Lona se reviews

Jacobs, Jaco: Zackie Mostert en die super stinkbom( LAPA, 2017) R85

Die 13de titel in hierdie gewilde reeks stel weereens nie teleur nie! Zackie en Vincent sluit by die skoolkoor aan omdat hulle op die lekker koorkamp wil gaan, net om te hoor dat die rugbykamp dieselfde tyd plaasvind. Anton die skoolboelie begin sommer dadelik spot met Zackie Mozart, maar sy nuwe koormaats besluit ‘n stinkbom is net die regte ding om Anton stil te kry. Maar dit is juis Anton se sangstem wat hom self in die koor laat beland- die grootste straf ooit! Vir hierdie boelie.

Jacobs, Jaco: Zackie Mostert en die slim speurder( LAPA, 2017) R85

Zackie word verkies tot kaptein van die krieketspan, wat Anton dadelik laat besluit hy moet wraak neem . Toe Jenny Jay by die skool optree, verdwyn haar kosbare halssnoer, en Anton probeer Vincent van die diefstal beskuldig. Maar Zackie hou sy lyf speurder, en die verlore halssnoer word op ‘n spesiale plekkie opgespoor.

Ligte leesstof vir Zackie se aanhangers met net die regte balans van humor en ‘n onderhoudende storielyn.

Roux, Lize: Stalmaats 19- Pretrit( LAPA, 2017) R100

Anri en haar twee vriendinne is opgewonde oor die skoolvakansie wanneer hulle rylesse en ‘n Paaseier-soektog vir die kinders van die Peace Shelter gaan reel. Nadine, haar beste vriendin van die vorige ryskool kom kuier, maar dit is baie duidelik dat sy gladnie by die lesse betrokke wil raak nie. Anri kan dit nie verstaannie, totdat Nadine haar die rede hiervoor vertel. Dalk word dit nog ‘n heerlike pretrit!

Roux, Lize: Stalmaats 20-Perdediewe( LAPA, 2017) R100

Anri en haar gesin gaan vir die langnaweek Kaap toe waar haar broer aan die fietsryproewe gaan deelneem. Sy weet Jacques mis sy perd Thunder baie waar sy en haar vulletjie Storm ook in die Kaap is sodat Storm geopereer kan word vir sy knieë. Hulle nooi Jacques saam sodat hy sy perd kan opsoek. ‘n Perde diefstal vind plaas, en die jongmense probeer die skuldiges vastrek.

‘n Opwindende storie met onverwagse wendings. Die Stalmaats aanhangers sal lekker kan lees.

Jacobs, Jaco: SKWIEK( LAPA, 2017) R100.

Nathan hou nie van Dinsdae nie . Maar vreemde dinge kan op ‘n Dinsdag gebeur- soos ‘n boks wat vir hom afgelwer word met ‘n hamster as geskenk. Charlie sy vriend kom kuier, en hy word deur die hamster gehipnotiseer. So leer Nathan dat die hamster net kaaskrulle eet, terwyl Charlie niks onthou van die situasie nie. Nathan het nou hope pret met die hamster wat sy sussie en ander kinders hipnotiseer. Toe belangrike inligting van sy ma se rekenaar verdwyn, vind hy uit waarom SKWIEK daar is, en nog ‘n groter verassing oor sy ma se werklike beroep. Die skurk Basil Beyers wil die wêreld oorneem met sy uitvindsel. Gaan hy daarin slaag? , of sal hy op sy plek gesit word…

‘n Heel oorspronklike tema met hope aksie en verassings om jong lesers te vermaak.

Steyn, Sanri: Die vampiere van Vlermuishoogte( LAPA, 2017) R100. Illustrasies deur Johann Strauss.

Hierdie is die sewende titel in ‘n gewilde reeks met Sanri Steyn as hoofkarakter.. Sy wil ‘n wêreldberoemde joernalis word, en het haar eie koerant , die Raaiselfontein Gazette begin.

Sal die koms van Markus se neef en sy ouers en hul nuwe tuiste die indrukwekkende klipkasteel op Vlermuishoogte weer sorg vir ‘n goeie storie? ‘n Besoek aan die kasteel maak dit duidelik dat sy ouers vampiere is, en wat dan van Danté wat die ewebeeld van Markus is? Is Markus nie dalk ook ‘n vampier nie?

‘n Heerlike grillerige storie wat versterk word deur Johann Strauss se verbeeldingryke illustrasies.

‘n Potpourrie van Afrikaanse kinder-en jeugboeke:

Krahtz, Karin: Elton die verskriklike April verloor dit!( Tafelberg, 2017)

Elton amper famous April en juffrou Brom (2015) was ‘n heerlike reguit op die man af verhaal wat beïndruk het met ‘n geloofbare karakter sonder pretensies wat so dadelik in jou hart gekruip het. Verblydend is die verskyning van ‘n tweede April storie, en weereens is die verhaal net so ‘n lekkerte om te lees!

Hy en sy ma bly nou in ‘n ouetehuis Groendakkies, waar sy verpleegster is, en Elton is maar te bly om ‘n dak oor sy kop te hê, ‘n vol maag en nogal ‘n paar vriendelike tannies wat lekker port kan drink. Skool is ‘n uitdaging, want as ‘n groentjie word hy misbruik deur twee boelies, beland eers in die verkeerde klas- Mechanics – terwyl hy eintlik hoort by kunsklasse en sy musiektalent moet kan uitleef. Gelukkig is daar die noodhulp kursus saam met die pragtige Roxy in die biblioteek-‘n veilige plek om vir Popeye weg te kruip- “want die word bibbeljoeteek is beslis nie in sy woordeskat nie”.

Elton bly kwaad, en word gestuur na die sielkundige tannie Kameel wat hom aanmoedig om sy gevoelens uit hom te teken… maar help dit regtig? Want hy moet alweer “cover” vir sy ma wat laat huistoe kom, en Elton is oortuig die Samajoor in die tehuis is sy ma se nuwe kêrel. Maar niks erger kan wees as die nuus dat sy ma weer ‘n baba verwag nie! Sê Elton: “ Die lewe skuiyt op my soos ‘n onmanierlike duif”.

“Ek is ver verby gatvol.En nou weet ek gatvol is baie gevaarliker as woede, want as jy woedend is, gee jy nog om”.

Hierdie joernaal met Elton aan die woord loop oor van treffende opmerkings wat aan Elton se gevoelens gestalte gee. ‘n Verhaal wat jou bybly, wat weer gelees wil wees, en ‘n plek verdien in biblioteek, skool en tuisversamelings.

Engelbrecht, Nelia: Die Poort-krygers( Tafelberg, 2017)

Hierdie is die vierde en finale titel in die POORT-reeks- bewakers, reisigers en helers, en nou krygers. Kali van Gala en die ander nuweling-bewakers van Bospoort het die geleentheid om hul Kragte en Magte te oefen, maar swak beheer hiervan laat hulle beland in Ierland in ‘n kasteel wat dien as ‘n beheersentrum wat al die Poorte op aarde monitor.

Die stryd duur voort tussen die bewaarders en die Ander: Chanda –Mundia en sy volgelinge wat hul gedurig opponeer. Dan is daar ook die interessante verhouding tussen die drie- Kali , Zak en Leonardo- watter jongman gaan uiteindelik haar hart volkome verower, of is dit nie moontlik nie?

‘n Aksie-belaaide verhaal waar die bewakers uiteindelik tog die mense van Bospoort moet verdedig teen die Ander wat in beheer van die Poort wil wees.

Lesers wat die vorige drie boeke gelees het sal hierdie finale hoofstuk in die saga baie geniet. Pragtige treffende omslae.

Webb, Holly: Lana en Rakker-vakansie by die see( LAPA, 2017)

Die 5de titel in ‘n prettige reeks met Lana en haar onnutsige hondjie Rakker as die hoofkarakters. ‘n Vakansie by haar Oupa en Ouma by die see is dit die geleentheid vir Rakker om met seewater kennis te maak, en Lana se ouma te irriteer met sy stoutighede. Maar toe hy wegloop en hulle hom moet soek, vermurwe selfs Ouma se hart.

Onskuldige ligte leesstof vir kinders wat al ‘n eenvoudige teks kan bemeester, en hou van ‘n storie met ‘n gewone gesin wat vakansie hou by die see.

Webb, Holly: Lana en Rakker –Rakker se prettige Kersfees( LAPA, 2017)

In die sesde boek in die reeks kry die twee die geleentheid om te help met die diereskuiling Vierpotige Vriende se Kersfeesfunksie in Julie om fondse in te samel.

Lana is dadelik baie entoesiasties en betrek ook ander maats by ‘n vertoning van kersliedere. Sy oortuig selfs haar ouers om vir hul huis ‘n reuse kersfeesboom te koop. Rakker besef hy sal nie sy been teen hierdie boom kan lig nie! Elkeen van die kinders trek vir hulle honde oulike kersfees-uitrustings aan- Rakker is tog te oulik met sy hoed, maar ‘n bietjie van ‘n verleentheid toe hy saam met die koor begin “sing”.

Ligte leesstof met ‘n rakker van ‘n hondjie wat gedurig nuwe stoutighede aanvang.

Smit, Louise: Haasdas se nuuskas-episode 3( H&R, 2017) Illustrasies deur Vian Oelofsen.

Die dag vir die sportbyeenkoms breek aan . Groot opgewondenheid heers in Diereland om die wedloop tussen Hasie Kwassie en Skillie Skilpad te sien.

Hasie is vol selfvertroue dat hy gaan wen:”Met my Spoetnieke( sy wegholskoene) hol ek sonder brieke”. Hy neem net deel om vir eens en altyd die storie dat skilpad haas gewen het, stop te sit. Sal hy dit regkry? Of is daar diere wat ‘n stokkie voor sy grootmond uitsprake gaan steek?

Vian Oelofsen se illustrasies lewer ‘ngroot bydrae tot die aantreklikheid van die boek: Piet Muis met sy groen strikdas en geel broekie, die twee skilpaaie met die rooi pette; die maer hasie met sy ontwerperskoene; die wildebees en oupa Dassie elk met ‘n Veldnuus koerant; en daardie bloedrooi tv waarna die diertjies met soveel konsentrasie kyk om uit te vind wie nou regtig die wedstryd gewen het! Om nie te praat van die imposante koning Leeu en die pikswartmoeder Raaf se gesprek om ‘n oplossing te vind vir die kleintjies wat blootgestel word aan die ou afgetrede diere se stories sodat daar geen stilte meer is nie.

Baie vermaaklik en ironies.

Bertish, Greg: The little optimist( The little optimist trust) 2017 Illustrations by Chip Snaddon. An Afrikaans edition will come.

The author is a South African champion lifesaver achieved as a multiplecardiac surgery survivor, and ambassador for the Children’s Hospital Trust. In 22016 he sailed a children’s optimist dinghy around the Cape of Storms. The beautiful Langebaan lagoon was the final destination, and the setting for his story about the little yacht – an Optimist –the smallest of all yachts. But this yacht compensated for his size by having the biggest heart you can imagine. He would say to himself:” I may be slow and I may be small. Mysail is square and I’m not tall. But I am special and I have a heart.My dreams are big and this is just the start”.

In a brave rescue attempt he safes an old Houseboat which was in trouble far out in the dangerous waters, something none of the other bigger boats would attempt.

A charming story with tremendous appeal in its sincerity , a lesson in courage and to trust one’s own abilities. www.thelittleoptimist.org.

Davies, Benji: Oupa se eiland( PROTEA, 2017) Vertaler: Carmen Hansen-Kruger. R150

Simon se Oupa woon aan die onderpunt van hulle tuin in ‘n huis. Hy besoek sy Oupa gereeld. Op ‘n dag kry hy sy Oupa op ‘n ongewone plek- op die solder waar hy agter ‘n laken’n groot metaaldeur laat verskyn en Simon nooi om saam met hom op ‘n bootreis te vaar na ‘n pragtige tropiese eiland . Hulleherstel’n vervalle huisie op die eiland, en Simon dink dit is die beste plek ooit. Hy weet egter dat hulle sal moet truggaan, maarsy Oupa vertel hom dat hy daar gaan agterbly. Toe hy na sy tuiskoms weer ‘n draai by oupa se huis gaan maak is Oupa nie meer daar nie. ‘n Voël bring aanhom’n koevert met ‘n foto van glimlaggende Oupa op die eiland omring deur tropiese voëls en diere.

Keurig versorg soos kenmerkend van PROTEA se kinderboeke -die tropiese eiland is aanloklik met die welige plantegroei en diere.

Die boek word bemark as ‘n verhaal wat “‘n mooi maar hartseer storie op ‘n avontuurlustige manier vertel hoe kinders’n geliefde grootouer groet, hetsy dit vir altyd of tydelik is”. Ek dink nie hierdie voorstelling van die dood en afskeid gaan in alle ouers se smaak val nie; dink na oor hoe dit met kinders gebruik gaan word.

Punt-Fouché, Louisa: Skaarser-as-skaarste Oewerkonyn van die Karoo( Christel Foord, 2017).

‘n Sterk poëtiese ontroerende teks stel die leser bekend aandie Oewerkonyn, ‘n bedreigde soogdier waarvan daar vandag na beraming net 250 pare oor is volgens die skrywer. Feite oor die dier se eetgewoontes en bedreigde habitat word verweef in ‘n teks wat sing en dans:”Die bossies wat ons eet, rivierdraaibos, gannabos, bierbos, inkbos en skaapbos, word daarom al hoe skaarser”.

‘n Pragtige gedig word aan die Oewerkonyn opgedra, hiervan ‘n uitreksel:

“jou ore so lank jou voete so sag

Jy verstaan die fluisteringe van die donkerste nag”….. ‘n Ongewone boek deur ‘n kunstenaar se hand –‘n mengelmoes van kleure, letters en sterk gevoel.

Rousseau, Leon: Ek leer van kleure; Ek leer die ABC; Ek leer tel( H&R, 2017) Illustrasies deur Karen Ahlschläger en Johann Strauss.

Drie individuele boeke in sagteband wat voorskoolse kinders help met getalle, om letters te kan identifiseer, en kleure waarte neem.

In Ek leer van kleure is dit gewoonlik oulike muise wat elke individuele kleur voorstel en dienaam van die kleur telkens herhaal. Dan word die rëenboog se kleure aangedui, en op die finale twee bladsye is daar ‘n dorpstoneel kompleet met ‘n treintjie wat kinders uitnooi om te noem watter kleure hulle hier raaksien.

In Ek leer die ABC kan kinders deur herhaling ook die letters van die ABC leer identifiseer met klanke daarby om te help met die uitspraak. ‘n Prettige Appeltert-alfabet word gebruikas objek om die kind tot by die letter z te neem. Heel oorspronklik!

In Ek leer tel is die muiskaraktertjies weer hard aan die werk om kinders se tellery verleidelik mooi te illustreer.

Hierdie is baie aantreklike boeke en behoort goed ontvang te word deur volgelinge van die Storiemuis-reeks.

Leonard, M.G.: Kewer-koningin(PROTEA, 2017) R195 Afrikaanse vertaling Kobus Geldenhuys

Lucretia Cutter het nou daarin geslaag om haarself te metamorfoseer na ‘n kewer, en vir haar is die tyd nou ryp om die wêreld oor te neem met haar mag van transgenetiese kewers. Sy beplan om met die Filmtoekennings in California voor die skare haar magsoorwinning bekend te maak. Hoewel sy ook daarin slaag om die meeste van die Emporium kewers te laat verbrand, is daar nog steeds die drie jongmense- Bertolt, Virginia en Darkus, Bartholomew Cuttle se seun , wat haar planne omver wil werp en met die oorblywende kewers mobiliseer teen haar vernietigende magte. Die klimaks tot die verhaal is dan die geveg in die teater waar sy wel slaag om te ontsnap.

