik!

Smit, Gertie: Stories vir pikkies en peuters( Tafelberg, 2018 ) Illustrasies deur Samantha van Riet, Tasia Rosser, Melany Pietersen en Tumi K. Steyn.

Die kort verhaaltjies in die boek is gegroepeer onder somer(in die huis), herfs(in die tuin), winter(in die dorp), en lente(op die plaas).

Die gebruiksgids gee ‘n volledige uiteensetting van die teikengroep, hoe die bundel saamgestel is, die doel van die stories en die vroeë leer-en ontwikkelingsareas van kinders word uiteengesit. Elke storie word in ‘n tabel aangegee met die tema, titel, en die konsepte wat aangespreek word en woordeskat wat aangegee word.

Hierdie is die vierde in ‘n reeks publikasies vir voorskoolse kinders. Die titels is Rympies vir pikkies en peuters, Rympies vir kleintjies en kleuters, Liedjies vir pikkies en peuters en hier stories vir pikkies en peuters.

Hierdie vier titels is van onskatbare waarde vir elke kleuterskool onderwyseres.

Gertie Smit verdien wye erkenning vir haar bydrae tot die opleiding van kinders, met die doel om hulle lief vir stories, gedigte en liedjies te maak wat bydra tot hul persoonlike ontwikkeling op al die gemelde terreine.

‘n Absolute onmisbare toevoeging tot skool, tuis- en biblioteek versamelings. Elke bladsy bevat groot wit ruimtes sodat die teks in groot druk maklik herkenbaar is, die illustrasies van die 4 kunstenaars is uiters kinder-vriendelik en toeganklik, en die hele publikasie is Keurig versorg en visueel baie aantreklik. Hoogs aanbeveel. Werklik ‘n baie belangrike boek vir onderwysers.

Maartens, Wendy : Kerneels en die Krismisengel (PROTEA, 2017) . Illustrasies deur Anneliese Voigt-Peters. Ook beskikbaar in Engels: Chris and the Christmas Angel.

Kerneels is ‘n agt-jarige seuntjie. Sy ma werk as ‘n skoonmaakster by ‘n winkelsentrum. Sy beste vriend is oom Sol, die veiligheidswag. Kerneels se droom is om na die sterre te vlieg in die hoop om ‘n regte engel te sien.

Op Kersdag gee oom Sol aan hom ‘n spierwit veer wat ‘n boodskap van ‘n engel is. Kerneels weet nou dat hy ‘n regte engel gesien het.”Nie een met ‘’n goue rok en ‘n stralekransnie. ‘n Regte Krismisengel met ‘n fiets en ‘n kosblik en ‘n radio… en ‘n gaatjie in sy een skoen.”

Die eenvoud en opregtheid van die verhaal raak die leser, met die treffende boodskap dat kosbare vriende wat jou liefhet die beste voorbeeld van ‘n Kersfeesengel kan wees. Die milieu is tipies Suid Afrikaans, die twee hoofkarakters verteenwoordig die omstandighede en lewens van so baie kinders en volwassenes in ons land.

Die illustreerder Anneliese Voigt-Peters het die Vivian Wilkes Toekenning vir “Die rooi rok” in 1997 ontvang, en die Exclusive Books/IBBY Suid Afrika vir “Ouma Ruby’s secret. Beide hierdie boeke verteenwoordig die werk van ‘n illustreerder wat identifiseer met die mense van haar land. Kerneels en die Krismisengel se illustrasies bevestig haar talent en versterk die kwaliteit van die verhaal. ‘n Belangrike boek wat in biblioteke, skole en tuisversamelings ‘n tuiste behoort te vind. Hoogs aanbeveel.

Bezuidenhout, Zelda: As mens geluk kon proe( LAPA, 2018)

Hierdie naaswenner in LAPA se jeugromankompetisie bied ‘n oortuigende verhaal wat sentreer om die hoofkarakter, Arnelia van Zyl wat besluit om die draaiboek van haar lewe te herskryf. Sy en haar ma trek na Potchefstroom , en in die nuwe skool val sy sommer met die intrap met ‘n skinkbord vol kos, en dadelik word sy volgens haar nou Honger Neelsie of kry ‘n nuwe bynaam: Vreetzilla.

Sy maak vriende met Dineo en Ilana, maar haar belangstelling is gou gefokus op Dewald Fourie, “omdat hy die sort cool is wat net iemand kan wees wat eenhonderd present oorspronklik is.” Maar sy is oortuig hy sal nooit na ‘n “gemmerpokkel sonder sosiale vaardighede “ soos sy kyk nie.

Arelia draai nie doekies om oor haar voorkoms nie- sy verwys na haar groot kuite, en dan die Van Zyl-borste! En dan sien sy vir Dewald in Checkers met ‘n meisie –net genoeg om haar verder te ontstel.

Maar Dewald se ma word ernstig siek sodat hy nie meer die gewone skoolklasse kan bywoon nie maar tuis moet studeer, en sy vind uit dat dit sy suster is wat ook gekom het om hul ma te help versorg. Hierdie situasie inspireer die jongmense se idee om te begin met ‘n mobiele snoepie wat hulle by die skool kan parkeer om fondse in te samel sodat Dewald sy studies by die skool kan hervat.

Die projek is ‘n groot sukses, maar wanneer sy ‘n rol in die skoolproduksie Haarsproei kry, is die vriendskap met die Snoeperheroes vereers verby. Veral waar Dineo so graag hierin wou speel.

Arelia word in ‘n persoonlike dilemma geplaas, maar sy neem tog die regte besluit omdat vriendskap meer tel as eiewaan.

Die roman het meriete, die karakters word oortuigend uitgebeeld, en veral in woordkeuses openbaar die skrywer talent en oorspronklikheid. Kosfundies sal Dewald se passie vir kos geniet, en as toegif volg ‘n paar resepte aan die einde van die verhaal- Ouma Dina se appelkooskonfyt, Dewald se uiemarmelade, en frikadelle met balls- Mevrou Ball se blatjang.

Arelia kan uiteindelik geluk proe, want ‘n “gemmerpokkel” kan deur ‘n seun met die regte waardes waardeer word. Sy is nou nie meer ongelukkig nie- dit is haar maats wat haar aanvaar het, die ure se beplanning en werk aan Snoeperheroes, haar ouma se appelkooskonfyt, haar ma se liefde en ondersteuning, “maar veral elke liewe skewe glimlag van Dewald Fourie”.

Ligte leesstof vir jongmense met groot drome.

Wasserman, Elizabeth: Elf dae op ‘n eiland( Tafelberg, 2018)

Na die uiters gewilde Elf dae in Parys verskyn ‘n tweede boek waarin die hoofkarakter Danika haar onverwags bevind op ‘n tropiese eiland en daar nader kennis maak met haar pa wat sy gladnie ken nie.

Van ‘n huis in Seepunt, Kaapstad waar sy woon saam met haar ma Melissa, ‘n bekende aktrise, en haar twee tantes Trix en Gaby word haar omgewing skielik tropies en gevul met kleurvolle voëls, waterskilpaaie en wetenskaplikes wat navorsing doen. ‘n Vrydagaand partytjie van die twee tantes loop lelik skeef wanneer hulle van dwelmbesit aangekla word en Danika ook weggestuur word sodat haar skool se naam nie in die gedrang kom nie. Haar besoek aan die Seychelles beloof om meer opwindend te wees as Seepunt, en ook daar is sy blootgestel aan misdadigers en ‘n geldgierige sjeik.

Die verhaal slaag en boei t.o.v. ‘n verskeidenheid aspekte:

Die karakters word oortuigend uitgebeeld. Elke karakter is interessant en uniek en dra by tot die kleurvolheid van die verhaal. Elke karakter het ‘n doel en skakel in by die verhaal.

Daar is ‘n goeie balans tussen feite en die verloop van die verhaal ,met sommer ‘n tikkie romanse ook ingeweef. Die verhouding tussen pa en dogter word liggies en sensitief benader, en die atmosfeer bly positief.

Die spanningselement met skurke en geldwolwe , haar ontvoering en die stryd om die eilande se natuurskatte te bewaar, word onderhoudend vertel.

Vir my is die grootste trefkrag van die verhaal die skrywer se fyn uitbeelding van die omgewing- die natuurskoon, en veral die inligting en blootstelling van die leser aan die voëls, visse, waterskilpaaie en ander eilandbewoners.

Haar benadering is tereg die van ‘n wetenskaplike; ondersoekend, feite word deeglik nagevors en weergegee; haar agtergrond as wetenskaplike kom duidelik na vore in die hantering van die vraagstukke wat die natuurlewe hier kan bedreig.

Hierdie is nie ‘n ligte oppervlakkige storie van ‘n meisie , haar onbekende pa en ‘n besoek aan ‘n eiland nie. Daar word deeglik gefokus om die omgewing so noukeurig as moontlik te beskryf, maar tersefdertyd nie die verhaal te laat ontaard in ‘n droë wetenskaplike verslag nie.

Daar is genoeg aksie en avontuur en spanning om die leser betrokke te hou. Hoogs aanbeveel vir skole, tuisversamelings en biblioteke.

Bachelet, Gilles: Die ridder Buik-op-den-bodem(PROTEA, 2018) Uit Frans vertaal deur Nicol Stassen.

Die ridder is heeltemaal nie wat ‘n leser verwag nie- ‘n slak wat oorlog verklaar teen sy vyand Pap-doring omdat hulle sy aarbeituin ingeval het.

Hy is egter iemand wat priotiseer wat belangrik is- eers moet hy sy kinders en vrou groet, en oppad na die slagveld handel hy nog ‘n paar belangrike take af soos om ‘n prinses te hulp te snel, en ‘n potjie skaak te speel… Op die slagveld is dit egter eers tyd vir middagete, en die twee stryders besluit om eers die volgende dag die stryd aan te pak. Baie dinge kan tot more wag, “ maar beslis nie ‘n lekker slymerige soen nie!”

‘n Humoristiese, heel oorspronklike en ongewone fabel wat ‘n waardevolle lewensles leer.Die illustrasies is ook interessant en boeiend.

Ehrlin, Carl-Johan Forssén : Dapper Dawie se onderstebo week( H&R, 2018). Illustrasies deur Katarina Vintrafors.

Dawie is ‘n seuntjie wat gewoonlik gelukkig is. Maar sy eerste week in die nuwe kleuterskool is sommer heeltemaal onderstebo.

Die gebeure tydens elke weeksdag gaan om spesifieke situasies en die gevoelens wat Dawie ervaar- angstigheid om by ‘n nuwe groep aan te sluit, dat hy sy maats mis, sy vrees vir spinnekoppe, as hy seerkry, as hy sekere kos weier, en sy vrees vir die donker.

Vanaf bladsy 21 word die tegnieke bespreek wat aangewend word om die verskillende situasies te hanteer.

Die skrywer het bekendheid verwerf met sy topverkoper – Die hasie wat aan die slaap wou raak, en as sielkundige gebruik hy sy kennis en vaardighede om kinders te help.

Hierdie is ‘n uiters nuttige boek wat onderwysers en ouers kan gebruik om te leer hoe om ook hulle kinders en leerlinge te help.

Hartman, Wendy: Groot beer( LAPA, 2018) Illustrasies deur Zinelda McDonald.

Op ‘n skooluitstappie nadie dieretuin vind Luna aanklank by ‘n beer wat alleen in sy hok sit en baie eensaam lyk. Sy stel hom gerus deur te sê hy is haar vriend. Tuis moet sy haar ouers se moontlike egskeiding hanteer. Daardie nag verskyn Groot Beer aan haar, en word haar maat as sy skooltoe gaan, met haar ouers gaan stap of speelparkie toe gaan. Maar daar kom ‘n tyd wat sy eerste aan hom totsiens sê, en self met haar lewe kan aangaan sonder sy ondersteuning, hoewel sy altyd vir hom lief sal wees.

Die tema van ‘n enkelkind met ‘n verbeeldingsvriend is al telkemale in prenteboeke gebruik, en hier is nog ‘n boek wat kinders gerus sal stel en vertroos. McDonald se illustrasies is vriendelik en sonder tierlatyntjies.

Krritzinger, Zanri: Wie’s jy, Mnr Slym? ( Tafelberg, 2018) Illustrasies deur Stephen Wallace.

Verbeeldingskool se snaakse vriende kom by hul skool bymekaar waar juffrou hulle vertel om elk ‘n mens-maatjie te kry, en ook ‘n spesiale toertjie uit te dink.

Slym kry eensame Morné, maar al sy pogings om ‘n goeie verbeeldingsvriend te wees, is vrugteloos. Hy roep al sy vriende se hulp in, en hulle vertel aan elke mensekind om met Morné te speel en sy maat te wees.

‘n Slymresep verskyn op die laaste bladsy.

‘n Vrolike prenteboek met snaakse verbeeldingsvriende wat kinders sal geniet.

Schmachtl, Andreas H.: Tillie Appelpit –die lappieskombers( PROTEA, 2018)

Schmachtl, Andreas H.:Tillie Appelpit- Die onverwagte gas (PROTEA, 2018) Uit Duits vertaal deur Amelia de Vaal.

Die skrywer van hierdie bekoorlike prenteboeke het ‘n paar jaar in Engeland gewerk waar hy die idees vir sy boeke gekry het. Dit is baie duidelik dat hy die klein diertjies soos Tillie koester en hy vertel ook alledaagse gebeure in die diertjies se lewens met oortuiging en sensitiwiteit. Die boeke plaas die leser direk in die wêreld van hierdie diere met oud-wêreldse illustrasies wat sjarmant is.

Tillie en haar maatjies besluit in die lappieskombers om aan ‘n kompetisie deel te neem waarelkeen ‘n oorspronklike kombers moet maak, end it word toe ‘n gesamentlike handewerk wat hoewel dit nie ‘n prys gewen het nie, ‘n duidelikebewys is dat vriende kan saamwerk en mekaar se vriendskap kan waardeer.

Tillie besluit in die onverwagte gas om haar groottante se aarbeitert te bak net om toe iets daar buite te gewaar- ‘n eier, groter as wat sy nog ooit gesien het. Haar vriende raai haar aan om dit altyd lekker warm te hou, totdat die eier uitbroei. Tillie is baie opgewonde dat sy kan help om ‘n eier te laar uitbroei. Sy versorg hom liefdevol en lees selfs vir hom ‘n storie en gaan stap met die eier. Ida Eend is tog te dankbaar dat Tillie haaar eier gevind het. Sy vyf boeties en sussies is tog te bly dat hy gevind is. Tillie en haar vriende gaan kyk gereeld hoe hulle swem en leer vlieg, en soms kuier die hele spulletjie ook by haar aan huis.

Pragtige boeke , veral geskik vir voorlees en beginner lesers met die langer teks. Hoogs aanbeveel.

Velthuijs, Max: Padda en die voëlgesang( PROTEA, 2018). Vertaler Carla Lang. Hierdie is die tweede Afrikaanse uitgawe, eerste druk in 2018.

‘n Hoogs bekommerde padda kom aan by sy vriend Vark en vra hom om saam met hom te gaan sodat hy hom iets kan wys. Dit is ‘n lyster wat bewegingsloos op die grond lê. Vark dink hy slaap, Eend dink hy lyk siek, Haas besef die lyster is dood.

Die vriende begrawe toe die lyster baie sorgvuldig, en daarna speel die klomp saam , baie gelukkig dat hulle lewe. En toe hulle by die voet van die heuwel kom, oppad huistoe, “sing ‘n pikswart lyster sy lieflike lied-net soos altyd”.

Max Velthuijs(1023-2005) ontvang in 2004 die Hans Christian Andersen-medalje vir sy lewenslange bydrae to kinderliteratuur. Velthuijs se Padda-boeke het hom beroemd gemaak, want deur hierdie karakters kon kinders baie lewenslesse leer. Die eenvoud van sy illustrasies en die min teks lewer ‘n oortuigende boodskap en bly altyd treffend. Hoogs aanbeveel.

Griffiths, Andy: Die boomhuis met 13 vloere( PROTEA, 2018) Illustrasies deur Terry Denton. Uit Engels vertaal deur Kobus Geldenhuys.

Die twee vriende Andy en Terry bly in ‘n boomhuis met 13 vloere! Daar is o.a. ‘n kegelbaan, ‘n deurskynende swembad, ‘n tenk vol mensvreterhaaie, ‘n speletjiekamer, ‘n gaskoeldrankfontein en ‘n malvalekker masjien… eintlik is hul daar om boeke te skryf, maar somtyds vorder die storie maar stadig.

Terry besluit om die buurvrou se kat Sysag geel te verf en in ‘n kanarie te verander, en die kat begin sowaar vlieg. Saam hou hulle ‘n tekenkompetisie en so word die reuse piesang gebore; hulle hou van ‘n vervelige tv-program-die blaffende brakkie. Terry bestel see-apies in die pos, maar dit is toe regtig ‘n seemonster wat hom as ‘n pragtige meermin voordoen. Hulle raak van die monster ontslae, maar Terry is hartseer en toe Terry ‘n groot kougomborrel blaas, styg hy daarin op en moet eers weer gered word.Nou skep Terry die supervinger en sy avonture, en toe word hulle weer deur ‘n klomp ape oorval wat hul plek amper verwoes –gelukkig kom Sysag tot hul redding.

‘n Bielie van ‘n gorilla volg die groot piesang na hul boomhuis , en gelukkig help die vlieënde katte om die gorilla weg te lok. Jill is dankbaar dat sy nou ‘n vlieënde kat het, en sy neem die twee saam op ‘n reis in haar kinderwaentjie sodat hulle die boek ook betyds by Grootneus kan aflewer!

Griffiths is ‘n bekende Australiese kinderboekskrywer, Saam met sy vriend Terry het hulle baie suksesvolle reekse geskryf. Die Boomhuis reeks is al in meer as 30 lande gepubliseer.

Die boomhuis met 13 vloere sal elke jong leser betower want die inhoud is verbeeldingryk en Terry se lewendige humoristiese illustrasies komplimenteer die teks. Griffiths het ‘n ryk verbeelding, en die twee skep ‘n verhaal wat snaaks, vermaaklik en verassend is. Veral prysenswaardig is die boodskap dat ‘n boek geskryf word wat uiteindelik gepubliseer word en versprei word in boekwinkels, biblioteke en by individue met die twee se direk-na-brein –inligting-afleweringstegnologie. Hoogs aanbeveel.

Walliams. David: Die middernagbende( PROTEA, 2018) Uit Engels vertaal deur Kobus Geldenhuys.

Agt titels deur Walliams het reeds by PROTEA uitgewers verskyn, en elke boek was boeiend, skreeu-snaaks en ‘n heerlike leeservaring.

Die middernagbende is ‘n groep kinders wat in die kinderkamer van die Lord Funt-hospitaal op die vier-en veertigste verdieping bly. Eers word die leser bekend gestel aan die kinders: Tom wat ‘n hou teen sy kop gekry het; Amber in die rystoel; Robin wat nie kan sien nie en herstel van ‘n oogoperasie; George wat herstel na ‘n mangeloperasie; en Sally wat baie siek is en die meeste van die tyd slaap.

‘n Paar van die karakters wat betrokke is by die storie is die Portier, ‘n eensame figuur wat die kinders ondersteun in hul avonture ; Matrone wat baasspelerig is en nie van kinders hou nie, en Dokter Luppers ‘n jong dokter wat maklik uitoorlê kan word deur die ondeunde kinders.

Middernag, wanneer almal veronderstel is om te slaap, begin die bende se avonture. Tom is die nuwe seun in die kinderkamer, en nog uitgesluit uit die bende. Maar hy wil dolgraag ‘n lid wees, want wat kan meer opwindend as ‘n geheime bende wees? Matrone word snags een van George se spesiale doedoepille ingegee wat versteek is in sy sjokolades wat sy altyd konfiskeer en gulsig verslind. Dan is die bende vry om hul avonture te beleef, soos die Noordpool-avontuur, die ballonne eskapade. Tom en die portier word vriende waar altwee alleen voel. Tom besluit dat Sally se droom om net vir een nag ‘n gelukkige en lang lewe te hê, die bende se laaste sending moet wees - ‘n ontsaglike groot avontuur!

Tom wil nie teruggaan na die koskool waar hy bly nie, en dalk wag daar toe ‘n verassing op hom…

430 bladsye van opwindende vermaak vir lesers van ‘n verskeidenheid ouderdomme, want David Walliams is nooit vervelig nie, en baie subtiel word daar ook lewenslesse geleer- hoe kindes in moeilike omstandighede mekaar kan ondersteun, hoe die Portier Tom help om sy ouers te waardeer; hoe volwassenes gebring word tot die besef dat gesonde vermaak net positief kan inwerk op siekes. Hoogs aanbeveel.

Hofmeyr, Dianne: Op die rug van ‘n tier( Tafelberg, 2018) Illustrasies deur Jesse Hodgson

Na ‘n besoek aan ‘n kunsgalery waar Tom en die tier in die skildery mekaar dopgehou het, teken hy die tier tuis.