Hierdie hooftema word deurvleg met verskeie karakters se optrede soos haar dogter Novak wat Darkus hulle probeer help; Darius se pa wat hom weer aansluit by Lucretia om haar te probeer beïnvloed; oom Max Bartholomew se broer wat ook die jongmense help; die twee dom broers Pickering en Humphrey wat hul geld van Lucretia wil eis; Calista Bloom Bertolt se verspotte ma, en Ling Ling Lucretia se gevaarlike vegter. Dokter Yuki Ishikawa word ook betrek by ‘n reddingsending na die Amasone om o.a.Barty en Novak uit Lucretia se kloue te red.

Die kewers speel deurgaans ‘n belangrike rol: die drie jongmense het elk hul eie persoonlike kewer soos Darkus se geliefde Baxter en selfs Novak versteek haar Hepburn van vyandige kewers.

Hierdie is die tweede boek na Kewerknaap in die trilogie waar Kewerwraak nog moet verskyn.

Opwindende interessante leesstof propvol inhoud en inligting oor kewers- daar is selfs ‘n entomologiese woordelys ingesluit. Interessante karakterisering en genoeg grillerige goggas en kewers om die leser betrokke te hou by ‘n “anderse” verbeeldingryke avontuur. Hoogs aanbeveel.

Jacobs, Jaco: Daar’s nie ‘n krokodil in hierdie boek nie( LAPA, 2017) Illustrasies deur Chris Venter

Kombineer Jaco se storie-vernuf met Chris Venter se verfrissende humoristiese oog, en die boek kan nie anders as om te slaag nie!

Lesers word sommer met die intrapslag verseker dat hoe hard hulle nou ookal mag soek, daar is nie ‘n krokodil in die boek nie. Natuurlik net die regte aansporing vir nuuskierige kleintjies om te begin soek na daardie verskuilde groen monster! Karakters uit geliefde feëverhale is die krokodil in vermomming: Cinderella se groen stert is goed weggesteek; maar as sy uit die paleis hardloop is die gesig heel duidelik die van die krokodil.

Die reus in Jan en die boontjierank hardloop verskrik weg as hy Jan as die krokodil ervaar; die prinsessie wat die padda wil soen om haar goue bal terug te kry, soen die aanloklike rooi mond van die krokodil. Gouelokkies is nie heeltemaal so onskuldig as sy deur die bere gewaar word nie, en Rooikappie se ouma as die wreedaardige krokodil leer die wolf behoorlik ‘n les!

Chris Venter kleur die bladsye in met vriendelike muise, ‘n fee, die groenste kronkelende boontjierank, geel pampoene, ‘n verskrikte reus, die allerfraaiste aandtoneel waar die prinses langs die waterpoel sit omring deur ‘n skitterende feestelike omgewing waar wit blommetjies in die naglig skitter; ‘n goue krulledos vir Goue Lokkies wat krul en krul; en drie stywe beere wat amper opgestop lyk; en ‘n regtig grillerige gesiggie van die krokodil omraam deur goue krulle in die bed.

Rooikappie se woud bestaan uit ‘n verskeidenheid van regop boompies wat langs die pad staan. En in amper elke illustrasie is daar die muis-karaktertjies wat toekyk. Sy illustrasies is heerlik kleurvol, vol humor en beweging en baie oorspronklik.

Die boek behoort baie lesertjies ure van genot te verskaf.

Radloff, Adeline: Die boosaardige broers Botha( Tafelberg, 2017) Illustrasies deur Alex van Houwelingen.

“Die broers Botha woon in die Bosveld, ver van die groot stad af, waar dinge nog rof gaan…”

Barend is die oudste en ‘n rofstoeier van beroep. Ben is die tweede oudste en altyd knorrig , daarom is sy bynaam Brom. Bernard is die derde broer met die bynaam Buskruit-hy hou van skiet en jag.

Bulelani Botha is die jongste en is heeltemaal verskillend van die ander drie. Hy hou van gesonde kos, lees en is vreedsaam , is lief vir diere en hou nie van jag nie. Die ma Bettie is oorlede, en gevolglik moet die ouer broers na Bulelani omsien. Maar hulle slaag netnie daarin om hom te verander nie! Hy besluit dus om elkeen van sy broers ‘n les te leer deur elkeen ‘n lelike streep te trek.

Die broers verander so in meer voorbeeldige karakters, en hulle besluit selfs om die kinders reg te sien by die skool wat Bulelani so boelie. Hoe hy hulle regsien en wat met die kinders by die skool gebeur, moet die lesertjie maar self uitvind met die lees van die boek!

Die skrywer vermaak die leser met die broers en hul eienaardighede; en baie duidelik is die lewensles dat mense kan verander, dit mag dalk net aanpassing verg en die begeerte om die wêreld ‘n beter plek vir almal te maak.”Mense soos Breker, Brom, Buskruit en Bulelani, die boosaardige broers Botha!”

Baie geskik vir beginner lesers en almal met ‘n sin vir humor.

Scheeres, Solet en Van Heerden, Die leeutemmer se assistant(LAPA, 2017)

Min het Martjie geweet toe Bertus haar uitdaag om op die trein te klim en tot bo-op die leeu se krat te gaan staan, dat sy langs die leeu sou beland en met die trein op reis na ‘n vreemde bestemming sou gaan. Want toe die trein begin ry, kon sy nie betyds afklim nie.

So begin Martjie se avontuur saam met die Pagel sirkus. Baloi die leeu-oppasser laat haar toe om te help met die olifante, al die ander lede is gaaf en laat haar tuis voel, behalwe Sergei wat hom verbeel hy is nog in Rusland. Gou kom sy ook agter dat Sergei by ‘n smokkelary betrokke is. Wally is die nukkerige olifant wat later deur die polisie doodgeskiet word.

Die skrywer gee op bladsy 144 inligting oor die Pagel sirkus, gevolg deur ‘n sirkus-woordeboek, ‘n lys van woorde uit die 1930’s en ‘n bibliografie van geraadpleegde bronne.

Kinders wat bekoor word deur die sirkuslewe sal sekerlik die boek geniet. Scheeres skryf oortuigend, en die spanningslyn word goed gehandhaaf.

Kaiblinger, Sonja: Harry Griesel –die spookmeesters( H&R, 2017)

Hierdie is die derde titel in die reeks. Otto en sy huisspoke Sir Tony, Bert enMolly en sy troeteldier vlermuis Otto bly in Radysstraat nommer agt. Tannie Sharon is die eienaar van die huis en versamel horlosies. ‘n Nuwe buurvrou trek in in meneer Olsen se huis, Madame Olga, en tannie Sharon is dadelik beïndruk met die gawe vrou. Fernando is die Spaanse spook wat in die huis bly en hy pleit by Otto om van die verskriklike vroumens ontslae te raak.

Hulle dink dat sy spoke kan sien, veral as haar ligbruin oë gloei. Mettertyd sal hulle uitvind dat ‘n werklike spookmeester deur haar werk. Dit is ‘n baie gevaarlike spook. Madame Olga waarsku die jongmense dat oom Archibald ‘n baie spesiale pers steen in hul tuin begrawe het,en die juweel lok die spookmeesters nader. Drakemor die Verskriklike is die spook wat die steen wil bekom sodat hy die Grieselgrypers kan ontduik.

Gaan Otto en sy helpers Drakemor op sy plek sit?

Lekker opwinding vir lesers van die Harry Griesel reeks , en sommer alle kinders wat van grillerige grieselrige stories hou!

Allers, Annabel: Kupido.com( LAPA, 2017)

‘n Debuutroman wat ideale leesstof sal wees vir tieners wat ‘n romantiese storie geniet. Ons heldin is Léa, ‘n doodgewone meisie wat smoorverlief is op die hoofseun, Philip Cronjé- ‘n aantreklike donkerkop , slim ook, maar ongelukkig het hy reeds ‘n meisie. Léa se vriendinne is bekommerd oor haar vaal liefdeslewe, en Kaylie skep ‘n vals profiel vir haar op Kupido.com:

I’m a SingleLady wat baie sportief is, ‘n bikinimodel in haar vrye tyd . Sy hou van bloedrooi lipstiffie en haar ideale man is avontuurlustig en sportief en neem die leiding en moet haar kan beskerm. Toe Philip Stud-007 van haar profile hou en wil kennis maak, begin die uitdaging vir haar vriendinne om haar voorkoms meer opwindend te maak sodat sy Philip kan ontmoet- ‘n rooi pruik sal haar vaal haartjies wegsteek.

Die eerste ontmoeting is toe ook baie suksesvol, maar sal hulle dit kan volhou om Philip te mislei? En wat van Werner die ou wat haar detensie laat kry en gedurigdeur haar aandag probeer kry?

‘n Ligte verhaal wat moeiloos lees en veral meisies gaan bekoor.

Smit, Louise : Haas Das se nuuskas-episode 4( H&R, 2017) Illustrasies deur Vian Oelofsen.

Klein Boeboe Bobbejaan raak weg. Die diere dink Hoohoeff Hiëna het hom gevang. Haas Das moet dus ‘n dringende uitsending aan die diere doen waar Koning Leeu direk met die diere gaan praat om te help met die soektog na die verlore klein bobbejaantjie.

Kleinstinkie Muishond is een van sy beste maatjies, en toe baasspeurder Tienie Ratel besluit dit is tydmors om verder na die kind te soek, besluit Kleinstinkie hy gaan hom probeer vind. Hy vertel hoe hy net toe Hoohoeff Boeboe wou vang sy stert gelig het en hom Kolskoot in sy bakkies stink gespuit het.

So word ‘n hartseertyd omskep in ‘n Feesdag in Diereland!

Vian Oelofsen se illustrasies verhef ‘n doodgewone kinderstorie tot ongekende hoogtes met sy uitbeelding van die verskillende diere en hul omgewing – hy het ‘n besondere aanvoeling van prente wat die teks sal aanvul en die verhaal nog meer kleurvol en vermaaklik sal maak. ‘n Pragtige boek wat op elkeboekrak tuishoort.

Viljoen, Fanie: Krappie en die kroon( H&R, 2017) Illustrasies deur Alistair Ackermann

Krappie hou van avontuur. Sy sussie probeer hom nog waarsku om nie rond te loop nie, maar Krappie wil sy omgewing verken.Hy gewaar ‘n groot blink ding tussen die rotse- dit is ‘n glasbottel waarin ‘n seeslak vasgevang is. Toe hy sy knyper insteek om die sappige happie beet te kry,sit dit vas. Die krewe is woedend, want Krappie het hul koning se kroon van die rotse afgestamp, en nou moet hy dit terugkry. Hy belowe om die kroon te gaan soek.

Die vasgekeerde seeslak kom tot sy redding met goeie raad, en as die bottel breek tussen die rotse, oortuig hy die koning dat die gebreekte bottel se nek soos ‘n kroon lyk, en die verlore kroon kan vervang.

So eindig sy avontuur wat amper sy lewe gekos het, op ‘n positiewe noot. En as sy ma tuiskom , verseker hy haar dat hulle sommer baie soet was!

‘n Groot formaat prenteboek met ongewone illustrasies deur Alistair Ackermann van reuse krewe en ‘n krappie wat rondswem met sy knyper wat in die bottel vassit. Die onderwater tonele gee werklik ‘n gevoel van die see , en die krappie en krewe het sowaar gesigsuitdrukkings wat wissel van vrees, woede en uiteindelik vreugde.

‘n Goeie lewensles word vertel- hulp kom soms vanuit ‘n onverwagte oord; dit help om vriende te maak en ‘n ander te vertrou, selfs as dit amper onmoontlik lyk onder die omstandighede.

Jacobs, Jaco en Viljoen, Fanie: Die wonderwêreld van seelewe( LAPA, 2017)

Hierdie is die 13 de titel in die Hoezit! –reeks. Alle aspekte van oseane en die visse , seesoogdiere, jellievisse, krappe en krewe, voëls, seeskilpaaie, pikkewyne word in ‘n kleurvolle kinder-vriendelike publikasie uiteen gesit.

Vreemde feite oor bv. ‘n haai word gegee, dat ‘n Blouwalvisse tong omtrent soveel wweeg soos ‘n olifant; end at ‘n deel van ‘n seekat se brein in sy arms sit.

‘n Letterblok versteek seediere wat kinders kan soek, 5 mites uit die see word vertel, en daar is selfs ‘n tangram wat kinders kan gebruikom dierevorms te maak. Rekords uit die see, asook ‘n paar van die see se gevaarlikste bewoners soos die Leeuvis, die Blouringseekat en die Boksjellievis wat uiters giftig is. Daar is finaal ook ‘n versoek omons oseane te red,, en drie bladsye van vrae om kinders se kennis te toets volg.

Werklik ‘n nuttige publikasie wat teen R80 maklik bekombaar is, ook vir tuis versamelings.

Gaudesaboos, Pieter en Francis, Lorraine( PROTEA, 2017) Afrikaanse vertaling deur Rentia Bartlett-Möhl

Stel jou voor ‘n seuntjie wat altyd moeg is en oral aan die slaap raak!- Walter slaap as hy swem, teken, skoppelmaai ry, in die akwarium, in die verkeer, selfs by sy verjaarsdagpartytjie. Die raad by ‘n Koninklike Hospitaal vir Slaapsiektes faal, so ook die raad van ‘n wyse ou vrou wat in die oerwoud woon.

Almal is buite raad, totdat ‘n hond in die huis verskyn. Dis net wat Walter nodig gehad het- iemand om mee te speel.

Die illustreerder het ‘n unieke styl . Die illustrasies word digitaal gedoen, en ek stem saam met die uitgewer dat dit ‘n “nostalgiese of retro-gevoel” gee. Elke situasie is oorspronklik geteken en spreek van ‘n ryk verbeelding. Die boek is ook op dowwe papier gedruk, wat bydra tot die ongewone gevoel . Of die boek veel aftrek gaan kry onder lesers, moet ons maar sien. Defnitief is dit spesiaal maar tot ‘n uitgesoekte gehoor gerig.

Misheiker, Betty: Die dapper muis( LAPA, 2017) Illustrasies deur Chris Venter.

Die skrywer is bekend vir haar gewilde liedjies , en die uitgewer het dit goed gedink om haar op hierdie manier weereens erkenning te gee.

“Ek’s ‘n dapper muis, kyk hoe stap ek deur die huis, en daar’s niks waarvoor ek skrik nie”. As kinderbibliotekaresse het ek gereeld die liedjie in die biblioteek gesing, dit is regtig n persoonlike gunsteling!

Hiermee saam is Chris Venter se illustrasies van die geliefde lied in die kol. Hy slaag daarin om lewe aan die teks te gee op ‘n prettige en vrolike manier, en ‘n muis kan eenvoudig nie ‘n meer dapper houding inslaan as juis sy illustrasie van die dapper muis nie!

Die boek het net absoluut ‘n onweerstaanbare bekoring, en spreek van ‘n fyn aanvoeling vir wat kleintjies gaan gelukkig maak. Hoogs aanbeveel.

Misheiker, Betty: Die eensame krokodil( LAPA, 2017). Illustrasies deur Johann Strauss.

Die krokodil is baie hartseer omdat hy graag maters wil hê, maar “almal sê ek vreet te graag”.

Hy “ontsnap” uit die watergat en beland nader aan ‘n moontlike prooi deur sy lyf om ‘n boomstam te rank. Maar die tak breek, en uiteindelik beland hy terug waar hy hoort,sonder dat hy enige “vriende”gemaak het.