Daardie nag besoek die tier hom en nooi hom saam op ‘n nagtelike avontuur. Tom is bang vir die donker, maar die tier stel hom gerus met die wete dat tiere nie bang is vir die donker nie. In die oerwoud is Tom weer bang vir die nagdiere, maar die tier nooi hom om wegkruipertjie te speel.By ‘n rivier aangekom is Tom weer bang vir swem, maar tiere is lief vir swem. By die kermis aangekom is hy weer bang vir spooktreine en mallemeulens, maar die tier laat hulle al in die rondte vlieg tot bo in die hemel waar hy bang is vir ‘n sneeustorm,en in ‘n grot regte sneeutiere ontmoet wat hom met hulle laat saamdans. Na al hierdie avonture is hulle eindelik weer tuis. Nou verklaar ‘n moeë maar tevrede Tom dat hy regtig vir niks bang is nie, want dalk is hy eintlik ‘n regte tier!

‘n Besonder aantreklike boek. Tom se tier is gebasseer op “Tier in ‘n tropiese storm” deur Henri Rousseau. Die kunstenaar se droomwêreld word realisties geskilder deur die illustreerder. ‘n Oortuigende boodskap word gevoelvol en dramaties oorgedra van die kind se vermoë om sy vrese te oorkom met die hulp van ‘n verbeeldingsvriend, hier die pragtige tier.‘n Baie spesiale prenteboek wat jong kinders emosioneel sal ondersteun en ‘n positiewe boodskap uitdra waarna elkeen kan luister en ‘n lewensles kan leer.

Jacobs, Jaco: Rondomtalie-rympies en liedjies( LAPA, 2018). Illustrasies deur Karen Ahlschläger. CD met 30 liedjies word ingesluit met toonsettings deur Anna Davel.

In 30 rympies met karakters soos Kielie-kabouter, Bambino die reus van Bitterbos, goggas en ‘n teddie, tien pikkewyne en ‘n wilde perd vermaak die altyd gewilde skrywer jong lesertjies en vertel hulle van spesifieke situasies soos hul klere wat krimp, ‘n dag by die dieretuin, skoppelmaai ry, bad, tande borsel, met blokkies bou, winkel toe gaan , rondspring, ‘n kussinggeveg en selfs ‘n beer in die kind se bed wat vra vir ‘n goeienagsoen!

Elke rympie is lewendig, vol pret, en getrou aan die kind se verbeeldingswêreld.

Karen Ahlschläger se illustrasies is net so kleurvol en uitbundig vrolik soos die teks. Die mooiste prentjies vergesel elke rympie en kinders gaan mal wees oor haar interpretasie van die teks. Hoogs aanbeveel vir biblioteke, skole en tuisversamelings.

Lloyd-Jones, Sally: Op die potjie gou!( H&R, 2018) Illustrasies deur Anita Jeram. Afrikaans deur Elsa Silke.

Hasie loop knyp-knyp, want hy het ‘n groot nood en moet haastig by ‘n potjie uitkom. By hom sluit die diere een na die ander aan, ook op soek na ‘n potjie.

Die kangaroe se kleintjie in haar buidel, ‘n eensame dodo, vriendelike padda, varkies, ‘n ballerina olifant, ‘n hen en ‘n dinosourus, bangmaak spoke en selfs die heer en dame Hoefenpoef en Wikkeltjie Woe!

Daar is aanwysings na die potjies, en elkeen maak ‘n potjie staan. Dit word ‘n heerlike potjie-partytjie, en daar word nog net gesoek na die lesertjie- jy wat in die spieël kan kyk… Daar is dus ook die geleentheid vir deelname deur die luisteraar, en niks geniet kleintjies meer as om na hulleself in ‘n spieël te kyk nie!

‘n Nuttige en vriendelike prenteboek wat handel oor die baie bekende situasie waar ‘n potjie dalk vir die eerste keer gebruik word.

Anita Jeram het die illustrasies gedoen vir die baie bekende geliefde prenteboek, Raai hoe lief is ek vir jou. Hierdie is ‘n pragtige boek met delikate tekeninge van al die verskillende diere, deurtrek met fyn humor, en regtig ‘n boek wat jong lesertjies sal aantrek, veral waar die fraaie hasie so uitnodigend is.

Smit, Louise: Haas Das se nuuskas, episode 6. ( H&R, 2018) Illustrasies deur Vian Oelofsen.

Die sesde titel in hierdie reeks belowe om selfs dalk meer opwindend as die vorige titels te wees. Want nou is daar ‘n nuwe intrekker in Diereland, naamlik Knawel Snawel, en hy is honger, en Haas Das lyk na net die regte maaltyd vir ‘n honger aasvoël!

Dan is Koning Leeu ook siek van bekommernis oor Moeder Raaf wat haar verbeel sy kan beter na die diere se kleintjies kyk as die oumense.

Knawel Snawel gryp Haas Das ,en in die geskarrel trek Haas Das sy blou das styf om die roofvoël se nek en toe Haas Das die das los, val hy in ‘n bos en land op die grond. Die bekommerde diere begin soek na hul gewilde nuusleser, en gelukkig spoor Bettina hom op en gaan soek hulp. Gaan Haas Das herstel van sy aaklige ervaring?

‘n Opwindende episode in die lewens van Diereland se inwoners. Kinders leer van vriendskap en lojaliteit wanneer die diere hul nuusleser en vriend ondersteun en liefdevol versorg.

Vian Oelofsen se illustrasies is, soos in elkeen van die episodes, getrou aan die karakters se individuele eienskappe en voorkoms. Die illustrasies is lewendig en beweeglik en goed geplaas op elke bladsy. ‘n Pragtige boek met ‘n onderhoudende storie deur ‘n begaafde skrywer.

Tsarfati, Einat: Wie woon hier?( PROTEA, 2018) Afrikaans deur Elna van der Merwe.

Die verteller is ‘n dogtertjie wat in ‘n gebou van sewe verdiepings woon. Elke verdieping se deur lyk anders, en agter elke deur is die inwoners uniek en spesiaal. Sy neem die leser op ‘n begeleide toer deur die gebou, en so ontdek jy ‘n goep diewe wat antieke Egiptiese artefakte versamel, ‘n ou jagter en sy troeteldier, ‘n gesin sirkus akrobate, ‘n vampier, ‘n seerower en sy meisie, en ‘n familie wat gereeld partytjies hou. Die sewende deur behoort aan haar en haar ouers se woning. Sy dink hulle is maar bra vervelig, maar sy is lief vir hulle. As jy dan na die laaste illustrasie kyk, wonder jy maar net of hulle regtig sooo vervelig is…

Met die oopmaak van elke deur word die leser in n nuwe verbeeldingryke omgewing ingelei. Daar is die element van afwagting en verassing wat jou aandag hou. ‘n Klein diertjie wat lyk soos ‘n marmotjie is in elke illustrasie versteek en maak ook ‘n interessante bydrae.

Die boek is oorspronklik uit Hebreeus in Engels vertaal, en is nou weer in Afrikaans beskikbaar. Lees en vind uit wie waar woon!

Resensies 1/2019:

Viljoen, Fanie: Hokaai, Lulu( LAPA, 2018) Illustrasies deur Elsbeth Eksteen.

Die gewilde reeks met kunstige Lulu as hoofkarakter kry ‘n 5de titel by! Lulu verjaar, en nadat die tweeling Alex en Alet haar eers skrik gemaak het met ‘n monster uit twee opblaas balle, word haar verjaarsdag soveel lekkerder as sy ‘n pragtige ponie Roset as geskenk ontvang!

Dadelik begin sy met rylesse by die skool waar die tweeling ook perdry.

Tannie Magriet van die Sonskyn-stalle vertel aan die kinders dat hulle binnekort op ‘n piekniek uitstappie gaan, en dat hulle kostuums kan dra. Dit is so reg in Lulu se kraal. Sy ontwerp eers vir haar vriendin Carmen ‘n pragtige rok, en vir haarself later ‘n verassing- sy is die koninging Marie Antoinette.

Hulle trek name uit ‘n hoed oor wie hul rymaat gaan wees. Sy trek Alet se naam, , en is nie opgewonde om met ‘n aardsvyand saam te ry nie. Maar wanneer haar ponie skrik vir ‘n slang en sy in die gevaarlike woud beland, is dit Alet wat haar help. Die twee bring ‘n nag saam deur in die woud, maar word die volgende dag gered deur Lulu se pa. Alet moet saam met Alex kamstig ‘n vyand bly, maar Lulu besluit om Alet se droomrok te maak.

Hierdie reeks tokkel die hartsnare van elke dogter wat soos Lulu pragtige klere wil dra, en wie se huislike omstandighede kommerloos en geborge is met genoeg versorging en omgee. Elsbeth Eksteen sorg vir pragtige verbeeldingryke uitrustings en versterk die gevoel van sagte vroulikheid met haar illustrasies.

Viljoen, Fanie: Die dag toe die draak kom( Human& Rousseau, 2019). Illustrasies deur Tumi K. Steyn.

Twee boeke , een vir meisies en een vir seuns, met die hoofkarakters onderskeidelik ‘n seun en ‘n meisie , vertel die verhaal van ‘n jong kind in ‘n gesinsverband met ‘n ma en ‘n boetie of suster en die ma se vriend, Oom Jason.

Kyla is ‘n onskuldige jong kind wat nie kan verstaan hoekom haar suster gedurig in haar kamer wegkruip nie, en haar ook waarsku dat daar ‘n draak in hulle huis is. Kyla wonder wie die draak is, en eers wanneer sy alleen by die huis is en swem, word sy met die waarheid gekonfontreer. Gelukkig is sy dapper, en gewapen met die rympie wat Juffrou Arendse die kinders geleer het, o.a. dat sy ‘n lyf het, maar dit is hare alleen.

Die skrywer sluit ‘n belangrike afdeling in waarin die kinders geleer word hoe om ‘n draak te identifiseer, oor goeie en slegte vrees, veilige en onveilige vat, geheime wat goed en sleg is, en wat jy kan doen om jou teen ‘n draak te beskerm.

Daar is ook handige inligting vir ouers en onderwysers, ‘n verwysing na webblaaie op die internet, en instansies waar hul om hulp kan gaan met selnommers. Philip de Vos het gehelp met die rympie.

Hierdie twee boeke behoort in elke biblioteek, skool en ook in tuisversamelings, veral waar dit aanvullend is tot min, indien enige, soortgelyke boeke in Afrikaans. Hoogs aanbeveel.