Strauss se illustrasies dra ‘n sterk gevoel oor van hoe gevaarlik die krokodil regtig is , en ook hoe grillerig. Hoewel die toeskouers heel opgewonde lyk met die krokodil se mannewales, is daar tog afsku op gesigte te bespeur as die opsigters by die dieretuin hom weer gevange neem.

Persoonlik het ek die krokodil oneindig jammer gekry! Die verhaal begin waar ‘n heerlike stuk vleis na hom gegooi word, maar in die laaste illustrasie is sy bek nog toegebind terwyl hy tranerig aan die stuk vleis vasklou. Ek huil sommer saam met hom.

Misheiker, Betty: Die Lappop( LAPA, 2017) Illustrasies deur Karen Ahlschläger.

‘n Lappop word op die ashoop weggegooi omdat sy stukkend, “gedaan”, en nie meer mooi is nie.

En wie is haar metgeselle hier?”: ‘n vrot pampoen, ‘n stukkende skoen, ‘n grammofoonplaat, ‘n kous sonder maat. ‘n lëe bottle bier, ‘n verlepte angelier, ‘n gelapte binneband, en ‘n ou koerant”.

Sy voel gou beter toe hulle haar as die ashoop-koningin kroon, en nou word sy deur haar onderdane bedien, wat haar sommer baie gelukkig maak.

Hierdie lappop het sekerlik die grootste groen oë en herinner aan die Big eyes kunstenaar , Margaret Keane , se werk. Dogtertjies sal maar moet besluit of sy hulle bekoor- dit twee illustrasies waar sy gekroon word en daarna op haar troon sit, is besonder vrolik en feestelik. Om nie te praat van die finale knipoog omring deur ‘n vrolike hart nie!

Preller, Martie: Die Babalela-storieboek( LAPA, 2017) Illustrasies deur Andries en Erica Maritz.

Wat ‘n heuglike ervaring om al 4 Babalela-boeke hier in een storie-omnibus te vind! Martie Preller se Babalela-stories het ek as bibliotekaresse daagliks aanvrae voor gekry, en dit was en is nog altyd een van die mees geliefde karaktertjies wat in Afrikaans kinderboeke ‘n verskyning gemaak het.

Die uitgewer meld dat meer as 85000 eksemplare van die vier titels reeds verkoop is, die verhoogstuk het landwyd getoer, en selfs ‘n Babalela-pop, T-hemde en ‘n CD het ook bygedra tot die pers figuurtjie se gewildheid.

Hierdie omnibus behoort in elke biblioteek-en tuisversameling waar ouers en bibliotekaresse kinders lief vir stories wil maak.

Babalela is ‘n parmantige individu wat uitgelos wil word deur buitestaanders, en net tuis en gelukkig voel , “diep , diep in ‘n donker bos waar die son net soms deur die take loer…” Hoe lekker was dit nie om die kindergesiggies dop te hou as die verteller begin vertel met die hulp van hierdie pragtige teks nie! Ek is seker groot vreugde gaan hierdie omnibus aan baie kinders bring.

Schaapman, Karina: Die Muishuis- Sam en Julia( PROTEA, 2017)Ton Bouwer het die vertrekke en situasies in die verhaal gefotografeer.

Die uitgewer vertel hoe Schaapman gedink het dat sy ‘n regte muishuis kon bou, en toe so gemaak het. Dit is begin deur lemoendose te versamel en te omskep in die vertrekke van die huis.” Vir die binneversiering is outentieke materiaal uit die jare vyfig, sestig en sewentig en allerlei soorte afvalmateriaal gebruik. “Daar is ‘n verwysing na www.themousemansion.com, sowel as die Mouse Mansion-blad op Facebook en die kanaal op YouTube. Die boek is in 2012 bekroon met ‘n Silveren Penseel en in 2015 met ‘n Gouden Boekprys.

Op die skutblaaie kan gesien word hoeveel detail daar in elke vertrek van die Muishuis gebruik is met o.a. meubels, boeke, plante,en materiaal.

En as die Muishuis self nie jong lesers se verbeelding reeds gaan aangryp nie, is daar as bonus die twee dierbare muiskinders, Sam en Julia wat in die Muishuis woon. Die twee het hul eie geheime hut gebou, en verder doen hulle al die gebruiklike dinge soos pannekoek bak, musiek maak, nuwe babas help versorg, verjaarsdag partytjie hou, met die wasgoed help , waterpokkies kry en by ‘n bakkery besoek aflê.Hulle besoek ook Meneer Sinkel se winkel vir seep, en geniet die Sjabbat saam met die ander muise, skrik vir Julia se skaduwee, en gaan dan slaap na ‘n uiters opwindende dag.

Die Muishuis behoort baie jong lesertjies te fassineer.

Ligte pret vir die kleintjies! En ‘n besondere Jeugboek…

Wilde diere( LAPA, 2017) Afrikaans deur Mia Oosthuizen.R80 elk.

Hierdie stewige kartonboek met versteekte diere is ‘n voorbeeld van die tipe boeke wat peuters tot boeke aangetrokke laat voel, en dit behoort in elke tuis-en biblioteekversameling waar kinders geleer word om lief te word vir boeke.

Wilde diere word kortliks beskryf, en dan kan die kind deur die blokkie te stoot, die dier verder identifiseer. ‘n Krokodil, kameelperd, slang en apie word op ‘n interaktiewe manier ontmoet. Uiters geskik vir beginners.

Plaasdiere( LAPA, 2017) Afrikaans deur Mia OOsthuizen

Plaasdiere maak dit vir kleintjies groot pret om ‘n varkie, perd, koei en skaap se babas met die trek van die ingeboude blokkies te vind. Kinders geniet dit om iets te soek in ‘n boek, en bly dus betrokke by die storie. Hulle leer ook verskillende diere ken, en die voorleser kan baie inligting oor die diere terselfdertyd vertel om die ervaring nog meer leersaam te maak. Hoogs aanbeveel.

Maartens, Wendy : Padda word kwaad( LAPA, 2017.Illustrasies deur Zinelda McDonald.R50 elk.

18 titels verskyn in hierdie Ek lees self-reeks, o.a. ook Rooi Hen bak brood, Die drie rammetjies rof, Die gans wat goue eiers kon lê, Sprinkaan leer werk en Muis red Leeu se lewe.

Die reeks trek dadelik die aandag met die kleurvolle omslae waarop ‘n bytjie die titel van die reeks in die linkerkantste hoekie uitwys op ‘n kontrasterende agtergrond met die omslag se kleur. Die boekies hanteer maklik en die druk is geskik vir kinders wat begin lees. Zinelda McDonald se illustrasies is vrolik, vol uitdrukking en lekker kleurvol. Elke boekie is regtig mooi om te sien, met natuurlik die beste bonus die lekker storietjie wat vertel word.

Wanneer Padda se seun deur Os doodgetrap word, verduidelik Gly aan haar dat ‘n reuse monster sy boetie doodgetrap het. Padda blaas haarself al groter op sodat Gly kan verduidelik hoe groot die monster nou regtig was, en daarby wil sy net almal oortuig dat niemand groter as sy is nie- totdat sy in duisend stukkies uitmekaar bars! ‘n Dure les het sy geleer- sy wou mos dink sy is groter as Os.

Handige boekies vir beginner lesers.

Vir bietjie ouer lesers, 7+ jariges:

Viljoen, Fanie: La di da, Lulu( LAPA, 2017) R120.

3 Titels het alreeds in hierdie gewilde reeks verskyn, naamlik Oe la la, Lulu; Bravo, Lulu en Oepse daisy, Lulu.

Elsbeth Eksteen is die illustreerder wat met elke Lulu storie se omslag fyntjies en in delikate pastelkleure jong meisies betower. Dit is ook uiters gepas vir die hoofkarakter Lulu, want sy is ‘n talentvolle modeontwerper met wonderlike idees vir klere.

Die skool se spesiale verjaarsdagfees is haar geleentheid om vir die drompoppies nuwe uniforms te ontwerp. Lulu luister egter nie toe sy gevra word om die belangrike geleentheid nog mooier te maak nie, en sy verstaan dat sy ‘n poprokkie moet teken! Selfs toe sy aanbied om weer te probeer, moet sy uitvind dat ‘n ander kind die opdrag gekry het. Later moet sy uitvind wie die meisie is- gaan dit die einde van haar vriendskap met ‘n beste vriendin beteken?

Lekker ligte leesstof met net die regte tikkie spanning sodat lesers betrokke sal bly.

Vir ouer lesers:

Polleke, deur Guus Kuiker( PROTEA, 2017) R275. Afrikaans deur Martjie Bosman.

Vyf boeke in die Polleke reeks verskyn hier as een bundel, wat dit veral lekker maak vir die leser wat dadelik betower word deur die uitgesproke parmantige meisie Polleke wat self ook as verteller optree. Vir my is hierdie die beste jeugboek wat vanjaar verskyn het.

Polleke se ouers is geskei, en nou vind sy uit dat haar Meneer op haar ma verlief is. Mimoen is haar vriend en van Marokko afkomstig, sodat daar gedurigdeur ‘n botsing tussen die twee kulture plaasvind, want Mimoen wil nie meer met haar uitgaan nie omdat sy ‘n digter wil word, in sy kultuur mag dit nie gebeur dat ‘n vrou ‘n digter is nie!

En Polleke skryf die mooiste gedigte wat telkens in die boek verskyn as sy iets baie spesiaal wil vertel. Die boek is deurtrek met Polleke se idees oor omtrent enige onderwerp denkbaar- pa’s, ‘n jonger sussie Hilletjie, geloof, oor Grietjie wat dragtig is, haar Oupa en Ouma; haar pa Spiek vir wie sy baie lief is want hy is ook ‘n digter, oor haar beste vriendin Caro en die lawwe speletjies wat hulle speel; hoe sy van bome leer en mooi kan bid; ‘n kuier by Meneer se ma in haar beste rooi rok; oor die seun Tom op die plaas en oor haar gunsteling lekkers- drop; oor ‘n straatpartytjie en nog veel meer…

Hierdie verhaal oor ‘n Nederlandse dogter is ‘n duidelike voorbeeld daarvan dat basiese menslike behoeftes en emosies geld as ‘n universele konneksie tussen mense en lesers orals in die wêreld.

Polleke se verhouding met haar probleem-pa, die egskeiding, haar ma se nuwe verhouding, haar liefde vir Mimoen en Consuela uit Meksiko; haar verhouding met haar Oupa en Ouma, haar liefde vir die kalfie wat nou ook Polleke heet; vind aanklank by soortgelyke situasies in elke kultuur.

Die skrywer het ‘n besondere styl wat jou raak deur juis die eenvoud en absolute eerlikheid van Polleke se taal. Sy het ‘n heerlike humorsin, en maak dikwels die snaakste en onverwagte verfrissende opmerkings.

Kuijer het verskeie toekennings vir sy Polleke-boeke ontvang, en die boeke is in Nederland verfilm.

Een van Polleke se gediggies:

“Toe ek klein was

Kon ek enigiets doen

En wat ek nie kon doen nie,

Kon ek nie

Omdat ek klein was.”

Die elfde hoofstuk sê slegs: Ek is nou dertien.

Na haar geliefde Oupa se dood skryf sy:

“Iets is nou weg

wat ek vroeër geniet het,

iets kleins, iets sags,

‘n mooi, vrolike lied.

Daar waar dit was,

is nou ‘n kuil

en op die bodem skuil

‘n onverwagse verdriet”.

Hoogs aanbeveel virjongmense en volwassenes. Bosman se vertaling is in die kol!

Lona Gericke.

Frazee, Marla: Baas Baba se Baas( PROTEA, 2017) Afrikaanse vertaler Amelia de Vaal

Baas Baba word opgevolg met hierdie vermaaklike verhaal waarin Baas Baba onttroon word deur die nuwe babasussie. Sy hersstruktueer die hele huishouding as die nuwe Hoof Uitvoerende Beampte –HUB. Baas Baba is omgekrap dat sy nou al die aandag kry- om net te dink aan al haar byvoordele soos ‘n organiese spysenieringsdiens, stresbestuur, en ‘n voltydse sosiale mediaspan! Sy het haar eie privaat limousine, en niks wat hy doen laat die personeel hom raaksien nie. Totdat die HUB ingryp en hom help om weer deel van die gesin te voel, hy is mos haar ouer boetie en dierbaar vir haar.

Defnitief ‘n “tong-in-die-kies-storie “ wat die hele gesin kan geniet, want ken lesers maar nie te goed soortgelyke situasies nie. Hoogs aanbeveel.

Schaapman, Karina: Die Muishuis-by die kermis(PROTEA, 2017) Gefotografeer deur Allard Bovenberg. Afrikaans deur Shané Kleyn.

Die Muishuis, Sam en Julia het eers verskyn om lesers te betower. In By diekermis neem die twee muise ons weer saam na ‘n kleremaker, kaasfabriek, boekwinkel, ‘n Chinese restaurant, en veral na al die heerlikhede by die kermis soos ‘n spookhuis en mallemeule. ‘n 8jarige meisie op besoek by my het gister dadelik verdiep geraak in die verbeeldingryke wêreld wat so kunstig geskep is, met soveel detail in elke gefotografeerde oomblik, dat sy beswaarlik die boek kon toemaak.

Hierdie reeks behoort in elke biblioteek/skool en huis waar kinders deur blootstelling leer om vir boeke lief te word. Kinders kan www.themousemansion.com besoek , asook die Mouse Mansion-blad op facebook en die kanaal op YouTube.

Schaapman, Karina: Die Muishuis- By die teater( PROTEA, 2017) . Afrikaans deur Shané Kleyn. Gefotografeer deur Eddo Hartmann.

‘n Gelukbringerklip wat Sam en Julia opgetel het moet Sam se senuwees help kalmeer vir sy optrede in die teater. Daar is die mooiste dubbelblad voorstelling van die teater om jou aan te vergaap! Ander situasies volg met ‘n besoek aan die rommelboer, ‘n suikerfees, appeltert, en ‘n verjaarsdag. Julia breek haar been met die skopfiets en Sam besoek haar in die hospitaal.

Die skrywer behandel dus onderwerpe wat belangrik is vir die belewingswêrelde van kinders, soos dat hul deel is van ‘n gemeenskap wat bestaan uit bure wat van hulle kan verskil maar nie ‘n bedreiging inhou nie. Jong lesers leer uit hierdie twee karakters se gedrag dat die lewe opwindend en interessant kan wees. Jy het net ‘n nuuskierige leergierige ingesteldheid nodig. Die boeke is kunswerke geskep deur ‘n talentvolle skrywer. Absoluut juwele!

Sirett, Dawn: My eerste 100 woorde( LAPA, 2017).

‘n Pragtige kartonboek waarin babas en kleuters met behulp van illustrasies en fotos bekend gestel word aan hul liggaam, klere, speelgoed, kleure, etenstyd, hul huis, badtyd-en slaaptyd. Daarby kom ook plaasdiere, buite in die natuur, voertuie, troeteldiere en wilde diere.

Daar is voldoende verskeidenheid ingesluit in hierdie eerste 100 woorde om hul aandag te hou. Elke illustrasie verskyn teen ‘n eie agtergrond wat dit laat uitstaan en die boek ‘n netjiese dog kleurvolle aantreklike voorkoms gee. Boeke met woorde is baie gewild en in aanvraag.

Martin, Peter: Bybel-speurder en Jesus-speurder( PROTEA, 2017)Geïllustreer deur Peter Kent.

Hierdie twee titels is ook in Engels beskikbaar as Bible detective en Jesus detective.

Wat ‘n interessante manier om kinders bekend te stel aan die karakters en geskiedenis van die Bybel in gedetailleerde illustrasies, elk op ‘n dubbelbladsy omring met figure en items uit die illustrasie wat kinders moet vind.

Ek het self probeer, en werklik so betrokke geraak dat mens jou moeilik kon wegskeur van so ‘n uitdagende en prettige situasie!

In Bybel-speurder leer jy van Noag, Abraham se nomadiese laer, die slawe in Egipte, Moses en die Tabernakel, Nasaret en word die geskiedenis in prente vertel tot en met die hawe van Caesarea. Elke illustrasie word vervolgens verklein en die antwoorde word genommer vir die ywerige speurders. ‘n Indeks verwys na dubblebladsynommers. Hoogs aanbeveel vir tuis –en biblioteek/skool versamelings.

Jacobs, Jaco: Hoendervleis- grillerige stories en rympies( LAPA, 2017) Illustrasies deur Zinelda McDonald.

Weereens bewys Jaco Jacobs dat hy ‘n meester is met die vertel van stories wat kinders geniet. Veral as dit ‘n grillerige boek soos hierdie is wat jou hoendervleis laat kry, jou lekker laat skrik en gril, en selfs laat bibber van vrees!

Elke kort verhaaltjie het verassende elemente en betrap jou onverwags. Maja vind op ‘n eienaardige manier uit dat vampiere nie bestaan nie; hoekom Liza die hardste van almal in die fliek gegil het; dat ‘n vreeslike ding met jou kan gebeur as jy ‘n vaal seuntjie op skool boelie; is die man in die akkedispak dalk ‘n regtige akkedis; om te slaap in ‘n spookkamer en ‘n besoek te ontvang van twee hondjies net om later uit te vind hulle is lankal dood; om ‘n onnie soos Juffrou Grimbeek te hê mag dalk gevaarlik wees; en dat Tannie Gerda se handskoene jou dalk kan help om beter klavier te speel; en dalk bly daar regtig iets in die hangkas in Zack se kamer…

Die ideale kersgeskenk vir grilvrate . Hoogs aanbeveel.

Tienerfiksie:

Neser, Christien: Strikdas( LAPA, 2017)

Die negende boek in die reeks met Elle Kroon as hoofkarakter word verwelkom deur elke leser wat met Kondensmelk reeds ‘n aanhanger van Elle se avontuurlike lewe , later ook in Gravitas, geword het.

Elle is nou in haar matriekjaar en ook hoofmeisie van die skool. Die jaar behoort die beste ooit te wees, maar hulle geliefde hoof, mevrou Bender, word onverwags siek en die aaklige man, dokter Grimm, met die strikdas neem waar as hoof.

Meneer Grimm bewys gou dat hy geen belangstelling toon om die skool se tradisies te laat voortleef nie. Hy het net een ambisie- Gravitas moet die beste wiskundeskool in die land word.

Mevrou Bender het Elle nie verniet gewaarsku dat dit ‘n bittersoet jaar gaan wees vir haar as hoofmeisie nie,en dat sy ‘n ysterlelie sal moet wees. Min het sy toe geweet hoe uitdagend dokter Grimm die jaar gaan maak, want sommer vanuit die staanspoor stamp hulle koppe.

Maar dit is juis hierdie konflik tussen die twee karakters wat die verhaal onderhoudend en interessant maak. Gaan Elle haar hoofmeisie-balkie behou?

Neser skryf goed, haar karakters is oortuigend en die verhaal boei tot die laaste bladsy. Mag Elle weer in ‘n volgende verhaal verskyn!

Nie-fiksie:

My ensiklopedie van baie belangrike dinge-vir slimkoppe wat alles wil weet(LAPA, 2017)Samesteller: Dorling Kindersley. Afrikaans deur Mia Oosthuizen.

Dorling Kindersley is bekend vir nie-fiksie boeke van gehalte, en stel weereens nie teleur nie. Dit is belangrik dat feiteboeke , veral ook in biblioteke nie verouderd raak nie. Die boek het in 2016 verskyn, en in 224 bladsye word inligting gegee oor planete, plekke van belang, diere, mense, myself en ‘n paar ander belangrike dinge soos kleure, vorms, babadiere, vlae, edelstene en sterretekens word ook bespreek. Interessant is ook dat die top-10 lande –die grootste en kleinste gelys word, asook die Top-10 langste riviere, grootste woestyne, dodelike diere, en bedreigde diere. Die indeks beslaan 4 bladsye, gevolg deur ‘n lys van erkennings.

In die inhoudsopgawe word die verskillende onderwerpe in ‘n identifiserende kleur gemerk, en so kan die leser vining na die spesifieke seksie blaai. Die uitleg van die boek is uiters aantreklik waar getekende illustrasies afgewissel word met fotos sodat elke bladsy stimulerend en prikkelend werk.

Hierdie is werklik ‘n prag uitgawe.

Stowell, Louie en Allen, Peter: Die storie van sterre en planete( PROTEA, 2017). Afrikaans deur Amelia de Vaal.

Die eerste uitgawe verskyn in 2014 deur Usborne,en lesers word aangemoedig om die Usborne Quicklinks te gebruik.

Hierdie is ‘n onderwerp wat altyd inspireer. ‘n Mens bly maar betower deur die hemelruim, en die onderwerp word op ‘n heel interessante wyse bespreek. Vrae oor die ruimte word beantwoord in besprekings oor astronomie, planete, sterrekunde deur die eeue,ruimtereise, lewe in die ruimte, teleskope en ander tegnologie, en die storie van die heelal. ‘n Astronomiese tydlyn word gegee, gevolg deur sterrekaarte soos jy in ‘n rigting kyk gedurende spesifieke maande.

‘n Woordelys word gevolg deur ‘n indeks en lys van erkennings. Die boek is aantreklik uiteengesit, bv. met vinnige feite oor planete en ongewone inligting geblok in ‘n soort van kantlyn effek wat dadelik jou aandag trek.’n Nuttige toevoeging tot nie-fiksie versamelings.

Smit, Gertie(comp.) : Liedjies vir pikkies en peuters( Tafelberg, 2017)

40 Versies uit die boek Rympies vir pikkies en peuters is getoonset vir 1-3jariges. Die boek bevat ook ‘n CD verwerk in saamsing-formaat met die stem van Marlie Katzke.

Onderwerpe in 20 afdelings behandel baie van die onderwerpe wat vir die kleintjies belangrik is, soos hulle lyfies, gesin, die huis, troeteldiere, speeltyd, en gesonde kos. Onderwysers en ouers wat wil saamspeel of sing, sal saam met die kinders groot pret hê.

Persoonlik sou ek vir die ouerdom seisoene , insekte, en veiligheid bv. kon uitlaat, en meer persoonlike situasies soos tande borsel, badtyd, ‘n eina, ingesluit het. Ek mis ook die pa- figuur en miskien ‘n ouer sussie of boetie.

‘n Handige en bruikbare toevoeging tot materiaal vir die heel kleintjies.

Die illustrasies deur Astrid en Nadia Blumer gee kleur aan elke situasie.

Onder die opskrif opvoedkundige motivering word die kenmerke van kinderliedjies, vir wie dit bedoel is en hoe dit gebruik kan word, behandel.

Baie duidelik is Gertie Smit ‘n ervare opvoedkundige met ‘n liefde vir kinders wat hier duidelik uitgebeeld word. Hoogs aanbeveel vir tuis-en klaskamers, en biblioteke.

Knister: Lillie die heksie in Wonderland( PROTEA, 2017) Illustrasies deur Birgit Rieger.

17 titels het alreeds verskyn by PROTEA uitgewers, en met vertalings in 40 tale is die karaktertjie internasionaal baie geliefd.

Met haar gebruiklike sin vir avonture en nuuskierigheid, besluit Lillie vergesel van Hektor die drakie besoek hulle die sneeubedekte wonderland waar geheime op hul wag , want gou hoor hulle by Neutella die eekhoring dat die koning van Lente, Somer en Herfsland , koning Origano gegaan het om die bergbewoners te help, en toe nooit weer teruggekeer het nie. Daar is gepraat van groot nood, honger en ysige koue.

Ons dapper helde besluit toe om self ondersoek in te stel, Ola die Ysingwekkende heers glo daar – ‘n wrede despot met geen genade of simpatie vir lewe nie. ‘n Hoë muur omring die land van verskrikking, en en die twee moet by die twee hekwagte, ysbere, verby kom deur elke keer ‘n raaisel op te los. Sal hulle daarin slaag om koning Origano op te spoor? Wat is werklik die situasie in hierdie ysige plek?

Goed versorgde boeke met die karaktertjie Lillie as boekmerk, en met heel aantreklike kindervriendelike illustrasies . As ‘n beginnerleser eers betrokke raak by ‘n reeks, is hulle baie verlig as nog ‘n titel verskyn! Vir selflees of voorlees.

Damm, Antje: Die besoeker( PROTEA, 2017)

In ‘n donker vertrek sit ‘n eensame figuurtjie Elise wat so bang vir alles is dat sy altyd by haar huis bly waar sy minder bedreig voel as in die wêreld daar buite.

Op ‘n dag vlieg ‘n vreemde voorwerp by die venster in- ‘n papiervliegtuig wat sy dadelik verbrand. ‘n Seuntjie klop aan haar deur op soek na sy speelding, en vra om haar toilet te gebruik. Met sy verskyning bring die skrywer ‘n helder lig in hierdie donker omgewing , en wanneer hy haar vra om vir hom ‘n storie te lees, word die besoek net al lekkerder – hulle speel saam, en sy maak vir hom ‘n toebroodjie toe hy honger is. Na sy vertrek weet Elise dat sy ‘n vlieër vir haar nuwe vriendjie moet maak.

‘n Oorspronklike klein verhaal oor vriendskap en eensaamheid. Teen die agtergrond van vertrekke in har huis sit die figuurtjie wat soos ‘n papierpop ingeteken is op elke bladsy. Die toevoeging van kleur in hierdie somber omgewing met die koms van die seun is treffend en verhelder haar omgewing en lewensomstandighede. Baie treffend.

Ongansie, Susan: Kattekwaad ( LAPA, 2017) Illustrasies deur Linki Lutz

Mietsie en Maas speel tog te lekker, maar as sy aan die slaap raak gaan soek hy iemand anders om mee te speel. Mietsie word wakker, en begin haar boetie soek. In die proses kom sy op gevaarlike straatkatte af, en toe hulle drie deur straatbrakke gejaag word, vlug die drie en klim in ‘n boom. Hierna gewaar sy haar boetie en nooi die straatkatte om saam met hulle te gaan speel.

‘n Oulike storie met ‘n mooi kinkel waar die straatkatte en huiskatte maats maak. Die illustrasies het ‘n kinderlike gevoel en kon deur ‘n kind self gedoen gewees het wat heel van pas is. Sagte kleurskakerings skep ‘n rustige gevoel.

Scherz, Oliver: Ben ( PROTEA, 2017) Uit Duits vertaal deur Amelia de Vaal.

Ben en sy skilpad Meneer Minni is maats wat amper alles saam doen. Hulle speel saam in die bad, besoek sy broer se boomhuis wat verbode terrein is, en saam vang hulle vis in die bure se visdammetjie en moet die vis weer terug besorg word by sy maatjie. Ben probeer ‘n dapper Indiaan wees nadat hy nie dapper by die dokter was nie!

10 verskillende insidente en ontmoetings o.a. met die nuwe bure se dogters , sy oupa, en die silwer sjokolade munte wat hy by sy broer vaslê, en ‘n besoek aan die veearts as Minni siek word , dra elkeen by om hierdie bundel genotvol te maak. So word sy wêreld vir hom oornag groter as hy sy eerste skooldag beleef, maar die nuwe ervaring word met ope arms verwelkom.

Heerlike groot druk in ‘n keurig versorgde aanbieding waarin Ben en sy skilpad Minni dadelik in die leser se hart kruip met sy eerlike waarneming en vertelling van hul avonture saam. ‘n Pragtige boek!

Janosch : Kyk hoe mooi is Panama( PROTEA, 2017)Uit Duits vertaal deur Rentia Bartlett-Möhl

Janosch is een van die bekendste Duitse kinderboek skrywer/illustreerders. In hierdie prag publikasie word al ses Tier-en Beer-verhale aangebied met sy kenmerkende illustrasies van die twee avonturiers wat net absoluut behoort tot die klassieke skat van kinderboeke.

“Eendag was daar ‘n klein beer en ‘n klein tier wat aan die onderkant van ‘n rivier gewoon het”… so begin die eerste verhaal in die bundel waar die twee besluit om na Panama te gaan soek want dit is klein beer se land van sy drome.

Met elke avontuur laat die skrywer die leser verstaan dat jou tuiste tog maar die lekkerste kan wees, dat ‘n skat in die grond nie die rykdom rondom hulle kan vervang nie, en deurgaans word hulle hieraan herinner deur die ander diere in die stories soos die mol wat wil hê dat hulle na die winter-koninkie se mooi gesang moet luister, en dan smaak die blomkool ook tog te lekker!

Maar die twee hou nooit op om nuuskierig en skeppend te wees nie, bv. toe hulle briefpos, lugpos en die telefoon uitgevind het waarby al hul vriende se kommunikasie verbeter. Klein vark laat tier vergeet van sy verpligtinge tuis as hulle so lekker speel en dinge saam doen. As hy dan weer huistoe gaan, is beer nie daar nie. Gelukkig vind die twee toe weer mekaar.

Toe tier verjaar besluit hulle om partytjie te hou en al die diere word uitgenooi na die geselligheid. Padda besluit om die huisie vol water te laat loop om die partytjie darem vroliker te maak, en as die bokram laat daar aankom en die deur oopmaak, swem al die gaste heerlik na buite!

Hierdie boek behoort in elke biblioteek/skool en ook tuisversamelings waar kinders blootgestel moet word aan die ryke skat van die internasionale kinderboek wêreld.

Viljoen, Fanie: Aksieheld Austin-nag van grille ( LAPA, 2018)

Vir jong lesers 9jaar + verskyn die tweede boek in die nuwe reeks Aksieheld Austin na Operasie Sabotasie.

Ewald Eloff speel weereens die held Austin en spesiale gaste word uitgenooi na die fliek se première. Die hotel-joggie Toni met die skewe gesig vertel aan Ewald en sy vriend Cardo van die museum agter die Marconi-teater waar die fliek gewys gaan word wat hulle moet besoek want dit is baie grillerig en word bestuur deur sy ma Madame Marconi. Ewald die waaghals stem in dat hulle voor die aand se vertoning wel daar ‘n draai kan gaan maak.

Min het die twee vermoed dat hierdie besoek ‘n groot uitdaging en toets vir hulle dapperheid en ondernemingsgees gaan word, want die museum is die bêreplek van ou fliek-goeters uit rillers en grillers. Madame Marconi waarsku hule ook dat sommige plekke in die museum verbode is en onveilig is. En dan hoor hulle ook dat Toni nie lekker in sy kop is nie en nie meer reg kan dink nie… waarom sou hy aandring dat hulle die museum besoek?

Ligte vermaak vir jong lesers wat hou van grillerige spanningsvolle stories met ‘n gelukkige einde want is Austin dan nie verniet ‘n aksieheld nie?!

Jeugboek:

Fouché, Jaco: Somer ( H&R, 2018)

Hierdie is die bekroonde skrywer se tweede jeugroman.

Na ‘n rugbyoefening nooi André Lourens vir Maison Jonkers ‘n kleurlingseun om ‘n draai by hom te kom maak. Beide vaar gemiddeld op skool, is vinnige atlete en lief vir duik en swem. Altwee se ma’s is uithuisig- Andrè se ma reis op soek na ‘n nuwe tuiste oorsee vir die gesin, en Maison se ma doen liefdadigheidswerk na sy tot bekering gekom het.