Jacobs, Jaco: Zackie Mostert en die monster-melkskommel( LAPA, 2019)

Zackie en Vincent is oortuig hierdie gaan die goorste skoolvakansie ooit wees, want Anton en sy neef verhoed hulle om in die park te speel en bedreig hulle met hul monster watergewere; by Vincent hulle se huis word gebou, en Zackie se huis is ook ‘n gevaar-sone met die tweeling Zita en Zander wat langsaan by mevrou Langenhoven kuier, en uiters vervelige geselskap is.

Maar dan is daar ‘n kompetisie om monster-mekskommels te drink, en dit is dalk die geleentheid vir die twee maats om die Zirts 4000 waterpistole te wen!

Ongelukkig neem Anton ook aan die kompetisie deel. Zackie dink hy is sy grootste teenstander, hulle is gelykop, maar die tweeling wen sowaar die kompetisie! So bring die vakansie ook nuwe maats, en dit mag dalk die beste vakansie ooit wees!

‘n Gewilde reeks, altyd groot pret.

Jacobs, Jaco: Zackie Mostert en die fantastiese fliek( LAPA, 2019).

Agent Felix en sy hond Flitz is die twee maats se gewildste aksie program. Zackie se pa vertel hom dat die vervaardigers ‘n Felix en Flitz –fliek gaan maak, en hulle is op soek na jong akteurs om in die fliek te speel.

Hulle besluit om vir die oudisies te gaan, maar eers moet hulle karatelesse neem. Maar natuurlik is Anton die boelie hier en trek Zackie en Vincent ‘n nare streep- altwee doen beserings op en word buite aksie gestel.

In die parkie lyk dit asof Frankenstein die vreemde hond herken wat verdwaal het. Zackie besef dat dit Fitz van die tv-reeks is, eintlik Peanut, en hulle moet die hond by die teater aan sy eienaar terug besorg. So kry die twee maats tog rolle in die fliek, en Anton kry die rol van Goor Elsa, ‘n meisie!, tot hul groot vermaak.

Die 16de titel in hierdie gewilde reeks waarin die twee maats tog vir Anton die boelie die stof laat byt.

Omnibusse : Roux, Lize: Stalmaats omnibus 3( LAPA, 2019); en Van Baalen, Theresa: Sanri Steyn omnibus 1 en 2( LAPA, 2019 ).

Dit is so belangrik dat gewilde reekse soos die Stalmaats-reeks en Sanri Steyn-reeks ook in omnibusse verskyn. Enkel titels in reekse verdwyn gereeld uit biblioteke , deur diefstal of omdat die boek reeds in ‘n swak toestand is en onttrek moet word uit die versameling. Lesers van reekse wil die volgende titel in die reeks lees, en met die omnibusse word ‘n reeks soveel meer toeganklik.

Johan Strauss verdien komplimente vir sy wonderlike illustrasies vir die Sanri Steyn- reeks.

Lochner, Helena J.F. : Kleuterland( PROTEA, 2019) Illustrasies deur Alida Bothma.

Kleuterland was oorspronklik deel van die reeks van ses bundels, naamlik Diereland, Storieland, Kammaland en Avontuurland. PROTEA uitgewers bring hiermee die geliefde reeks weer na nuwe jong lesers sodat Lochner se bydrae tot die Afrikaans kinderlektuur nie verlore gaan nie. Alida Bothma het gesorg vir ‘n bekoorlike vars nuwe omslag. Die inhoud word keurig aangebied op glanspapier, en met Bothma se illustrasies deurgaans effektief geplaas sodat teks en illustrasies saamwerk tot ‘n baie aantreklike boek.

Kleuterland is ‘n versameling van 40 stories . In die eerste ses stories bestaan die woorde slegs uit drie letters, gevolg deur woorde wat groei na vier tot vyf letters en later moeiliker langer woorde.

Die druk is lekker groot en mooi gespasiëer op die bladsye. Kleuterland is ideal vir voorlees en vir kinders wat self begin lees.Soos hul vorder in die boek kan hulle ook geleidelik langer en moeiliker woorde baasraak. Ek is dankbaar oor hierdie inisiatief om ‘n geliefde skrywer ook vir ‘n nuwe generasie beskikbaar te maak.

Nie-fiksie:

Ince, Martin: Skuif( PROTEA, 2019)

Vanaf die begin van lewe tot in die toekoms word die evolusie van die wêreld in hierdie groot formaat-boek ( 370x272mm) uitgebeeld in ‘n toeganklike verstaanbare teks en met kaarte en illustrasies wat die publikasie uiters aantreklik maak.

‘n Tydlyn, woordelys, indeks en erkennings, ook aan die Natuurhistoriese museum in London vir illustrasies.

Inleidend word die dans van die kontinente bespreek, gevolg deur die verskillende chronologiese tydperke wat 4,5 miljard jaar gelede begin met die vorming van die aarde, gevolg deur tydperke tot 50 miljoen jaar gelede en vandag-2000HJ- die Antroposeen tydperk, en ter afsluiting die toekoms vanaf bladsy 72.

Prakties gesproke met biblioteek versamelings in gedagte, sou ek nie die boek plaas in sirkulasie nie, maar wel in ‘n naslaan afdeling. Hierdie is meer wat ek sou beskryf as ‘n “koffietafel-boek”, baie pragtig , maar moeilik om te hanteer –dit moet op ‘n oppervlakte neergesit word vir makliker hantering.

Radloff, Adeline en Van Houwelingen, Alex: Die skandalige susters Smit( Tafelberg, 2019)

Sara Sloot-Smit hoor herhaaldelik van haar ouers hoe ‘n gelukkige meisie sy is. Sy woon in ‘n buurt wat getuig van welvaart, sy het al die geleenthede moontlik in haar goeie skool waar sy blootgestel is aan opgevoede kinders en bekwame onderwysers. Haar ouers is baie belangrik en besig, en gevolglik spandeer hulle min tyd aan hul dogter.

Wanneer haar ouers met vakansie oorsee gaan, stuur hulle haar na haar drie tantes, haar pa se susters wat in die stad woon. Haar pa verwys gewoonlik na hulle drie onderskeidelik as die feeks,die flerrie en die rissiepit.

Met haar aankoms word sy oorval met liefde en opregte belangstelling. Die drie susters bestee elkeen ‘n week aan Sara en stel haar bekend aan hulle eie lewenswyses.

Sy leer dat die sirkus ‘n wonderlike plek is, saam met haar mooi tannie Silvie gaan sy swem, en tannie Sofia neem haar saam na die ouditeursfirma waar sy werk.

Deesdae is sy ‘n baie gelukkige meisie want sy kuier gereeld by haar tantes:”want wat kan beter wees as om te kuier by die skone, die sompatieke, die sensasionele susters Smit?”

Wat ‘n heerlike leeservaring! Radloff se teks laat die leser krul van plesier- met rym en lewendig en baie snaaks! Beginner lesers se woordeskat sal met rasse skrede uitbrei, en vir voorlees is die boek ook ‘n wenner.

Die illustrasies sluit pragtig aan by die teks en maak ‘n groot bydrae tot die algemene aantreklike voorkoms van die boek. Hoogs aanbeveel.

Net so jammer dat Sara se ouers nie ook van die maniere en karaktertrekke van die drie susters wil aanleer nie! Dalk ‘n volgende keer.

Roux, Lize: Tweede kans ( LAPA, 2019)

Hierdie is die 21ste titel in die baie gewilde Stalmaats-reeks.

Anri en haar twee vriendinne ontmoet die nuwe seun Josh op sy eerste dag by hulle skool. Hy vertel hulled at sy pa ‘n nuwe ryskool op die dorp begin, Hoefslae, en nooi hulle uit om die opedag by te woon. Die drie vriendinne is betrokke by Dagbreek , die ryskool wat al die jare die enigste groot skool in die omgewing was.

Hoefslae gaan dus baie duidelik kompetisie wees, en so word die meisies se lojaliteit getoets.

Dan is Josh nog aantreklik ook, maar Anri is Jacques se meisie al word hy omgekrap omdat hulle die nuwe ryskool ondersteun het.

Hulle ontdek dat Josh se pa voorheen die Pegasus-ryskool in Pretoria gehad het waar hy gedagvaar is omdat ‘n ruiter ‘n ernstige nekbesering opgedoen het tydens ‘n ryles. Tannie Maja stel hulle gerus dat die skool nie skuldig was aan nalatigheid nie, end at Hoefslae Josh se pa se geleentheid is om weer te begin, en selfs as direkte kompetisie vir Dagbreek, sal hulle hom ondersteun indien die stories uitlek.

Lize Roux skryf met gemak; haar karakters word oortuigend uitgebeeld, en perdestories bly gewild by jong lesers; veral waar die boek deel is van ‘n gewilde reeks met karakters wat reeks bekend is vir die lesers. Tweede kans verdien ‘n kans! Lekker ligte leesstof.

Bergesio, Daniele en Fagnani, Francesco: Ruk-en Rol- Rugby( H&R, 2019) Afrikaans deur Kobus Geldenhuys.

Wat ‘n aantreklike prenteboek!

Dit is Rico se droom om rugby te speel, al is hy brandmaer en veertjie-lig.

Die span se afrigter gee hom ‘n kans om te speel teen die gevaarlike rooispan. Rico is aanfanklik verskrik en raak nie aan die bal nie. Hy word plat geduik en uitgelag.

Maar Rico is ‘n geweldige goeie danser, en toe ‘n ruk-en-rol-liedjie oor die luidsprekers begin speel gebruik hy sy ratsheid en vlugtige voete om punte aan te teken! “So word ‘n rugbyster gebore: maer soos spaghetti en blugvoetig soos ‘n danser!”

Teen ‘n donkergroen agtergrond word die twee spanne in geel en rooi geteken. Beweeglike illustrasies wat met enkele kunstige lyne die spel aksie en vaart gee. Die omslag met die maer seuntjie wat soos’n ballerina hom op die rugbybal balanseer is uiters treffend, ook met die heldergeel letters teen die donkergroen agtergrond. En Naas Botha, bekende oud-rugbyspeler dra ‘n positiewe aanmoedigende boodskap by met sy woorde” moenie die outjie vlak kyk nie- hy het murg in sy pype!”

Hierdie is ‘n mooi boodskap vir jong seuns wat dink hulle is nie fisies geskik vir rugby nie, om ook te probeer.

Blabeley, Aaron: Moeps die skelm, Moeps die Mops, en Moeps die wenner( Protea, 2019). Rymvertalings deur Philip de Vos.

Hierdie 3 hardeband prenteboeke met Moeps as die astrante sentrale karaktertjie sal die harte van jong lesers verbly. As die skelm gee hy altyd arme Worsie skuld vir alles want hy kan vreeslik jok om sy sin te kry. Maar sy lus vir beskuitjies laat hom sleg tweede kom as hy nie die rolbal agter die pak sien nie. Nou is sy lyf vol pyne en hy is minus ‘n tand!

In Moeps die Mops is hy vreeslik selfsugtig en wil niks met Worsie deel nie. Alles is syne, en toe hy sy speelgoed op ‘n hoop pak en daar bo-op gaan staan, verloor hy sy balans en tuimel grond toe deur die venster. Nou deel hy alles, tot hy weer herstel!

In Moeps die wenner is dit baie duidelik dat hy altyd moet wen. Met ‘n eet kompetisie is hy so vraatsig dat hy sowaar sy bak insluk! En toe die bak hom weer teen die kop tref en hom in ‘n blik instamp, word hy sommer baie bedees en minder goor.

Philip de Vosse rympies maak die teks lewendig, snaaks en groot pret om te lees. Die skrywer se illustrasies van Moeps en Worsie is kleurvol, vol beweging en aksie belaai.

Die boeke behoort vele jong aanhangers te geniet.

Grobler, Piet: Franciscus en die diere ( Protea, 2019) Uit Nederlands vertaal deur Amelia de Vaal.

Fransiscus en sy vriend Esel is lief vir die natuur, die dierelewe , en beide glo aan die goedheid van dinge en met hul reise vul hulle mens en dier met mooi gedagtes. Die voëls word geinspireer om te sing en vreugde te versprei; hy red ‘n konyn uit ‘n valstrik, ‘n klomp visse uit ‘n net , en selfs ‘n gevaarlike bloeddostige wolf word rustig as Franciscus hom inspireer om niemand dood te maak nie. Toe esel oud word en moeg, bedank Franciscus hom vir sy vriendskap en dat hulle saam die wêreld ‘n mooier plek kon maak.

Talentvolle Piet Grobler skep hier ‘n verhaal wat die boodskap van goedheid en liefde oordra in sy kenmerkende delikate illustrasies van voëls en diere.

Sprokies met lesse:

Nicholson, Sue: Sneeuwitjie die sokkerster( H&R, 2019) Illustrasies deur Flavia Sorrentino. Afrikaans deur Kobus Geldenhuys. - ‘n storie oor spanwerk.

Karakters wat bekend is in fëeverhale word hier ingespan om kinders te leer oor spanwerk. Sneeuwitjie is mal oor sokker, maar sy speel selfsugtig en nie as deel van ‘n span nie. Gouelokkies, Repelsteeltjie en die goeie fee Esmeralda help haar ombeter as spanspeler deel te neem.

Op die laaste bladsy word besprekingspunte vir onderwysers en ouers gegee, en selfs om ‘n klaskoerant te maak.

‘n Heel oorspronklike benadering tot stories, en omdat geliefde karakters in ‘n eietydse omgewing geplaasword om ‘n boodskap oor te dra, behoort die boeke sukses te behaal.

Nicholson, Sue: Word wakker, Doringrosie! ( H&R, 2019) ‘n Storie oor verantwoordelikheid.

Doringrosies was nogal lui, en toe sy ‘n ponie vir haar verjaarsdag vra, is haar ouers nie seker dat sy regvir hom sal sorg nie. Prins word aanfanklik goed versorg, maar mettertyd sorg sy al minder vir Prins. Prins besluit om weg te loop, en met Esmeralda se hulp lok sy hom terug en voortaan is sy ‘n verantwoordelike eienaar.

Kinders word hier aangemoedig om sade te plant en daarvoor te sorg.

Nicholson, Sue: Aspoestertjiese balletskoene( H&R, 2019) ‘n Storie oor omgee.

Aspoestertjie is lief vir dans, maar toedaar ‘n dansskool op die dorp oopmaak, het sy nie geld om balletskoene te koop nie. Sy help altyd die ander sprokiesvriende, en Sneeuwitjie skenk skoene vir haar, maar hulle is te groot; Doringrosie se skoene is te klein. Die goeie fee Esmeralda is siek, maar onthou uiteindelik van haar ou balletskoene wat natuurlik Aspoestertjie perfek pas.

Nicholson, Sue: Jan breek die boontjierank( H&R, 2019) ‘n Storie oor eerlikheid.

Jan is vreeslik lief vir boomklim. Op ‘n dag waarsku sy ma hom om nie teen hulle jong boontjie ranke op te klim nie, want hulle kan breek end an is hulle sonder boontjies. Maar Jan luister nie. Hy breek die ranke, maar vertel eers nie vir sy ma die waarheid dat hy dit gebreek het nie. Later komhy jtog met die waarheid te voorskyn, en die goeie fee Esmeralda gee hom ‘ntowerboon wat hy plant sodat hulle lekker boontjiebredie kan maak.

Kinders word aangeraai na besprekingspunte om ‘n brief te skryf soos Jan bv. sy ma om verskoning vra oor sy aanfanklike leuen.

Ek sien uit daaarna om te hoor hoe die boeke ontvang word deur die publiek.

Smit, Louise: Bennie Boekwurm se mooiste sprokies, 2. ( H&R, 2019) Illustrasies deur Johann Strauss.

5 Bekende sprokies word oorvertel deur Louise Smit, nl. Rooikappie, Die skoenmaker-kaboutertjies, die Dieremusikante van Bremen; Duimelina en Sneeuwitjie en die sewe dwergies.

Bennie Boekwurm lees die stories voor aan die kinders wat tog te graag na hom luister.

Hierdie is die tweede boek met sprokies , beide geïllustreer deur Johann Strauss. En watter pragtige werk het hy nie gedoen nie! Daar is soveel persoonlikheid in elke getekende karaktertjie; die boek laat ‘n gevoel van vrolikheid en genot met laggende vrolike karakters , Duimelina in haar pienk rok is asemrowend mooi; Wolf is regtig bangmakend , en Sneeuwitjie se nare stiefma is treffend jaloers geteken. Strauss doen soos altyd uitstekende werk. Hoogs aanbeveel.

Bennie Boekwurm se besige pretboek( H&R, 2019) Gebaseer op die karakters geskepdeur Louise Smit. Ilustrasies deur JohannStrauss en Luan Serfontein.

‘n Pretboek wat jong lesers baie plesier gaan verskaf, want hier is die geleentheid om hul karakters soos Mokkie Mol met kolletjies te verbind; kleure te identifiseer; Sarel Seemonster in te kleur; bytjies saam te groepeer wat eenders lyk; ‘n doolhof te volg om Bennie se bril te vind; en o.a. Sarel Seemonster te help om by die strand uit te kom.

‘n Lekker geskenk vir kinders, vergesel van die twee boeke met sprokies.

Vels, Verna: LieweHeksie en die pampoene( H&r, 2019) Gebaseer op die oorspronklike verhaal . Illusrasies deur Vian Oelofsen.

Drie titels het alreeds in hierdie keurige reeks verskyn, elke boek ‘n kunswerk deur die talentvolle Vian Oelofsen. Liewe Heksie en Matewis is besig om pampoene en klippe op die dak te pak sodat die sinkplate nie kan wegwaai nie. Kwaaitjie Kabouter bring sy boetie Kleinkwaaitjie om die nag by Heksie deur te bring. Hy moet by die Silwer Roos gaan waghou.

Toe Heksie buk om haar besem op te tel sodat hulle kan afvlieg, stamp sy die besem van die dak af. Hulle moet nou die nag daar deurbring.

Twee gifappeltjies het reeds die Silwer Roos gesteel, en sluip nou haar huis binne om haar horlosie te steel. Heksie en Kleinkwaaitjie gooi toe pampoene van die dak af, wat die twee gifappels vinnig laat spaander. Die Silwer Roos en Heksie se horlosie is veilig.

Pragtige groot format boeke met elke bladsy kunstig gerangskik sodat kinders net kan lees en geniet. Die illustrasies is puik; bv.die waentjie met die Silwer Roos tussen fyn blou blommetjies omring deur stukkies pampoen en twee muise en ‘n naaldekoker wat vrolik toekyk. Hoogs aanbeveel.

De Wet Hugo, Die meisie in die maanlig( H&R, 2019) Grilgrypers 4.

Die vierde titel in ‘n gewilde uiters grillerige reeks wat weereens jou as leser hipnotiseer met al die onverklaarbare en vreesaanjaende insidente in die lewe van die hoofkarakter Babette.

Babette se pa gaan oorsee vir werk en sy moet op Rustfontein gaan bly by tannie Theodora , die dorp waar haar pa se eerste liefde Heleen spoorloos verdwyn het. Die dorp het ook ‘n ou geskiedkundige begraafplaas, en Babette haat begraafplase na sy ‘n fliek oor zombies gesien het.

Dus met die intrapslag is die dorp vir haar onruswekkend en vreemd- sy moet in ‘n Victoriaanse herehuis bly; die straat is Angelierstraat en vir haar is angeliere begrafnisblomme, en in die voortuin staan ‘n grafsteen.

Sy word ontmoet deur die tante en ‘n seun Tiaan wat haar dadelilk vertel dat daar ‘n musiekproduksie by die plaaslike teater gedoen gaan word, en sy is mos musikaal. Sy verneem ook dat oom Carel ‘n lyksbesorgerwas en ‘n gedeelte van die huis was sy lykshuis.

Die toneelstuk gaan oor zombies en monsters, en sy verneem ook van Avani dat die begraafplaas deur ‘n meisie se familie vervloek is tot ‘n zombienes.

So skep die skrywer op vernuftige wyse ‘n toneel waarin Babette meegesleur word in vreemde gebeure; o.a. ‘n zombie in haar klerekas; sy word agtervolg deur ‘n vrou in ‘n swart lykswa, sy begin zombies sien , en in haar klerekas sien sy ‘n tienermeisie met ‘n halwe gesig in ‘n wit rok wat lyk of bloed oor haar gerëen het…

Geleidelik word die verhaal opgebou tot die skrikwekkende finale gebeure waar Babette om haar lewe moet veg…die onsterflikes op die dorp gebruik die zombies om onskuldige kinders na die begraafplaas te lok…

De WetHugo skryf met vernuf en ‘n ryk verbeelding om die lesers heeltemaal te betrek by ‘n grillerige verhaal. Daar is uiteindelik ‘n goeie balans tussen fantasie en die werklikheid wat vir Babette toe heeltemaal gerusstellend verloop.

Hierdie genre is uiters gewild by jong lesers, en Grilgryper 4 stel nie teleur nie.