Dit is die begin van ‘n vriendskap wat na matriek deur die somervakansie ontwikkel en die twee word gaandeweg goeie vriende wat saam die lewe leer ken. Hulle drink saam en steel drank, breek in by die seiljagklub, probeer vriende maak met die meisie Mimi, en kap bome af en verwerk die hout vir sakgeld.

André se broer Martin ly aan sy senuwees , sy pa werk in die boubedryf terwyl Maison se pa ‘n visserman is wat aan die begin van die verhaal sy boot in die see verloor en ander werk moet vind.

Die verhaal is dus gebou rondom twee seuns wat eers traag vriende word maar geleidelik al meer deel word van mekaar se lewens. Die milieu is die area rondom Onrus en Hermanus waar hulle die somervakansie deurbring en die tyd verwyl met kattekwaad en kuier en besoeke aan die strand.

Die roman is geskryf in eenvoudige onopgesmukte taal en baie oortuigend word die gevoel tuisgebring dat hier seuns aan die woord is. Sekere opmerkings en raak gesegdes bly ‘n mens by; die skrywer is absoluut in beheer van sy verhaal en tuis in hierdie omgewing waaroor hy skryf.

Maison se pa reageer op sy opmerking dat Andre dink dat hulle nou beste tjomme isterwyl hy volgens Maison ‘n paar jaar gelede hom nie raakgesien het nie:”Jy’s te jonk om daai wrok te dra. En soos ek sê,dis ‘n ander land…Howel ek baie keer wonder wat de hel demokrasie nou eintlik beteken”. Sy ma weer vra dat hy die wit seun moet help waar hy kan , want : “’n mens reageer wanneer iemand na jou uitreik”. Hierdie is ‘n nasie in wording, is die boodskap, so ook ‘n vriendskap in wording tussen die twee hoofkarakters.

Elke individu is oortuigend geteken. Wat ek veral geniet het is dat die verhaal so ‘n rustige tempo het, daar is geen doelbewuste gejaag nie en die somervakansie beweeg teen die stadige pas wat so geloofbaar is. Die skrywer skryf nie doelbewus”mooi” nie, deurgaans bly die stemtoon opreg en direk. Byvoorbeeld:”Die lente kom met nuwe plantreuke en meer son wanneer ek soggens langs die pad vir die taxi wag”. “Ek gaan by die huis bly en visvang of sleg word of waddehel ook al. En dis as dinge goed gaan.”

Somer is geskikte leesstof vir klas besprekings oor identiteit, vriendskap, literêre meriete en kuturele verskille. Dit is ‘n leesbare jeugroman met ‘n eie stem wat jou bybly en aangenaam verras.

Lona Gericke, Januarie 2018.

Resensies van kinder/jeugboeke 2/2018:

Davies, Benji: Die stormwalvis in die winter( PROTEA, 2018)Afrikaans deur Rentia Bartlett-Möhl.

Die Stormwalvis se verhaal word verder vertel in hierdie verhaal waar Noi maar netnie die klein walvis kan vergeet wat hy gered het toe ‘n storm dit op die strand uitgespoel het nie. Toe dit winter word vaar sy pa vir ‘n laaste rit uit op die see, maar hy bly lank weg en Noi verdwaal as hy na sy pa gaan soek.Hy vind die boot, en die walvisse dra hom en die boot terug na veiligheid. Die vissermanne het sy pa gered, en sy walvis-vriend is weer terug. ‘n Treffende verhaal van vriendskap en moed met seetonele wat ‘n mooi agtergrond vorm.

Donaldson, Julia: Tirannosourus Sot( PROTEA, 2018). Illustrasies deur David Roberts. Rymvertaling deur Philip de Vos.

Die platbek-dinosourusse hou van water , riete en gras en waterblommetjies. In teenstelling met die vriendelike vreedsame groep is daar die tirannosorous-paar wat net wil moor en jag en oorlog maak. ‘n platbek-eier beland tussen die eiers van die moordadige groep, en toe die kleintjie uitbroei is dit tot almal se konsternasie want die een lyk vreemd met ‘n bek soos ‘n eend. Hy kry toe sommer die naam Tirannosourus Sot omdat hy net plante wil eet. Gelukkig beland hy in die water tussen sy groep en beland die nare klomp in die see. “ En op die wal sing eendbek-D’s- Daai T’s was naar en vrot en nou roe pons hiep=hiep –hoera vir Dinosourus Sot!”

Verhale oor dinosourusse bly altyd gewild by kleintjies, en met Philip de Vos se vrolike beryming en Roberts se oorspronklike groep gediertes behoort die boek groot byval te vind.

Donaldson, Julia: Amok op ‘n besemstok( PROTEA, 2018) Illustrasies deur Axel Scheffler.

Daar is amok op die besemstok as die heksie se gepunte hoed deur die wind weggewaai word. Gelukkig red ‘n hond die hoed, en hy word genooi om by die heks en haar kat aan te sluit.Hierna word haar strik weggewaai, en opgeteldie ‘n voël wat nou ook by die groep aansluit. Haar towerstaf word deur ‘n padda gered. Ongelukkig breek die besem, en haar metgeselle beland in ‘n modderige moeras. Toe ‘n draak haar wil verslind, verskyn die aardige monster uit die moeras wat die draak wegjaag. Die dankbare heksie stook ‘n potjie en uit die pot verrys ‘n wonderbesemstok! “Met skittermooi stoele vir die heks, kat en hond, ‘n nes vir die voël en vir padda ‘n stort”.

Die skeppers van dei gewilde Goorgomgaai betower weereens met die prettige avontuur met die aller-vrolikste illustrasies, reg in die smaak van menige kind.

Goes, Peter: Tydlyn- ‘n reis deur die geskiedenis( PROTEA, 2018)Uit Nederlands vertaal deur Zandra Bezuidenhout.

‘n Asemberowende ontdekkingsreis deur die geskiedenis, absoluut uniek en met groot sorg ontwerp in ‘n groot-formaat boek wat 16 uitgawes in België gehad het en in verskeie tale vertaal is.

Daar is geweldig baie detail in die illustrasies en kinders kom voor ‘n uitdaging te staan wat hulle sal boei as hulle tyd spandeer om elke fase in die wêreldgeskiedenis deeglik na te speur en die fyn druk te lees wat die spesifieke fase verduidelik.

Die verhaal begin met die begin van lewe, gevolg deur die dinosourusse, die eerste mense, eerste nedersettings, Mesopotamië, Antieke Egipte, Antieke Griekeland, Die Kelte, Romeinse Ryk tot en met ruimtevaart en uiteindelik die 2010’s.

Daar is geen indeks of bladsyverwysings nie; die leser word weggevoer deur die geskiedenis deur te blaai en te lees wat volg op die vorige tydperk.

Die boek sal spreek tot lesers wat op soek is na ‘n oorspronklike talent en unieke uitbeelding, en volwassenes behoort die boek tot tuisversamelings te voeg omdat dit ‘n spesiale tuiste verdien. ‘n Prag-aanbieding.

Palmer, Jose en Reinette: Leer my lees reeks Vlak 4 Boeke 1-10( LAPA, 2018) Illustreerder Zinelda McDonald.

In hierdie nuttige reeks het reeds Vlakke 1-3 verskyn, elk met 10 boekies. Tippie die olifant is die hoofkarakter wat sy avonture deel met jong lesers 5+jaar. Hy maak nuwe maats, besoek die dieretuin, besoek die leeupark, die lughawe, leer om pizza te maak, hou sywurms aan, soek insekte, vang vis, verjaar , en gaan selfs ysskaats.

Die skrywers het jare se ervaring in onderwys en wil met die boeke kinders lief vir lees maak. Elke boek is gekram, net 25 bladsye en is kleurvol en kinder-vriendelik met McDonald se toeganklike illustrasies wat die boekies nog lekkerder maak. Aktiwiteite is ingesluit met ‘n woordelys, hul begrip word getoets en nuwe woorde kan gemaak word. Onderwysers sal die boeke nuttig vind in klaskamers, en ouers kan dit handig tuis gebruik. ‘n UIters leersame reeks met ‘n hoofkaraktertjie wat in kinders se harte sal kruip.

Viljoen, Fanie: Slym se stories( LAPA, 2018)

In 2004 het die eerste Slym-boek in die biblioteek aangekom, en dadelik het ek besef dat dit ‘n treffer is wat werk vir 7+jariges. Nou verskyn al vier Slym-boeke in ‘n volkleur- omnibus, deur die skrywer self geillustreer. Die boeke het reeds twee ATKV-Woordveertjies gewen.

“Daar gebeur nooit iets opwindends met wurms nie. “ So het die klein wurmpie Slym gedink. Totdat hy sowaar in ‘n paddakonsert beland!Giftand die slang betrek Slym sodat hy paddas kan vang, maar gelukkig het Slym ‘n geheime wapen om Giftand ‘n les te leer. Hy neem selfs die rol van die paddaprins in die skoolkonsert oor, en word die eerste wurm wat in ‘n paddaskool toegelaat word. En dit is maar net die eerste verhaal in hierdie omnibus!

Die boek hanteer lekker, is kleurvol, die illustrasies pret en vol humor, en Slym is die oulikste wurmpie ooit. Die lekker groot druk maak die boek nog meer aantreklik en leesbaar.

Goscinny , R en Uderzo: Asterix en die groot moles ( PROTEA, 2017) en

Asterix in Helvesië(PROTEA, 2017)

Aanhangers van die Asterix boeke sal verheug wees om twee nuwe titels te sien , en bibliotekaresse verwelkom twee toevoegings tot ‘n reeks wat deur al die jare van die gewildste boeke in die kinderafdelings bly.Albert Uderzo se illustrasies uit hierdie geskiedkundige tydperk is onverbeterlik.

Lona Gericke Feb/2018

Resensies van Afrikaanse Kinder/Jeugboeke 3/2018:

Magona, Sindiwe: Volksverhale uit Afrika 1-9 ( David Philips, 2016) 2de uitgawe

Hierdie reeks het reeds in 2014 verskyn. 9 titels handel oor ‘n verskeidenheid verhale met ‘n Afrika agtergrond, behalwe Die vreemdeling en sy fluit wat geïnspireer is deur Robert Brwoning se gedig “Die fluitspeler van Hamelin.”

In Gulsige man, gawe rots tref ‘n verskriklike droogte die land en die pa Hlohlesakhe is desperaat op soek na kos. ‘n Rots voorsien hom daagliks van heerlike kos wat hy gulsig eet, sonder om iets na sy familie te neem. Totdat sy skerpsinnige dogter hom agtervolg en sy skande en gulsigheid ontbloot word.Soos in verskeie van die 9 verhale is hier foute in die teks, bv. “dat hy hulle raakgesien”. Die Afrikaanse vertaling is soms lomp en swak woordkeuses word gedoen, bv.”hy het skaars begin sing toe die kos uitstort.

Nokulunga, Moeder van goedheid, is juis die verhaal van ‘n vrou wat elke keer as haar man ‘n tweede vrou bykry, die vrou d.m.v haar towerpot laat verbrand.

Buhle , die veelkleurige kalf beland tussen die ander beeste en Soyiso, hul oppasser, was verheug om die mooi kalf te versorg. ‘n Aaklige wrede man daag egter op, en omdat die kalf nie geroer het voordat daar vir hom gesing is nie, het hulle hom doodgemartel. Gelukkig het pragtige blomme in sy plek verskyn, want”Niks verdwyn ooit nie”.

Die vrou op die maan vertel van die hardkoppige vrou wat Nkanishe wat nie die reels van die dorp gehoorsaam het nie, en op Sondag uitgegaan het om hout te gaan kap. Sy is gevolg deur haar seuntjie en hul hond, en het nooit weer teruggekeer nie, Behalwe dat sy deur die woudgode na die maan verban is , en daar kan sy gesien word.

Twee van die verhale gaan oor diere, Sterker as Leeu en Hoe Dassie gemis het om sy stert te kry .In eersgenoemde word Leeu uitoorlè deur muis wat hom ‘n les leer omdat hy so gulsig was en die ander diere moes hongerly.

Dassie weer is te lui om soos die ander diere sy stert te gaan ontvang, en daarom is hy vandag nog sonder ‘n stert.

Die wrede koning lewe! Dra die duidelike boodskap dat die wens van die ou koning dat sy gees moet voortleef in sy opvolger volbring is. Netsoos sy voorganger het sy volgelinge in armoede geleef, en het hy in oorvloed geleef. Weer ‘n voorbeeld van ‘n drukfout:” hy was onder die vele wat vrymoeidiglik die ou koning aangeraai het….

Vandag, plant ons ‘n hoofman dra die boodskap dat ‘n ongevoelige selfsugtige seun Lunga deur vriendskap, en met Madiba as voorbeeld kan verander en karaktertrekke soos dissipline, dapperheid en verdraagsaamheid kan aanleer. (Die opsomming van die verhaal op die omslag is uiters verwarrend!

Die verhale het potensiaal vir voorlees en kan selfs gedramatiseer word, maar is defnitief nie ‘n voorbeeld van ‘n goeie Afrikaanse vertaling nie!

Magona, Sindiwe and Jablonski, Nina G : Onder my vel ( David Philip. 2018) Afrikaans deur Elna van der Merwe. Illustrasies deur Lynn Fellman.

‘n Absoluut prag publikasie waarin die seun Njabula gefassineer is deur ‘n verkleurmannetjie wat hom laat wonder hoekom almal nie soos verkleurmannetjies van kleur kan verander word nie. Sy oom Joshua se skrootwerf is die plek waar die skoolkinders ‘n taak oor herwinning moet doen. Dit word dan ook die agtergrond waarteen die kinders leer oor velkleur en daaroor gesels.

Die wetenskapteks deur Nina Jablonski verskyn deur die hele publikasie en leer die groep jongmense dat kleur oral is, hoekom ons nie van kleur kan verander nie, hoekom daar so baie kleure is, vertel van velkleurgene, hoe verskillende volke bymekaar uitgekom het, hoe nuwe velkleure ontwikkel het, en hoe om velkleur te verstaan. Die liedjie op bladsy 42 kan kinders rap met stokkej of ander rondlêgoed.:”My vel is daar buite, my hart is hier binne, dis wie ek is…”

Die multimedia –kunstenaar Lynn Feldman se illustrasies vul die teks en wetenskaplike insette treffend aan. Hierdie is ‘n belangrike boek wat in skole, biblioteke en tuisversamelings hoort. Hoogs aanbeveel.

Resensies van kinder/jeugboeke 4/2018:

DeWet Hugo: Die vloek van vreesbaai- Grilgrypers ( H&R, 2018)

Of dit nie erg genoeg is dat sy ouers na die kusdorpie Vreesbaai getrek het en hy ‘n nuwe skool moet trotseer, word Miek nog deur ‘n reusagtige hond met rooi oë aangeval wat netso skielik verdwyn. Iets is nie pluis in hierdie spookagtige plek nie, daarvan is hy oortuig. Veral as ander kinders ook vertel van vreemde dinge wat hulle sien, soos Lisa se nar met skerp tande en Donovan met die monster-krokodille …

Al genade is dat hy die plaaslike sielkundige Meneer Swart gaan sien, veral na die skielike dood van’n seun wat in ‘n vlak modderpoel verdrink nadat ‘n Modderding hom soontoe gesleep het! Hier kry hy ook geen hulp nie. Dit het tyd geword dat die kinders saam hul vrese konfronteer. En wat ‘n skokkende ontdekking wag nie op hulle nie!