Walliams, David: Karre en kroeks( PROTEA, 2019) Afrikaans deur Kobus Geldenhuys.

As daar nou een skrywer van jeugboeke is wat lesers op ‘m mallemeule-vaart kan neem is dit ongetwyfeld Walliams.

Daar het reeds 11 vertaalde werke van hom in Afrikaans verskkyn by PROTEA uitgewers, en elke boek is net een groot plesier om te lees.

Frank is tog te trots op sy pa wat ‘n kampioen renjaer met stampkarre is in sy ou Mini Queenie. Maar met ‘n ongeluk verloor hy sy been, sy vrou Rita verlaat die twee en finansiëel gaan dinge ook maar broekskeur. So raak hy betrokke by gevaarlike boewe, hy leen geld by Meneer Groot sy vrou se nuwe man en beland in die tronk toe hy Frank teen die boewe wou beskerm.

Frank is egter ‘n seun met groot planne. Hy dink ‘n meesterplan uit om sy pa uit die tronk te kry en die geld wat uit die bank gesteel is weer terug te plaas.

Die verhaal word uitmuntend aangevul met Tony Ross se sketse; verskeie letterfonte word gebruik om dinge nog lewendiger te maak, en afgesien van al die jaende motors is daar interessante karakters soos pastoor Judith, tannie Flip en Raj die winkelier wat hom help om sy pa uit die tronk te laat ontsnap.

Walliams gee vrye teuels aan sy verbeelding, en kyk met ‘n soms siniese blik na die karakters in sy verhaal. Veral seuns sal diet Karre en Kroeks baie geniet; en ongetwyfeld word die pa-seun verhouding positief en met waardering uitgebeeld. Hoogs aanbeveel.

Grobler, Mari: Bella en Sebastiaan( Tafelberg, 2019) Illustrasies deur Alex van Houwelingen.

Hierdie aantreklike leesboek vir 9-12jariges bevat vier stories oor Bella en haar kat Sebastiaan, nl. Bella en die dorpsmoles, Bella en die talentkonsert, Bella en die katteskou en dan Briljante Bella waar sy met ‘n kamera versteek in haar bril besighede ondersoek om vas te stel of hulle goeie diens aan die publiek lewer.

Die dorpie Wag-‘n bietjie waarheen sy met haar kat en towerstaffie getrek het, is maar bra vervelig. Maar Sebastiaan weet onverwagte situasies kan opduik as Bella impulsief begin toor, soos nou waar hulle hele huis in die dorpstraat verwyn!

Bella besluit om aan ‘n talentkompetisie deel te neem, natuurlik sonder veel talent. Haar groot talent as towenaar sal beter gebruik word as sy kulkunstenaar speel. End it is sowaar ‘n briljante idee van Sebastiaan.

Bella besluit om Sebastiaan vir ‘n katteskou in te skryf, want daaris ‘n afdeling vir gewone huiskatte ook. Hy is gladnie ingenome met die idee nie, maar toe hy hom vererg vir die verwaande skoukatte, word hy ‘n baie mak ramkat met goeie skoumaniere!

Die lewendige teks en oortuigende verhouding tussen Sebastiaan en Bella sal katliefhebbers onder die jongklomp lekker pret verskaf. Die vier stories is net die regte lengte en so vermaaklik dat jong lesers nie verveeld sal word nie.

Goosen, Troula: Raaiselster( H&R, 2019).

Met die eerste boek in hierdie historiese jeugroman reeks, Raaiselklip, het Troula Goosen reeds 12-14jariges betower met die kombinasie van fantasie en avontuur wat afspeel in die Kaap van lank gelede.

Raaaiselster neem sommer vanuit die staanspoor die leser mee op ‘n opwindende en verassende avontuur met Leopold en sy reis saam met die togryer na die diamantvelde van destyds.

Die storie”verhoog” word geskep met Leopold wat na sy ma se dood haweloos en geldloos met net sy ma se beursie en onervare ‘n togryer se handlanger word omdat die ou man se hond Asem hom uitgesoek het om een of ander onverklaarbare rede. Sarel is die ander metgesel, en hy vertel hom gou dat dit ‘n gevaarlike rit gaan wees, veral met gerugte van die Verdwaalding wat in die Skurweberge ronddwaal. Die trio word aangevul deur die tolwagter Arius en in Ceres met die pragtige donkerkop meisie wat in ‘n lykswa ry en hom dadelik betower.

Emily se pa is ‘n geoloog, en hy bring gereeld stersplinters van ‘n ster wat in 1838 geval het huistoe.

Die raaisel verdiep as ook Leopold ontdek dat hy ‘n soortgelyke “klip” van sy ma ronddra, en wat is in die sakkie wat Arius vir oom Barend gestuur het? En toe is Sarel ook ‘n meisie Sara! Emily glo hulle is gestuur om haar te help om die raaisel van die stersplinters te verstaan.

Die swart doodskis van Arius ontsluit nog meer geheime oor hul herkoms ; en dan is daar nog altyd die rondsluipende Verdwaalding waarvoor hulle almal baie bang is, en wat die leser menigmaal na jou asem laat snak!

Die verhaal ontwikkel tot ‘n interessante klimaks met Sara wat haar voorouers se teken vind, en vir al die karakters word die simboliese betekenis van die stersplinters, en die openbaring van die ware identiteit van die Verdwaalding waarin hulle almal ‘n sentrale rol speel, duidelik.

Hierdie is ‘n uitmuntende verhaal waarin geskiedenis, avontuur, raaisels, kalwerliefde en interessante karakters elkeen met ‘n persoonlike rol en plek, nou verweef word tot ‘n leeservaring wat jongmense sal betower. Stadig maar seker word elke stukkie van die raaisel bymekaar gebring, en die boodskap is duidelik dat elke individu kan bydra om iets positiefs en blywend te laat gebeur, en dat haat en hartseer tog met deernis uit hierdie Skurweberge kan verdwyn voordat dit die hele gemeenskap oorweldig en vernietig.

Troula Goosen verdien ‘n groot kompliment vir haar heerlike verbeeldingsvlug wat sy gebruik om soveel lesers te betrek by die genot van lees en die blywende waarde van ‘n goed beplande en deurdagte leeservaring. Hoogs aanbeveel..

De Villiers, Liz: Tjoppie en die skat(H&R, 2019) Illustreerder Vian Oelofsen.

Om te grawe is Tjoppie se gunsteling tydverdryf. Toe hy op iets eienaardigs in die tuin afkom wat bo die grond uitsteek, begin hy dadelik grawe en ontdek toe sy been tot Warrie se blydskap om ontslae te wees van die harde been wat sy slap so bederf het!

Die illustrasies Van die bekoorlike grootoog hondjie is eenvoudig treffend en effektief. Die teks is ook heerlik leesbaar sodat die boek sal werk as voorless of selflees materiaal.

De Villiers, Liz: Tjoppie en die tweeling( H&R, 2019) Illustreerder Vian Oelofsen.

Tjoppie gaan kuier by nuwe maatjies, tweeling hondjies Flapsie en Flopsie. So leer hy ook hoe hulle speelgoed deel en elkeen ‘n beurt kry om die bal te gooi. En hy gaan doodgelukkig huistoe met ‘n foto van hulle drie.

Weer netso prettig en kleurvol; die hondjies is oulik en kleuters leer sommer saggies ook oor mededeelsaamheid.

Dr. Seuss: Vier titels, naamlik Een vis, twee visse…;Hoe die Grons kersfees gesteel het; Horton hoor ‘n hoe!; en Kane k vir my ‘n troeteldier kry? ( PROTEA, 2019). Afriaanse vertaler : Philip de Vos.

Dr. Seuss se boeke bly deur die jare gunstelinge vir jong lesers, en baie kinders het leer lees en lief geword vir boeke juis deur bloot gestel te word aan sy skerp humorsin, slim gebruik van woorde en klanke en waarnemingsvermoeë.

Philip de Vos vertaal weereens soos die meester wat hy is, en so is hierdie titels in Afrikaans ‘n groot bydrae tot Afrikaanse versamelings tuis en in biblioteke. Hoogs aanbeveel.

Flanders, Bianca: Prinses Pampoenpit( LAPA, 2019) Illustrasies deur Zinelda McDonald.

Prises Pampoenpit is die allerpragtigste dogtertjie met ‘n bos krulhare. Maar sy hou nie van die krulle nie, en wild it net wegsteek. Haar sussie oortuig haar egter dat haar hare towerkrag besit- dat dit in die reën vanself begin kartel en baie spesiaal is. Toe sy besluit om die hairband los te maak , is daar ‘n krul-ontploffing, en sy gaan nou haar hare soos ‘n regte prinses begin dra!

‘n Vrolike boek met beweging, energie,en met die teks wat rym gekombineer met Zinelda McDonald se uitbundige speelse illustrasies, sal die boek menige dogtertjies wat hulle krulhare verwens , tot nuwe insigte bring.

Jacobs, Jaco: Sasha word stil(LAPA, 2019) Illustrasies deur Angela Banks.

Sasha luister graag na al die verskillende geluide wat haar omringwaar sy ookal gaan. Toe alles om haar tjoepstil word maak sy ‘n plan om haar eie musiek ook te maak.

Banks se illustrasies is heel treffend en mooi. Ek het veral gehou van die dogtertjie en die met die ysblokkie wat op die warm sement smelt ; die naaldekoker “wat roerloos in die lug hang”, en die goudgeel blom “wat stadig-staadig oopvou”. Hier is ‘n wêreld van klanke wat kinders kan namaak en na luister, terwyl hulle die stemmingsvolle illustrasies geniet.

Williams, Margery: Die hasie van fluweel-‘n storie oor hoe speelgoed rêrigwaar word( H&R, 2019) Vertaal en verwerk deur Linda Rode. Illustrasies deur Theodore Key.

Hierdie pragtige boek kan nie anders as om my gunsteling prenteboek te wees van die afgelope tyd nie! Dit was nog altyd my eie begeerte dat hierdie klassieke werk in Afrikaans vertaal moet word, en wie is nou meer geskik as Linda Rode met haar kennis van en liefde vir stories, en haar wonderlike vermoë om die mooiste sensitiewe teks te skep.

Dit is ‘n voorleesboek, selfleesboek vir oud en jonk. ‘n Nostalgiese reis na die wêreld van ‘n kind met sy speelgoed-hasie wat sy kosbaarste speelding is. Totdat hy siek word, die hasie weggegooi moet word, en in die asblik beland.

Maar wanneer jy baie lief was vir iemand, en dalk self droom om werklik te word soos die ander hasies, is daar altyd ‘n towerfee wat jou hiermee kan help.