Hierdie reeks is ideaal vir kinders wat hou van grillerige stories. Grilgrypers 2- Web van die mummie en Grilgrypers 3: Kamp van die monsters is nog twee titels in die reeks waarna hulle kan uitsien.

Jacobs, Jaco: Dinge wat ek nie van skape geweet het nie( LAPA, 2018)

Omdat Luan en sy twee vriende op die punt staan om uit die skool geskors te word na ‘n onverskoonbare optrede teen ‘n onderwyser, besluit sy pa, “Meneer Uitsorteer “ dat hy saam met sy eksentrieke ouma Alice op vakansie moet gaan . Hulle vertrek in haar ou Land Rover op ‘n onvergeetlike reis. Sy ouma fotograveer windpompe. Oppad ontmoet hulle Lana en haar ouers- haar pa trap fiets om geld in te samel vir borskanker lyers. By die plaaslike kerkbasaar sien die jongmense ‘n skaap wat uiters depressief lyk, en toe Luan impulsief die skaap steel om haar van ‘n gewisse slagting te red, word die verhaal heel opwindend en die skaap amper die hoofkarakter in hul avontuurlike reis. Luan leer sy ouma beter ken, en vind dinge uit van ‘n skaap wat hy nie geweet het nie!

Jaco Jacobs het weereens bewys dat hy jongmense se emosies verstaan; terwyl hy ‘n verhaal opwindend en met ‘n tikkie humor aanbied. Luan leer ‘n belangrike lewensles deur sy ouma se lewensverhaal te leer ken- sy herinner hom dat jy altyd ‘n keuse het in besluite wat jy neem, selfs al dwing omstandighede jou om die verkeerde besluit te neem.

‘n Oulike storie waarin gebeure met humor en insig vertel word, en Luan as karakter groei.

Neser, Christien: Pienk is nie vir sissies nie( Tafelberg, 2018)

Helene Rust wil met haar pienk boekie vir meisies haar “ willewragtag” dogter Nicci in ‘n jong dame omskep, maar Nicci focus slegs op fietsry, haar passie, en iets wat sy baie goed kan doen. Hierdie keer jaag sy weer vooruit, maar word so die prooi van twee diewe wat haar van haar fiets beroof, en haar aanval en ernstig beseer terwyl hulle haar vir ‘n seun aansien.

Dit word ‘n lang herstelproses, een waarin sy nie kan ry nie maar veral geteister word deur die gedagte dat hulle haar vir ‘n seun aangesien het. Daar is dus in Nicci hierdie tweestryd – sal sy weer haar peink balletskoene aantrek, aanvaar dat pienk nie vir sissies is nie, of bly skuil agter ‘n masker van onvroulikheid?

Neser het my beïndruk met die gewilde Elle-reeks, veral met die verskyning van die eerste boek Kondensmelk in 2009. Sy slag weer daarin om te oortuig met deeglike navorsing oor fietsry, ‘n goeie balans tussen die verskillende karakters en hul emosies en behoeftes, karakterontwikkeling vind plaas en die storie is onderhoudend geskryf. ‘n Storie vir 12-16jariges met genoeg diepte om ‘n blywende positiewe indruk te laat.

Paterson, Katherine: Brug na Terabithia( PROTEA, 2018) Uit Engels vertaal deur Kobus Geldenhuys.

In 1977 verskyn hierdie klassieke jeugverhaal waarvoor Paterson die Newbery-medalje gewen het. In 1998 en 2006 word sy ook bekroon met die Hans Christian Andersen-prys en die Astrid Lindgren gedenkprys.

Hierdie vertaling in Afrikaans is goeie nuus, en Geldenhuys bewys weereens dat hy meesterlik kan vertaal en so die geleentheid skep vir Afrikaanse kinders om ‘n roerende verhaal oor vriendskap tussen twee kinders te lees.

Jess Aarons is ‘n alleenkind, daardie “simpel outjie” wat altyd teken, en dus besluit hy hy gaan die vinnigste hardloper in sy klas word, hy wil weer voel hoe dit is om te wen. ‘n Nuwe meisie en haar ouers trek in by die Perkinse se ou plek, sy pas ook nie in by die ander kinders nie, maar Leslie Burke hardloop vinniger as hulle. Dit is die begin van ‘n vriendskap tussen twee jongmense wat saam hul eie magiese koningkryk Terabithia in die woud skep waar hulle heers as koningin en koning. Leslie word sy “ander, meer opwindende self- sy pad na Terabithia en al die ander onbekende wêrelde”.

Hulle bereik Terabithia deur met ‘n tou wat vasgemaak is aan ‘n houtappelboom oor te swaai na hierdie geheimsinnige land. Daar is hulle kasteel en die dennebos waarheen Terabithia se heersers ten tyde van die grootste hartseer of vreugde kom .

Aanhoudende reëns maak dit moeilik vir die jongmense om hul veilige plek te besoek, en dan vind ‘n tragedie plaas wat Jess voor sy grootste uitdaging ooit plaas- sal hy hierna kan oorleef? Hy was ‘n “simpel outjie wat snaakse prente geteken het en in ‘n koeikamp geoefen het om vinniger te hardloop sodat hy hom grootmeneer kan hou –en probeer het om die horde dwase vrese wat hom op hol jaag, weg te steek”.En Leslie het prober om “die mure in sy kop te verskuif en die skitterende wêreld te laat sien”.

‘n Roerende verhaal oor die vriendskap tussen twee kinders wat elke jongmens moet lees wat fokus in hul lewe soek, of selfs net om blootgestel te word aan ‘n werk van groot literêre waarde. Hoogs aanbeveel.

Steyn, Cecilia: Presiesanders 2- cupcakes en kupido’s ( H&R, 2018).

Kan ‘n tweeling so vreeslik verskil? Ja, want Zoya is ‘n swak student wat meer belang stel in grimering en mooi klere en om haar naels te verf as in rekeningkunde , terwyl Zoe presteer en Zoya oortuig is haar sussie het van haar breinselle geabsorbeer in hul ma se baarmoeder!

Zoya kry egter die geleentheid om die lentebal as voorsitter van die komitee te reël, en sy sien selfs kans om met die begroting te werk, want Erwee gaan saam met haar werk en sy is dolverlief op hom.

Maar hoekom oorspandeer sy so geweldig dat sy verplig is om geld te probeer insamel met cupcakes bak? Is daar dalk met die syfers geknoei deur ‘n jaloerse meisie? En dan is daar nog haar pa wat hom verbeel hy moet soos die tieners praat en optree om haar nog meer in die verleentheid te stel!

‘n Verhaal wat geniet sal word deur tieners wat op soek is na ligte leesstof, tog met genoeg humor en vaardig geskryf.

Van der Colff, Elizbè : Nina en die crazy klere( Tafelberg, 2018) Illustrasies deur Chris Venter.

Hierdie is die derde boek in die gewilde Nina-reeks en volg op Nina en die wacky hare , en Nina en die funky eksperiment.

Nina en haar vriendin Jessie het kaartjies gewen om die Eksotiese Eksperimente Ekspo in die stad by te woon waar ook nuwe uitvindings uitgestal gaan word. Hulle besluit dit sal dalk die ideale geleentheid wees om ‘n kenner te nader wat dalk sal help om of hulle towerpet se kragte wetenskaplik te verklaar. Die pet wys hulle vooraf twee jingmense wat werk aan ‘n masjien, die rommeloplosser. Hulle verneem ook dat Dr. Crower, ‘n wetenskaplike uitvinder, sy nuwe gedagteleser, die Animus Recitator vir die eerste keer gaan ten toon stel. Dalk is hy die regte persoon om hulle met die pet te help.

Min het hulle geweet hoe interessant en gevaarlik hul besoek aan die Ekspo gaan wees!

Die skrywer slaag daarin om die leser saam met die twee vriendinne op ‘n opwindende avontuur te neem waar hulle inisiatief en dapperheid getoets word. Haar karakters is oortuigend en geloofbaar, veral aantreklik is die natuurlikheid van die meisies en die verligting dat hier net skoon plesier te vind is sonder die drama van ‘n gesin wat nie funksioneer of afwykend is nie! Lekker leesstof. Die skrywer en illustreerder Chris Venter is ‘n wen-kombinasie.

Vels, Verna: Liewe Heksie en die helikopter( H&R, 2018) Illustrasies deur Vian Oelofsen

Hierdie is die derde pragtige groot formaat- boek wat volg op Liewe Heksie en die silwer roos en Liewe Heksie en die sterretjieskombuis.

Karel Kat kom kuier vir Liewe Heksie met sy geel helikopter en sy word genooi om saam met Karel op ‘n rit te gaan in die “meuliekopter” volgens Heksie. Koning Rosekrans wil ook saamry, maar hy en Karel land in ‘n boom en Heksie moet help om die twee grond toe te bring. Wanneer Karel die koning later veilig paleis toe neem, gaan Heksie agterna op haar besem met Matewis net ingeval die “meuliekopter “ se wiele in ‘n boom vashaak!

Vian Oelofsen bied vir die leser ‘n fees van kleur met die heldergeel helikopter, blou en pienk blomme in die veld, Koning Rosekrans se rooi baadjie , groen blare en veral effektief is die delikate effek wat hy verkry vir die helikopter se vlug in die lug met Liewe Heksie se gesiggie so wasig binne. Hierdie boeke met Oelofsen se pragtige illustrasies steel absoluut jou hart. Liewe Heksie aanhangers kan hul verlustig in die sprokieswèreld waar sy haar bevind. Hoogs aanbeveel.

Siegner, Ingo: Klapper die drakie is nie bang nie!( H&R, 2018) Afrikaans deur Kobus Geldenhuys.

Klapper en die draakkinders besluit om na Rooi Rudolf die gevreesde seerower se rooi edelsteen te gaan soek op die skilpadeiland. In die see sien hulle ‘n duikboot en ontmoet die seerower aan wie dit behoort. Saam sit hulle die soektog voort, maar word aangeval deur ‘n reuse seekat. Die seerower help hulle om te ontsnap,en die kinders prys hom vir sy dapperheid, en almal is nou groot vriende.

Klapper is die oulikste drakie ooit, en daarby dapper en getrou aan sy vriende. Siegner se illustrasies laat jou nog meer verlief raak op die bekoorlike karakters. Beginner lesers behoort die boeke baie te geniet.

Siegner, Ingo: Klapper die drakie gaan skooltoe( H&R, 2018) Afrikaans deur Kobus Geldenhuys.

Klapper is oppad na sy eerste skooldag en ‘n klein vreetdrakie ontmoet hom langs die pad. Hy nooi die vreetdrakie saam skooltoe, en saam moet die twee eers sy vreetdraak-ouers oortuig dat hy saam met Klapper skooltoe kan gaan, want vreetdrake glo nie aan skoolgaan nie.

Vreetdrakie leer ook om te swem in die skool, en hy bewys aan sy ouers dat hy kan swem toe hy die rooi steen uit die diep water red.

Die Klapper –reeks laat beginner lesers kennis maak met karaktertjies wat omgee vir mekaar, saam avonture beleef, en nog leer om te lees en skryf ook!

Lees ook Klapper die drakie en die groot towenaar, en Klapper die drakie en die swart ridder.

Jacobs, Jaco: Spaghetti tussen jou tone( LAPA, 2018) Illustrasies deur Alex van Houwelingen.

Tom en Trevor is beste maats met die spesiale talent dat hulle hou van grappe maak en poetse bak. Die nuwe juffrou by die skool, Zaan van Graan word vir die twee ‘n groot uitdaging want sy word eenvoudig nie kwaad nie al gebeur wat. Hulle besluit dus om haar te probeer kwaad maak. So suksesvol is dit, dat hulle volgende uitdaging word om haar weer vriendelik te kry! Min wetende dat sy ook hou van poetse bak…

Lekker ligte leesstof vir beginners met Jacobs se fyn humorsin teenwoordig om die leeservaring net ‘n groot plesier te maak. Van Houwelingen se illustrasies skep die regte atmosfeer.

Nolte, Noreen: Dans, Jenna( LAPA, 2018)

Nolte se debuut was Om te dans in 2017. Die gekwalifiseerde balletonderwyseres skryf oortuigend met ballet as tema.

Jenna is ‘n meisie wat ballet liefhet en net wil dans. Sy en haar ma sukkel finansieel,en sy weet dat sy eenvoudig met haar gehawende skoene sal moet dans wanneer die Kunstekaap die Sint Petersburg Balletgroep aanbied met geleenthede vir jong kunstenaars om die winterskool by te woon indien hulle in die kompetisie uitblink.

‘n Verhaal vir 9-11jariges met veral ‘n liefde vir ballet. Karakterisering is gebalanseer met die gebruiklike vriendinne wat mekaar ondersteun versus die jaloerse dogter wat Jenna as kompetisie sien en met haar ma se hulp Jenna se drome probeer verongeluk.

Die vrolike omslag met die stralende Jenna trek dadelik die aandag.

Nie-fiksie vir kinders :

Brooks, Susie: Knip verf plak-50 prettige kunsprojekte( LAPA, 2018). Afrikaans deur Jaco Jacobs.

Die drie titels wat bespreek word is weereens ‘n bewys dat nie-fiksie nie beteken nie-plesier vir lesers nie!

Handwerkprojekte help kinders en onderwysers met idees om kuns te maak. Basiese kunsbenodighede word gelys met nuttige wenke oor hoe die spesifieke projek aangepak kan word. Van vlermuis-skaduwees, hand-diere, prettige pikkewyne ,robotte wat rock , swemmende skillies tot ‘n monster-makietie- die idees is eindeloos en stapsgewys genommer en kleurvol geïllustreer.Daar is 4 bladsye met patrone wat gebruik kan word, en ‘n volledige onhoudsopgawe.

‘n Nuttige boek vir biblioteek-, skool en tuisversamelings.

Jacobs, Jaco en Viljoen, Fanie: Hoezit! Die wonderwêreld van my liggaam(LAPA, 2018)

‘n Aantreklike boek propvol feite oor die menslike liggaam. Die inhoudsopgawe lys elke aspek van die liggaam, o.a. jou spiere, senuweestelsel, gesond eet, kleurblindheid, sintuie, en verduidelik selfs wat met jou liggaam gebeur as jy slaap.

Van die bladsye is met ‘n vet-pret logo gemerk en is aktiwiteitsblaaie met speletjies en kopkrappers. Ek sou dus nie sommer aanbeveel vir biblioteke nie, aangesien die blaaie met aktiwiteite probleme kan skep, maar vir onderwysers en tuisversamelings is die boek ideaal.

Die Slym-boek-alles wat jy moet weet om die perfekte slym te maak!(LAPA. 2018). Afrikaans deur Linda Roos.

Meer as 30 fantastiese resepte word hier aangebied. Voorbeelde van nie-eetbare slym word gevolg deur eetbare slym projekte. Die slymprojekte het name soos rekkerige, skuimerige, sterretjies. Lekkerruik, krakerige , knetterig, monstersllym, dinosourusse in amber en gloeiende slym!

Basiese slymbenodighede word gelys, en elke individuele projek meld wat jy hiervoor benodig, die tyd betrokke, hoe maklik of moeilik en met ‘n waarskuwing dat dit eetbaar of nie-eetbaar is nie. Basiese stappe is gemerk van 1-3, en ‘n knippie wetenskap word by elke projek ingesluit, bv. waaruit gom bestaan, wat skeerskuim spesiaal maak, en dat party diere ook slym maak.

Die boek is deeglik uiteengesit met kleurvolle illustrasies wat die prosesse eenvoudig verduidelik. Bladsy 64 verduidelik hoe jy jou slym moet bêre, hoe om op te ruim, basiese wenke word gegee as die slym te taai is, of as dit breek as jy dit rek, of as dit nie genoeg glinster nie.

Kinders wat hou van kreatief handwerk-doen en nuuskierig is om nuwe projekte aan te pak, sal die boek verwelkom. Onthou net dat die opruim en bêre aspekte baie belangrik is.

Van der Colff, Elizbè : Nina en die crazy klere( Tafelberg, 2018) Illustrasies deur Chris Venter.

Hierdie is die derde boek in die gewilde Nina-reeks en volg op Nina en die wacky hare , en Nina en die funky eksperiment.

Min het hulle geweet hoe interessant en gevaarlik hul besoek aan die Ekspo gaan wees!

Resensies van Afrikaanse kinder/jeugboeke nr 6/2018

Van Balen, Theresa: ‘n Piekniek op die strand( LAPA, 2018) Illustrasies Zinelda McDonald.

Beginner lesers het hier die geleentheid om saam met die twee vriendinne Jana en Alisha te deel in hul vakansiepret by die see. Wat is nou lekkerder as om piekniek te hou op die strand? Maar die seuns wil hulle pret bederf, en die meisies klim toe maar op ‘n hoë duin waar hulle nie lastig geval word nie. Hul hondjie Ben let op dat ‘n wit wollerige hondjie op die strand sy poot seergemaak het, en hulle help om hom weer by sy eienaar te besorg. Hulle word beloon met heerlike roomys, en dit word die beste dag ooit!

Van Balen, Theresa: Vlieërs en filmsterre( LAPA, 2018)

Die tweede titel in die Vakansiepret-reeks hou ook heerlike vakansie pwinding vir die twee in as hulle op soek na ‘n vlieër deel word van ‘n film wat geskiet word waar twee blommemeisies dringend benodig word. End it nogal saam met Clint du Bell, hulle filmheld.

Ideale leesstof vir 7+jariges. Oulike illustrasies toepaslik vir die ouderdomsgroep.

Maartens, Wendy: Max die dapper gorilla en ander ware dierestories(LAPA, 2018) Illustrasies deur Alex van Houwelingen.

6 Ware dierestories met Max die dapper gorilla, Huberta die seekoei, ‘n vlermuis, ‘n bobbejaan wat lus is vir koek, Zhu die sterk Chinese vark en ‘n beer wat soldaat word.

Ware diereverhale was nog altyd gewild in biblioteke, en hier is ‘n goeie balans getref tussen net genoeg teks en lewendige kleurvolle illustrasies sodat beginner lesers se aandag gehou kan word. Die gesegde aan die einde van elke storie dra by tot die leersaamheid van die teks.

Jacobs, Jaco: 101 Dieregrappe, 101 Klop-klop-grappe, 101 lawwe grappe, en grappe vir pousetyd ( LAPA, 2018)

Elkeen van die 4 boekies bevat 101 grappe vir 7+jariges, met Jaco Jacobs se gebruiklike fyn humorsin weerspieël in elke grappie! Daar kan nooit genoeg boeke met grappe in sirkulasie wees nie. Ek kan net sien hoe kinders dit vir mekaar gaan voorlees en vra.

Siegner, Ingo: Klapper die drakie en die swart ridder( H&R, 2018) Afrikaans deur Kobus Geldenhhuys.

Klapper en die ystervarkie Matilda vergesel sy oom Hardus na die ridderryk om te gaan waakby die appelboom wat die ridders wil afkap. Maar Hardus beland in die Swart ridder se kloue wat hom wil gebruik om die koning te oortuig da thy met sy dogter kan trou. Gelukkig is Klapper en Matilda byderhand om die minnesanger te help wat werklik lief is vir die prinses, en met Hardus se hulp word die swart ridder verslaan, en het die verhaal ‘n gelukkige einde vir die jongmense.

Herdie is ‘n baie aantreklike volkleur reeks met genoeg aksie en verassings om jong lesers te boei.

Siegner, Ingo: Klapper die drakie en die groot towenaar( H&R, 2018) Afrikaans deur Kobus Geldenhuys.

Klapper enMatilda loop ‘n bol in die veld raak wat aan hulle vertel dathy eintlik die groot towenaar Rikus Ringkop is, die heerser van Bottelland, maar dat die slegte Bokbaard sy towerstaffie gesteel het. Hulle besluit om hom te help om terug te keer na Bottelland, en die nare Bokbaard ‘n streep te trek.

‘n Heerlike aksiebelaaide avontuur wat jong lesertjies baie gaan geniet.

Bloemhof, François en Ackermann, Alistair: Agent Snoet 5 in 1( LAPA, 2018)

Hierdie uiters gewilde strokiesprente-reeks verskyn nou in een bundel Keurig versorg met ‘n omslag wat dadelik die aandag trek. Agent Snoet en die Botterdiamant. Kattekwaad, en die Hondelewe, en die Groen Genugtig,en die Windlawaai is ‘n reeks wat uniek is in Afrikaans en baanbrekerswerk is gedoen met boeke wat strokiesprente bevat. Kinders is gaande oor hierdie tipe aanbieding, end it was ‘n briljante idee om dit in een publikasie saam te vat. Hoogs aanbeveel.

Jacobs, Jaco: Max die masjien( LAPA. 2018) Illustrasies deur Stephen Wallace.

Zander word op ‘nSondagoggend verras deur ‘n vrou in ‘n goue sweetpak wat hom meedeel dat hy die groot prys in ‘n kompetisie waaraan hy deelgeneem het, gewen het. Hy verwag ‘n nuwe Playstation , maar wen ‘n week met Max die Masjien as sy persoonlike lyfwag! Hy is ‘n rofstoeier, en Zander het nie ‘n idee wat hy met hom gaan doen nie. By die skool moet hy baie spot verduur, veral van sy grootste vyand, die boelie Wynand. Miskien gaan dit sy geleentheid word om Wynand ‘n les te leer? En Max verbaas die gesin verder as hy Zander se pa leer om meer oortuigend vir werk aansoek te doen, en dan is hy nog goed met wiskunde ook…

Jaco Jacobs stel weereens nie teleur met sy ongelooflike insig in die wêreld van jongmense nie- hulle drome en behoeftes ook in gesinsverband. Snaaks, onderhoudend en ‘n wenner. Hoogs aanbeveel.

Wallace se illustrasies is in die kol- Max die masjien lyk absoluut skrikwekkend!

Taute, Dihanna: Die legendariese Lua Verwey( H&R, 2018) Illustrasies deur Theodore Key.

Lua en haar gesin se manewales herinner my sterk aan die gewilde Lotta- reeks. Sy is ‘n dogtertjie wat haarself as super slim beskou, seuns haat, uitgesproke en parmantig is, en dolgraag krieket wil speel- nogal nie iets wat die ander meisies gaan beïndruk nie!

Sy is deurgaans aan die woord, en neem die leser saam na haar huis en skool. Die teks is eenvoudig, direk, en weerspieël die dogtertjie se sterk karakter. Sy sal sommer gou ‘n klomp lesers aantrek wat met so ‘n karakter kan identifiseer. Veral verassend is die ouers se groot nuus aan die einde van die verhaal,en soos Lua tereg opmerk: “Ons is nogal ‘n unieke klomp bymekaar…”

De Wet Hugo: Web van die mummie- Grilgrypers 2( H&R, 2018) illustrasies deur Shân Fischer.

Stel jou voor dat jy spinnekoppe uit jou neusgate sien kriewel as jy in die spieël kyk, jouself troos dat dit net ‘n aaklige nagmerrie is en dan nog verder ontstel word met die nuus dat daar ‘n kaal mummie op die plaas ontdek word, opgehang, en dat dit dalk haar pa se vermiste suster Annette kan wees!

Dit is maar die begin van ‘n uiters spannende en grillerige verhaal wat my enduit geboei het!

In die nuwe skool is sy in ‘n kamer saam met 3 ander meisies. Haar Dame is die gawe Melinda wat haar vertel dat haar boetie Adriaan in die Paarl Hoërskool vir seuns is. Haar koshuismoeder is ‘n reusagtige vrou wat die meisies Weerbeer noem. Sy sien weer die mummie wat die massiewe spinnekop se kop afbyt as sy gaan stort…dinge is regtig nie pluis in die skool nie. En dan sterf Melinda as sy by die trappe afval, en nog erger, toe sy ontdek is, was haar liggaam oortrek van spinnekoppe! Die een grillerige gebeurtenis volg op die ander; wat is werklik aan die gang?

Die spanningslyn word deurgaans baie effektief gehandhaaf; ek is oortuig die reeks gaan sommer baie aanhangers kry! Hoogs aanbeveel. Ek het die boek selfs meer geniet as Grilgrypers 1.

Leonard, M.G. : Kewerwraak( PROTEA, 2018) Afrikaans deur Kobus Geldenhuys.

Hierdie is die finale boek in die kewertrilogie en volg op Kewerknaap en Kewerkoningin.

Soos die vorige twee titels is die boek deurspek met inligting oor kewers, bevat ‘n entomoloog se woordeboek , bronne en webwerwe waar lesers meer kan leer oor hierdie interessante ongewerweldes.

Maar terselfdertyd is dit goed geskryf, is daar interessante avonture waarop die karakters gaan, en die finale reeks gebeurtenisse waar Darkus en sy vriende Lucretia Cutter se geheime vesting- die bioom in die Amasone-reënwoud probeer opspoor, is opwindend en vol verassings.

Die verhaal bereik ‘n klimaks met die deurslaggewende geveg in die bioom- gaan Darkus en sy oom Lucretia kan verslaan?

Die reeks word hoogs aanbeveel vir lesers wat ‘n verhaal soek met baie lyf en detail en defnitief met literère meriete.

Van den Berg, Jacolet: Kate in Harmonie( LAPA, 2018)

Kate en haar ouers en broer Dieter moet hul geliefde Johannesburg groet om op ‘n plaas naby die Paarl te gaan woon sodat haar pa weer kan werk.

Sommer dadelik word sy aangetrek tot die perd Harmonie wat duidelik ‘n probleemperd is , en niemand waag dit om ‘n saal op sy rug te sit nie. Will is die plaasseun wat haar tuis laat voel, asook Els wie se pa Vrydagaande te veel drink. Kate besluit sy moet Harmonie se vertroue wen,en sy spandeer baie tyd langs sy kamp sodat hy aan haar gewoond moet raak. Maar nou is daar die moontlikheid dat hy verkoop gaan word, en dit mag netnie. Aanfanklik is sy ook bekommerd oor haar broer wat hom onttrek en met verkeerde seuns deurmekaar raak.

Hierdie was nie vir my sommer net ‘n gewone voorspelbare perdestorie nie. Dit is goed geskryf, die karakters is oortuigend, en die boek raak spesiaal met die uitbeelding van Kate en Harmonie se verhouding. Karakter ontwikkeling vind plaas, elkeen groei op ‘n eie spesiale manier, en as leser gee dit jou ‘n warm gevoel. ‘n Potensiële goeie skrywer wat hopenlik nog gaan skryf.

Bond, Michael: Paddington( PROTEA, 2018) Afrikaans deur Amelia de Vaal.Illustrasies deur R.W. Alley

Drie Paddington verhaaltjies word hier in een publikasie aangebied- Paddington die kunstenaar, in die hospitaal en by die dieretuin.

Paddington word geïnspireer deur ‘n buiteluguitstalling om sy verfkwaste ook nader te pluk en sy eie uitstalling te hou. Hy raak aan die slaap , en tot sy verbasing is al sy werke verkoop toe hy wakker word. Meneer Gruber was nauurlik die weldoener, en Paddington is so gelukkig dat hy nou ‘n familieportret wil aanpak, min wetende dat hy nou nie die kunstigste beertjie ooit is nie! Maar selfs bere het mos vriende wat hul ondersteun.

In Paddington in die hospitaal maak hy sy skouer seer, ly blykbaar aan geheueverlies sodat die familie besluit hy moet in die hospital opgeneem word vir toetse en observasie. So word ‘n beers verblyf in die hospitaal lesers se bekendstelling aan hierdie omgewing, en ook ‘n goeie leerskool vir die dokter. Paddington het dit ook geniet om n proefkonyn te wees, en deur sy voorbeeld kan kinders leer om nie bang te wees vir ‘n hospitaal en dokters nie.

Paddington by die dieretuin:

Op ‘n uitstappie na die dieretuin neem Paddington ‘n stapel marmeladetoebroodjies saam wat hy een vir een verloor by die verskillende diere wat hy besoek. Paddington besluit agterna dat dieretuin mens honger maak, want al jou toebroodjies word gegaps, en dat net die pappegaai sy gunsteling dieretuin-bewoner is, want net hy het vir hom dankie gesè vir die toebroodjie.

Paddington is ‘n geliefde karakter wat kinders al baie jare lank vermaak met sy onskuldige manewales, en tersefdertyd is daar ‘n lewensles ook telkens subtiel ingeweef in die gebeure. ‘n Aantreklike boek met die oulikste beertjie illustrasies deur Alley; onskuldige pret vir kleintjies wat van bere hou, en wie dan nie?

De Kinder, Jan: Is jy bang in die bos, Pappa Wolf?: (PROTEA, 2018) Vertaal uit Nederlands deur Amelia de Vaal.

Tot groot vermaak van kinders is Pappa Wolf die bang karakter in die storie wat deur sy seun die klein Wolfie teen sy sin saamgesleep word na die bos. Klein Wolfie moet sy pa deurgaans gerusstel as hy skrik vir iets. Hy hardloop verskrik weg as die dogtertjie haar verskyning maak, en die twee kinders bespreek saam die feit dat hulle ouers so versigtig is vir mekaar!

‘n Pragtige boek met die mooiste volblad illustrasies in die bos . Subtiele kleure oorheers, die enigste helder kleur rooi is Rooikappie se rokkie, met hier en daar ook spatsels rooi in die teks en aan die wolwe se klere.

De Kinder skryf met humor en tong-in-die-kies en gee ‘n oorspronklike kinkel aan die klassieke verhaal. Die kinders is in beheer van die verhaal, wat hul selfvertroue ‘n hupstoot sal gee.

De Kinder, Jan: Rooi waarom boelies nie snaaks is nie( PROTEA, 2018).

‘n Dogtertjie wys ewe onskuldig na die seun Tobie se rooi wange, en wanneer meer kinders bykom, verander die onskuldige oomblik in ‘n ernstige situasie waar almal hom konfronteer oor sy rooi wange, veral aangevuur deur Paul die boelie . Hy raak al meer luidrugtig en onsmaaklik soos hy Tobie spot, en die dogter vra hom om op te hou. Maar selfs sy word bang vir Paul: ”Paul se tong is so skerp soos’n mes. En sy vuis is so hard soos ‘n baksteen”. Wanneer die juffrou die klas uitvra oor die geboelie, is sy uiteindelik dapper genoeg om haar hand op te steek, gevolg deur die ander kinder swat hulle nou by haar skaar teen die boelie Paul.

De Kinder vertel die verhaal van ‘n boelie subtiel en effektief ,en die eenvoudige dog treffende illustrasies maak ook ‘n sterk bydrae tot die impak van die verhaal. Onskuldige kindergesigte word geplaas teen ‘n rooi agtergrond en ‘n aaklige wolf figuur, om hul vrees vir die paaiboelie en sy venyn uit te beeld. Teen hierdie rooi agtergrond vertel die dogter dat sy nie wil doodgaan nie, maar ewe dapper steek sy tog haar hand op sodat die boelie uitgewys kan word, gevolg deur die ander kinders. Nou is Paul se lag hol, en vir die meisie lyk hy nou behoorlik groen.