‘n Boek om te koester en met kleinkinders, grootmense en alle kinders te deel.

Hoogs aanbeveel. Die illustreerder verdien ook spesiale erkenning vir sy fyn aanvoeling vir die teks waar hy belangrike elemente verweef in die agtergrond en in situasies. Sagte kleurskakerings dra by tot die sensitiewe verhaal deur die regte atmosfeerte skep.

Lulu se nuwe avontuur, en die SANLAM pryswenners 2019:

Viljoen, Fanie: Olke bolke, Lulu( LAPA, 2019)Illustreerder Elsbeth Eksteen.

Fanie Viljoen se gewilde reeks oor die dogtertjie Lulu met die talent om klere te ontwerp, deel hier met haar jong lesers ‘n nuwe avontuur, getooi in Elsbeth Eksteen se kenmerkende dogtertjie-vriendelike illustrasies.

Op ‘n dag ruik Lulu babapoeier in hulle huis. Oom Theuns die motorbestuurder het gevra of hulle ‘n paar dae na die seuntjie kan kyk terwyl sy dagmoeder siek is. By die skool is daar ‘n nuwe leerder in hulle klas, Greta. Greta prober dadelik almal se guns wen met koek uitdeel, maar agter Lulu se rug beskinder sy haar by die tweeling. Sy daag Lulu uit met ‘n modeparade-kompetisie. Lulu wil graag ‘n modeontwerper word, maar dalk is Greta meer talentvol as sy. Toe haar boek waarin sy al haar idees aanteken verdwyn, maar later weer verskyn,is sy stomgeslaan om by die kompetisie te sien dat Greta se ontwerpe presies soos hare is! Behalwe natuurlik vir die finale ontwerp wat sy nie in haar boek gehad het nie, en waar Greta se gebrek aan talent toe baie duidelik openbaar word. Dalk het Greta nou ‘n les geleer.

Ideale leesstof vir beginnerlesers wat hou van regte verfynde “dogtertjie”-stories met frilletjies en valle en oulike babas… en ‘n gawe talentvolle hoofkarakter wat ten spyte van Greta se afguns, nogtans bereid is om daarna met haar vriende te wees.

Derick van der Walt:Toring van Jasmyn( Tafelberg, 2019). SANLAM pryswenner- Goud vir Jeuglektuur.

Markus en sy sussie Nina en ‘n vriend Neil vergesel hulle pa op ‘n besigheidsreis na Istanbul.

Die verhaal is dus geplaas in hierdie kleurvolle maar ook gevaarlike milieu waar ‘n bom onlangs op die lughawe ontplof het. Tipies jongmense verken elkeen die nuwe vreemde omgewing op hul eie manier: Nina koop net aanmekaar goed, maar Markus word geïnteresseerd in die ou gebou, die toring van Jasmyn op een van sy nagtelike wandelings. Hy let op dat jong mans in swart gekelee die plek besoek en wonder waarom hierdie besoeke gaan.

Nina raak bevriend met die Turk Sahib, en hy nooi Markus om saam met sy span sokker te speel. So word hulle ook genooi na Sahib se oom se huis, en hulle ontmoet ook sy suster Meryem en ander familie.

Die toeriste bedrywighede van die karakters word ‘n ervaring vir elkeen op ‘n veel dieper vlak deurdat hulle met ‘n Turkse gesin bevriend raak. Terselfdertyd is daar ‘n sterk spannings-element met Markus se belangstelling in die Toring van Jasmyn wat opbou tot ‘n klimaks wanneer Nina ontvoer word en hy vermoed waar sy aangehou word.

Derick van der Walt kyk na Istanbul met fyn waarneming en interessante kommentaar, en sy beskrywings van die plek is netso kleurvol as Istanbul self.

Die jongmense word ook oortuigend uitgebeeld, elke individu is geloofwaardig en oortuig, ook Neil met sy boodskappe aan ‘n vriendin waarin hy kommentaar lewer oor hierdie gesin. Neil vertel dan aan haar dat Markus ‘n stiefma Charlotte het en dat hy emosioneel nognie die egskeiding van sy ouers aanvaar het nie. Maar ook hier vind daar ontwikkeling plaas en maak Markus kontak met haar d.m.v die lampie wat hy toe vir haar koop. Die leser hoor ook dat Neil sy ouers verloor het.

Hier is daar dus nie die fout wat so baie skrywers maak om issues ‘n sentrale fokus van die verhaal te maak nie; karakters se emosionele problem plaas soms ‘n demper op die leser se genot met die lees van ‘n verhaal. Hierdie skrywer weet hoe om ‘n gesonde balans te handhaa. Baie subtiel vertel hy jou van persoonlike problem waarme die jong karakters worstel, en baie subtiel ook weer is daar die tekens van hoop en vernuwing.

Van der Walt is gemaklik met Afrikaans, met sy karakters en vertel ‘n boeiende verhaal wat afspeel in ‘n eksotiese omgewing, maar ook word jy as leser bekend gestel aan werklike mense in hierdie vreemde land en die probleme waarmee ook hulle te kampe het.

‘n Waardige wenner van die SANLAM goue medalje. Die boek sal tieners boei en betrek ook op emosionele vlak.

Barnard, Annerle: Sindikaat( Tafelberg, 2019). Silwer medalje wenner.

Paul en sy twee vriende Karlien en Adriaan is in opdrag van Paul se pa op ‘n safari na Zimbabwe en Zambië onder aanvoering van die rowwe onverskrokke recce Bossie. Hulle is in lewensgevaar nadat Paul heel onskuldig en niksvermoedend sy hand in ‘n Chinese vriend Chang se beskuitblik gesteek het en hulle so bloot toevallig met ‘n sindikaat en smokkelary kennis gemaak het. Buitendien was Paul voorheen ontvoer, en vandaar sy pa se besluit dat hy ‘n lyfwag moet hê. Bossie moet die jongmense beskerm teen moontlike bendelede wat Paul se bloed soek, en hy tref voorsorgmaatreëls, selfs deur wapens oor die grens te smokkel. Hulle eerste kennismaking met die vyand is by die Victoria Falls Nasionale Park. Bossie reken egter gou met die twee aanvallers af.

Baie minder vervelig as my verbeeldinglose weergawe van gebeure is die werklike situasies en veral Paul se kommentaar, emosionele uitbarstings en waarnemings in kleurvolle byderwetse taal wat tieners ken. Daar is wrede situasies ook, soos toe Paul sy geliefde kat Russel gekruisig gesien het voor hul vertrek, of Guinness die hond wat net net ‘n aanval oorleef, of Karlien se poedel se keel wat afgesny word… of die boot aanval op die Zambesi rivier…

Hierdie word ‘n reis van vele spannende ontmoetings tussen die jongmense, hul beskermheer Bossie, en ‘n sindikaat wat hulle medoënloos agtervolg.

Die skrywer plaas die gebeure in Zimbabwe en Zambië in hoofstukke, afgelos met hoofstukke wat die gebeure in Bloemfontein vooraf, vertel. Hierdie is dus ‘n slim manier om die leser geleidelik ‘n volledige prentjie te gee van die hele ontplofbare situasie waarin die karakters hulle bevind.

Paul as verteller is ‘n boeiende energieke hoofkarakter met sterk emosies en hy handhaaf ‘n vinnige tempo van vertel en meelewing. Sy beskrywing van situasies en insidente is skerp, soms komies en altyd raak, bv. as hy sê: “ Bossie se kop raas in stereo”. En “As die humiditeit jou alleen in hierdie wêreld kry, pop hy jou soos ‘n springmielie”.

‘n Verhaal wat op ‘n gallop hardloop en die leser ‘n genotvolle leeservaring bied.

Jacobs, Jaco: 101 Nagmerries(LAPA, 2019). Illustrasies deur Imile Wepener.

Net om na die inhoudsopgawe van hierdie versameling van 101 nagmerries tekyk laat jou asem behoorlik wegslaan! 296 bladsye met stories meestal nie meer as twee bladsye nie, en ingesluit bangmaak-gediggies met Knoopoog op die laaste bladsy om te verseker dat jy lekker slaap…

Jy vind uit hoekom niemand by tannie Hannie op die plaas kuier nie; ‘n vreemde boom in die tuin van ‘n wetenskaplike wat verdwyn het, ‘n grillerige masker wat jy liewers nie oor jou kop moet trek nie; Ninnie die spookdogtertjie wat sukkel om maats te maak; Vernon wat laat is vir skool omdat ‘n lugskip met ‘n glimmende oog verwoesting saai; Tannie Annie wat uitvind mens kan skrik vir koue pampoen veral as dit lewendig word; Charlie wat met lewende graffiti te doen kry ; ‘n swart kol teen ‘n muur in die skool wat kinders hipnotiseer; Berta wat gelukkig nooit onder haar bed kyk nie; dat wat at jy nie weet nie kan jou werklik seermaak; dat dit is gevaarlik om op ‘n spooktrein te ry; Meneer Pauw die onderwyser wat twee keer per kwartaal vreemd optree en dan verander sy oë ook van kleur; Regard in die klerewinkel met ‘n pop wat op ‘n haar netsoos hy lyk; nare dinge kan jou tref as jy iemand se partytjie prober omver gooi net omdat hulle vreemde goeters eet; ‘n towerpen wat skatte ontbloot; ‘n doodgewone parkie bedek baie geheime want dit was eers ‘n begraafplaas; pasop vir ‘n haarkapper wat bekend is dat hy so lekker hare knip…;vreemde weer lewer ‘n plaag van verwoestende paddas op; moet nie jou hand in ‘n oop gat in die pad druk nie omdat geluide daaruit kom nie; Abri wat deur ‘n vlermuis gebyt word en verander in een; wegkruipertjie speel kan dalk snaakse deelnemers oplewer; ‘n tandarts wat op sy tande kners doen dit dalk want hy is dalk ‘n reptiel met ‘n swart-grys tong; ‘n spook in ‘n koshuis spook dalk regtig; dalk is dit gevaarlik om met die skoolgeraamte te dans, veral as jy met haar beenhand huistoe gaan; waak daarteen om die skub van ‘n draak huistoe te neem en dit nie betyds terug te besorg nie. Kinderspeletjies by ‘n verjaarsdagpartytjie mag dalk ‘n werklike slangetjies en leertjies speletjie bevat. Iemand se oor in jou wasbak mag dalk gevaarlik wees. Kevin is ‘n stout seun wat uitvind wat Kamp regruk nou werklik vir hom inhou. Ivan slaag daarin om die vinnigste ou in sy klas Basil te wen toe Basil deur die rondgaande epidemie getref word en aggressief begin optree. Hansworse bly nou maar eenmaal grillerig, veral as jy hulle wegjaag. Gelukkig gaan stap Janke met Kaptein die herdershond want die ou huis mag dalk geheime gevare inhou wat Kaptein instinktief aanvoel. ‘n Gesin wat in voëlverskrikkers verander wanneer hulle op ‘n plaas gaan aarbeie plant; op volmaan nagte gebeur daar snaakse dinge, soos Jenny wat beweer dat sy deur ‘n werewolf aangeval is.

Hierdie uiteenlopende verassende stories word aangevul met ‘n versameling gedigte wat netso angswekkend werk:’n Katvoet juffrou, Koggelmanderman, ‘n Laksman, Halloween, Klaarpraat met jou, Spookasem, die lang skraal man…, die spookhond van Donkerdal; Nagwag en die Egiptiese mummie; die spook van Uniondale; die heks van Hexrivier; Frankenstein, monsterslym; nagmusiek waar twee dansende geraamtes dopgehou word; ‘n Geheime bestanddeel in tannie Annie se souttert; ‘n huis wat sug en kreun, tant Anna se portret wat ‘n mens bangmaak; visvingers; niks om voor bang te wees nie; ‘n ruiter sonder ‘n kop; ‘n bosmeisie; die meermin se lied; ‘n afgekapte hand; as die vloerplanke kraak; die roep van’n uil; Swartbaard die seerower kaptein; die Jeti; Baba jaga; ‘n Waterslang; ‘n lewendige mallemeule; die legend van die middernagman; ‘n nagwind wat jou asem steel; ‘en o.a.my gunsteling rympie van die Ysvrou :

“Kromverkluimde voëltjie

Onder die winterkaal prieel

Die Ysvrou het laas nag stil-stil

Jou asempie kom steel”.

Daar is self strokiesprent-verhaaltjies soos die Sleutel; Wesens uit die buitenste ruim wat met pruike inpas by aardse skoolkinders; Twiet met gevaarlike voëls, en Voëlverskrikkers.

Afgesien van hierdie groot verskeidenheid van nagmerrie-stories, is daar die illustrasies van Imile Wepener wat jou asem wegslaan en die teks nog meer angswekkend aanvul. Met ‘n treffende omslag teen ‘n donker agtergrond plaas hy met groot insig en vernuf die kleurvolle bangmaak karakters in die verhaaltjies. Hy gebruik helder kleure, ‘n ryke verbeelding en baie fyn humor om die boodskap te vertel. Hy skilder met selfvertroue en ‘n seker inslag. Sy spinnekop se web is donkerrooi; sy waterslang het diep kleure , ‘n ronde oog omring met rooi en de diamant op sy voorkop vonkel lokkend. Die ou vrou wat herinner aan die heks met Hansie en Grietjie het geel yskoue uitdrukkinglose oë. Die nagwind wat druis deur die begraafplaas is met beweging geteken teen ‘n donker agtergrond en ‘n geel maan. Sy tweede laaste illustrasie van die mense op straat op ‘n dubbel bladsy vertel dat mense skaars sien wat om hulle aangaan. Die dansende geraamtes in die nag lyk potsierlik en komies maar ook grillerig.

Voorwaar is die venootskap tussen skrywer en illustreerder hier ‘n wenresep. Ek hoop om hom nog meermale te ontmoet.

Prenteboeke 1/2020:

Baker-Smith, Grahame: Die ritme van die reën( PROTEA, 2020). Uit Engels vertaal deur Deborah Steinmair.

Hierdie pragtige poëtiese teks en illustrasies is ‘n viering van water en die reën waarsonder ons aarde nie kan bestaan nie.

Isak neem die leser saam op ‘n ontdekkingstog waar hy, soos die reën val, sy waterbottel vul en die stroompies bergaf volg tot dit aansluit by die rivier , by ‘n waterval aftuimel en uiteindelik in die oseaan uitmond. Die seewater word mis en dryf na ‘n verre dorstige land. ‘n Nuwe rivier vloei weer terug na die see. Die siklus is voltooi.

In 2011 het die skrywer die Greenaway medalje verower vir sy kinderboek, Farther. Die ritme van die reën is ‘n ongelooflik spesiale prenteboek ,sowel tematies as deur die sagte gevoelvolle illustrasies . Die omslag met die vallende druppels is treffend. Hoogs aanbeveel.

Davies, Benji: Ouma voëltjie( PROTEA, 2020).

Soos sy vorige twee prenteboeke , Die Stormwalvis en Oupa se eiland, is Ouma se voëltjie weereens ‘n treffende bydrae tot boeke wat die see en omgewing met groot deernis uitbeeld. Noi gaan in die somer by sy ouma bly. Sy woon op ‘n klein rots alleen. Sy is altyd besig, en Noi moet maar himself besig hou. So beland hy in ‘n grot waar ‘n klein voëltjie by hom aansluit. Ouma kom tot sy redding , en die res van die somer geniet hulle saam en gaan op menige verkenningstogte.

Die see, maar ook die verhouding tussen ‘n ouma en haar kleinseun word liefdevol uitgebeeld. Die teks is lekker groot en lees maklik; die illustrasies tref met Noi se heldergeel reënjassie wat teen die grysblou kleure van die see en rotse uitstaan. Hy bring klelur in die lewe vansy ouma, en selfs die klein voëltjie word lief vir haar. Hoogs aanbeveel.

Jones, Richard: Pootjies: (PROTEA, 2020).Vertaal in Afrikaans deur Kristèl de Weerd.

Pootjies is ‘n verlore klein hondjie , sonder ‘n huis en al wat hy het is ‘n rooi serp.

Hy volg ‘n dartelende blaar toe dit wegdryf in die nag. Nou bevind hy hom in die stad, en weet dat hy ‘n huis moet vind. Maar oral wor hy weggejaagm Hy beland in ‘n park met hoë bome. Hy maak vir hom ‘n nessie van klippies en blarewaarin hy opkrul. Maar skielik verskyn ‘n dogtertjie wat sy rooi serp nah om uithou. Hy het iemand gevind wat hom aanvaar en nou het hy ‘n eie huis.

Die verhaal van ‘n eensame hondjie wat op soek is na ‘n tuiste sal byval vind by elke jong lesertjie met ‘n liefde vir diere en met die behoefte om hul te versorg en lief te hê.

Die omslag van die boek met sy naam Pootjies in verskillende kleure geskryf teen ‘n roomkleurige agtergrond, en daarby die klein bruin hondjie met die rooi serpie om sy nek, wat klein en verdwaal lyk teen die agtergrond, is treffend en werk. Mooi bydrae.

Sussman, Michael: Mynhardt die moeilike kind(PROTEA, 2020). Illustrasies deur Júlia Sardá. Vertaal in Afrikaans deur Rentia Bartlett-Möhl.

Mynhardt se ouers lees die boek Hoe om ‘n moeilike kind te hanteer, en op Mynhardt se opmerking dat ‘n yslike kobra uit sy kas uitgekom het, is hulle reaksie maar net dat hy te oud is om hom van monsters te verbeel.

Hulle raad vir sy verbeeldingsvlugte is om hom in die werk te steek, maar na ‘n middagslapie word hy sowaar deur die kobra ingesluk terwyl hy op sy blokfluit oefen!Sy ouers dink dit is ‘n slangkostuum, en steur hulle nie aan sy stem binne die kobra wat vertel dat die slang hom regtig ingesluk het nie.

Hy eet so saam met sy ouers, en gaan op ‘n wandeling saam met hulle . Sy nefie word uitgenooi om die aand by hom te kom slap, maar gelukkig maak Mynhardt ‘n plan om hom van die slang te bevry.

Die skrywer is ‘n kliniese sielkundige, en hy skaar hom by die seun wat eintlik moeilike ouers moet hanteer, en nie andersom nie.

Die illustreerder vul die teks treffend aan met die reuse rooi slang wat elke lesertjie grootoog sal laat luister en kyk. Die donker kleure skep die regte somber atmosfeer in die aand,en die “formele” p;asings van sy ouers in ‘n gestruktueerde toneel met sterk lyne baie formeel, suggereer die swak verwyderde kommunikasie tussen die seun en sy ouers. Baie oorspronklik en uniek. Hoogs aanbeveel.

Valentine, Rachel: Moenie met ‘n prinses mors nie! ( H&R, 2020). Illustrasies deur Rebecca Bagley. In Afrikaans vertaal deur Kobus Geldenhuys.

‘n Pragtige koningkryk word bedreig deur ‘n troll wat alles om hom verwoes en die onderdane in vrees laat leef. Die koning waarsku sy drie kleindogters om nie met die trolskoor te soek nie. Hulle is egter vasberade om die trol te konfronteer en ‘n les te leer. ‘n Betowerde woud stuit hulle nie, ook nie krioelende spinnekoppe nie, ook nie ‘n gebreekte brug met die trol aan die anderkant van die kloof nie. Nadat hulle hom gevang het in ‘n wasgoedlyn, wag ‘n verassing op die drie.

‘n Vrolike beweeglike teks en illustrasies wat jong lesers sal geniet, veral sal dogters identifiseer met die drie prinsessies wat nie met hulle laat mors nie, en planne kan maak om probleem situasies te hanteer. Bagley se illustrasies is vol humor, die gesigsuitdrukkings van die karakters spreek boekdele, en elke situasie is groot pret om saam met die skrywer te deel. Die boek behoort goed ontvang te word en sal gewild wees. Lekker ligte leesstof, tog met ‘n mooi boodskap.

Van spookmonsters tot by die geheim van die woud

Wiplala is 'n leesgenot!

Boeke vir kleintjies

'n Krismisengel met 'n boodskap

As mens geluk kon proe

'n Eiland besoek kan onvergeetlik wees!

Prenteboeke te kus en te keur

'n Boomhuis en middernagbende!

'n Tier, rondomtalie ry, nuus luister, en potjie gebruik en wie waar woon...

Hokaai Lulu, Die dag van die draak, Zackie Mostert, Kleuterland en Skuif

Skandalige susters Smit, tweede kans en ruk-en-rol-rugby

Pragtige prenteboeke vir groot plesier

'n Grillerige storie gevolg deur karre en kroeks

Van towermeisie en 'n kat tot 'n betowerende jeugboek Raaiselster

Prenteboeke vir groot plesier met Tjoppie, die hasie van fluweel en Dr. Seuss

Lulu, Toring van Jasmyn en Sindikaat

101 Nagmerries deur Jaco jacobs

Pragtige prenteboeke om die jaar in te lui1