Die illustrasies is so effektief gedoen- - die kindergesiggies is byvoorbeeld in rooi, met net die wit van hulle oë en haar streeptrui en wit gesiggie om die donker emosies van die boelie te kontrasteer.‘n Oorspronklike boek wat nuttig gebruik kan word om kinders te leer dat standpunt ingeneem moet word,verkieslik as ‘n groep, teen paaiboelies.

Stanley, Mandy: Hanli(PROTEA, 2018). In Afrikaans vertaal deur Amelia de Vaal.

Drie Hanli-stories is saamgevat in een boek- Die vlieënde hasie, die Ysprinses en die Kersfeeswens.

Ek onthou nog hoe ek die Engelse titels in Afrikaans vertaal het om vir kinders te vertel aangesien Hanli net eenvoudig die oulikste hasie ooit kan wees en hulle moes haar stories hoor! Nou is die Afrikaanse weergawes gelukkig beskikbaar.

Hanli wil tog te graag leer om te vlieg, maar al haar pogings misluk. Sy sien ‘n klein pienk vliegtuigie en besluit om in te klim. Die vliegtuigie word deur ‘n dogtertjie op afstand beheer, en toe Hanli weer grondvat,beheer die dogter haar vlug terug huistoe, tot die bewondering van die heleHasie-familie.

Eeen wintersmiddag sluit Hanli aan by kinders wat ‘n fees op die ys hou waar die ysprinses gekroon gaan word. Hulle maak vir haar ‘n rokkie en sy kry klein ysskaatse Die prinses se tiara val a fen Hanli red dit uit die struike. Haar belonging is ‘n sterretjiesarmband en as sy tuiskom, dans sy die dans van die ysprinses vir haar familie.

Hanli in die Kersfeeswens val op die ys en volg kinder swat oppad is om Kersfees te gaan vier by hul huis. Sy wou nog altyd wee twat Kersfees beteken. By die huis sien sy koekies, en toe ‘n glinsterende boom met onder die boom ‘n feetjiepop! Sy vertel aan die kinders dat sy graag ‘n kersfeetjiewil wees, en hulle trek haar aan. Toe sy huistoegaan, versier hulle die boom buite hul gat. Soword die hasies se Kersfees ook betowerend mooi en gelukkig.

‘n Pragtige boek wat baie dogtertjies met vreugde sal wil lees en besit. Hoogs aanbeveel vir jong lesertjies.

Kühne, W.O. : Huppelkind en prentjies van Dorothy Hill Kühne( Tafelberg, 2018)

Al huppelend saam met hierdie kind is dit heerlik om hierdie prag versameling van ‘n klassieke werk in Afrikaans weer beskikbaar te sien vir ons kinders.

Ek het weer gelees, en weer geniet, want hierdie is veral ‘n voorleesboek wat kleintjies nie net sal geniet vir die avonture van die seun nie, maar ook vir die heerlike klankrykheid van die werk.

Huppel is ‘n onskuldige natuurkind; sy vriende is die voëls en diertjies van die veld in Lekkerland daar langs die “diep kuil vol soet water wat nooit opdroog nie”.

Maar daar is ook lummels soos Vlei-Floors wat op sy plek gesit moet word as hy Vlak-Floors bedreig, en Huppel kan mos ‘n plan maak! Huppel moet die woorde leer sodat Ou Storieman vir hom ‘n storie kan vertel en hy vra Haak om hom te help. Ander kleurvolle karaktertjies soos Fiefman en Diefman, Wolman en die Boekwurms, die Horingman wat voëls vang en hom voordoen as die Musiekman sodat Huppel en sy maats Roerdomp uit sy sak moet red, almal draai daartoe by dat kinders tog te lekker na al hul avonture sal luister! Met Huppel se verjaarsdag kry hy ‘n koek-koek horlosie as geskenk van sy maats en dit is nie sommer so ‘n horlosie nie, want ook hierby is daar ‘n storie te vertel.

‘n Pragtige boek wat klassiek geword het en sal bly. Behoort tot alle biblioteek, skool en tuisversamelings.

Goosen, Troula: Raaiselklip( H&R, 2018)

‘n Gotiese storie wat in die Kaap van die 19de eeu afspeel was die skrywer se inspirasie om hierdie opwindende verhaal te skep.

Gabriel is ‘n seun van Amsterdam wat op sy 14de verjaarsdag wakker word in die Kaap van Storms. Hy weet nie hoe hy daar gekom het nie,en waarom hy nou hier moet wees nie.

So begin sy avontuur in ‘n verlate teater waar hy drie akteurs ontmoet, die slawemeisie Zytia wat hom probeer help, en as hy begin teken verskyn die gesig van ‘n seun aan hom. En dan ontdek hy ‘n grafsteen met sy naam daarop, gebore in 1654 en reeds oorlede…

Wanneer hy Zytia se meesteres Regina ontmoet is hy al meer in die duister- sy beskuldig hom dat hy gekom het om die “klip” te kom haal, en sy sal dit nie toelaat nie! Waarom is die raaiselklip van soveel belang?

Troula Goosen skep hier ‘n verhaal wat tematies heel uniek is; die spanningslyn word deurgaans gehandhaaf, daar is verassings en ongewone situasies wat die leser deurgaans betrek en nuuskierig hou oor hoe die verhaal uiteindelik gaan ontplooi. “n Goeie storieverteller wat haarself reeds bewys het met die gewilde Maanlig-meermin. Die omslag van die boek verdien ook ‘n kompliment- dit is treffend en trek dadelik jou aandag.

Kaiblinger, Sonja: Harry Griesel 4- die zombie –ontvoerder( H&R, 2018). Afrikaans deur Irma Bedenhorst.

Hierdie reeks lees tog te lekker, en soos met elkeen van Otto en Harry en Vincent die troetelvlermuis se avonture,is hierdie vierde titel in die reeks weer nie ‘n teleurstelling nie.

Juffrou Singh hulle kunsonderwyseres word vervang deur ‘n snaakse vaal klein mannetjie Melvin Malone, en Otto let op dat sy vel grys is soos die van ‘n dooie mens.

Dan verskyn Sybrand Swaelkop, die mal stigter van die skool ook aan hulle, en nou word dit duidelik dat daar meer van die dooies uit die Oorkant met behulp van ‘n onwettige deurgang in Otto se wêreld beland het.Tannie Sharon verlang nog gedurig na haar man oom Archibald wat reeds aan die Oorkant is. Sy verdwyn om na haar man te gaan soek. Aan die Oorkant is alles kleurloos, en sy sal in lewensgevaar wees. Otto en sy maats moet dus help om dinge weer normaal te kry…Waarom is Malone so geïnteresseerdf in oom Archibald se nuutste uitvinding, ROOM?

Uitstekende vertaling, boeiend en vermaaklik. Hoogs aanbeveel virHarry bewonderaars en almal wat hou van ‘n goeie storie, hoe “anders” nou ook al.

Pantermüller, Alice en Kohl, Daniela: Lotta se lewe- die kattekonsert( H&R, 2018)Afrikaans deur Kobus Geldenhuys.

Hierdie is die agsteboek in ‘n reeks wat veral onder meisies , en veral lesers wat daarvan hou dat die teks , in dagboek- vorm,deurgaans aangevul word met sprekende sketse en byskrifte.

Lotta hou dagboek van ‘n week ,10-tot 17 Oktober waarin haar vriendin Chantelle ‘n baba boetie Rocco bygekry het, en die twee vriendinne word baba oppassers. In hierdie week is Lotta se blokfluit ook soek, en sy verdink haar raasbek tweelingboeties.Maar Rocco en hulle uitstappies saam met hom bly die hoof-fokus van die verhaal. Selfs Lotta se ma nooi die baba na hulle huis waar hy met allerhande speelgoed vermaak word. Sy en haar boeties woon ‘n reptieluitstalling op die skougronde by en Lotto kry haar blokfluit terug.

Lotta bly aan die woord met haar kommentaar op al die gebeure, en haar humorsin en kelurvolle verbeelding dra die verhaal. Nie my gunsteling tema in die Lotta boeke nie, maar tog onderhoudend geskryf.

Jacobs, Jaco; Superskurk( LAPA, 2018) Illustrasies deur Nicolene Louw.

Met sy gebruiklike gemaklike onopgesmukte skryftrant Stel Jaco Jacobs die leser hier bekend aan Wessel wat verplig is om ‘n vakansie by sy oupa deur te bring, en hy het tenminste tienduisend redes waarom dit gladnie ‘n goeie idee is nie, veral waar hulle nie van mekaar hou nie en sy oupa se huis grillerig is met donker kamers en baie streng reëls wat nagekom moet word. Onder andere dat hy nie moet rondsnuffel nie, en Wessel is nou juis ‘n nuuskierige outjie wat mal is oor sy strokiesboekheld, Kaptein Koel, en soos Kaptein Koel ook smag na opwindende avonture.

Toe hy ‘n geboutjie met ‘n swaar ysterdeur ontdek wat in die tuin versteek is, en toegang geweier word indien hy nie die kodewoord ken nie, is dit die begin van ‘n vakansie avontuur sonder gelyke. Vera look leer hy die lewensles dat jy niemand op sy baadjie moet takseer nie,en dat helde dalk nie is wat jy dink nie!Jong lesers sal die verhaal geniet, want so ‘n avontuur is nie te versmaai nie.

Nicolene Louw maak ‘n mooi bydrae met haar aksie tekeninge wat die boek nog meer toeganklik maak. Hoogs aanbeveel.

Drie uiteenlopende, maar defnitief spanningsverhale vir tieners:

De Wet Hugo, Kamp van monsters- Grilgrypers 3( H&R, 2018)

Tannie Temba, Clayton se pa se nuwe verloofde waarsku hom dat sy sy grootste nagmerrie is, hoewel hy nog altyd bang was vir bome. Dan vertel sy pa dat hy vir die hele vakansie na ‘n reabilitasiekamp gestuur word om tot beter insigte te kom oor sy aanstaande stiefma.

Die kamp word voorgedoen as uiters luuks, maar met sy aankoms is dit duidelik dat hierdie sentrum nie naastenby luuks, maar liewer onpersoonlik, kil ,onherbergsaam en ook ongenadiglik gaan wees. Oppad hardloop daar ‘n dier voor hulle in die pad- ‘n ding wat soos ‘n kruising tussen ‘n krokodil en ‘n beer gelyk het!

Sy kampmaat is die gespierde Ferdie. Kamp Mentors word deur Rooibaard en sy blonde vrou bestuur. Hulle maak vriende met die twee meisies Lerato en Ayesha.

Sommer gou begin snaakse dinge gebeur- ‘n seun verdwyn, dan ‘n meisie wat vlou geword het, en Clayton hoor iets kerm, en Ferdi sien ‘n vieslike ding wat soos ‘n monsteragtige visvrou gelyk het.

Hulle word ook op spesiale diëte geplaas, Ferdi verdwyn, en uit desperaatheid besluit die jongmense om die omgewing te deursnuffel wat hulle op ‘n versteekte laboratorium in die woud laat afkom: KAMP MONSTER LABORATORIUM! Hier word die kinders gekloon met diere en in afgryslike monsters omskep. En Clayton se aanstaande stiefma is een van die personeellede….

Die Kamp van monsters is ‘n spannende toevoeging tot die Grilgryper-reeks, en soos die vorige twee titels bied dit genoeg opwinding en grusame elemente om lesers van hierdie genre genotvolle lees-oomblikke te gee. De Wet Hugo het ‘n ryp en oorspronklike verbeelding, en besit die vermoë om sy lesers saam met hom op grillerige verbeeldingsvlugte te neem. Sê nou maar net dit kan werklik gebeur?! Hoogs aanbeveel in hierdie genre.

Walliams, David: Oupa ontsnap( PROTEA, 2018)Afrikaans deur Kobus Geldenhuys. Illustrasies deur Tony Ross

Hierdie gewilde skrywer het alreeds ‘n bekende naam onder Afrikaanse lesertjies geword, en dus is ‘n nuwe storie so welkom.

Jack se oupa begin almeer dinge vergeet, niemand kan dit verstaan nie, behalwe sy kleinseun Jack . Hy het gou besef hy moet net saamspeel wanneer sy oupa hom op hierdie verbeeldingsvlugte neem, :” Sy drome was propvol avonture, sy lewe vol vervelige ure.” Sondae was die hoogtepunt van sy lewe as sy oupa hom op uitstappies neem, veral na hul gunstelingplek, die Keiserlike Oorlogmuseum waar sy oupa se legendariese Spitfire gehuisves word.

Soos sy geheue versleg, en nadat hy in die Spitfire gaan wegkruip het, besluit die polisie om Jack se oupa na ‘n ouetehuis, Twilight Towers te stuur. Hierdie is ‘n aaklige plek, en sommer gou besluit Jack en sy oupa dat hy hieruit moet ontsnap. Maar ‘n rit in die Spitfire bly maar sy grootste droom, gaan die twee daarin slaag om die Spitfire uit die museum te steel vir die grootste avontuur van Jack se lewe?

‘n Wonderlike eerbetoning aan die liefde tussen ‘n oupa en sy kleinseun wat met humor, verbeeldingryk en met empatie hanteer word. Daar bly maar ‘n spesiale band tussen kinders en hul oupas en oumas, en dan is dit nog meer spesiaal as die kind die oupa se liefde vir vliegtuie deel. Hoogs aanbeveel.

Ahlers, Nerine en Steenkamp, Alet: Weg( LAPA, 2018)

Weg, of ontvoering is ‘n tema wat die uitgangspunt vorm van menigte tv rillers, moordstories, spioenasie en politiese intriges.

In hierdie verhaal verdwyn die meisie Niekie uit haar woonstel. Sy is kunstig en haar gedrag dikwels ‘n bietjie onvoorspelbaar, sodat Zack haar vriend aanfanklik net hoogs geïrriteerdis met haar, totdat hy uiteindelik tot die besef kom dat sy werklik”weg” is, selfs haar vriendinne is in die duister oor haar optrede.

Wanneer die polisie se hulp ingeroep word, begin mense dinge onthou, o.a. dat sy by die woonstel weg is vergesel van ‘n man so pas nadat haar paspoort afgelewer is.

Die gebeure word verhaal vanaf die Sondagaand toe Zack vir haar pizza gebring het, tot die volgende Saterdag. Tipies van hierdie tema is daar gedeeltes in die verhaal waar die ontvoerder se teenwooordigheid by haar uitgebeeld word- hoe hy haar sien as sy pragtige prinses wat hy teruggekry het nadat hy so lank alleen was. Want sy Niekie is weg, en nou het hy weer vir Niekie opgespoor…

‘n Bronnelys word aangeheg en duidelik het die twee skrywers die onderwerp van ontvoering en die motivering agter elke individuele geval goed nagevors.

In die geheel is die verhaal dus oortuigend geskryf, heel spanningsvol, en tieners word weer bedag daarop gemaak dat hierdie dinge gebeur en met hulle eie vriende ook kan gebeur. Die ideale boek om in te span wanneer die tema van ontvoering bespreek word.

Freedman, Claire en Hindley, Kate: Die verlore pikkewyn-‘n Paul en Vlekkie verhaal( PROTEA( 2018)Afrikaans deur Carmen Hansen-Kruger

Vir die beste maats Paul, Rosa en Vlekkie is dit die lekkerste van alles om saam na die dieretuin te gaan. Daar merk Vlekkkie ‘n klein pikkewyntjie op wat baie hartseer lyk. Hy is ‘n pikkewyn wat gered is en seker verlang na sy ou huis. Met hul volgende besoek hoor hul dat Piep wel weg is, en die drie begin na hom soek. Dit is al laat toe hulle hom opspoor, en die twee kinders stry oor by wie hy vir die nag moet oorbly. Daar raak Vlekkie en Piep weg, en die kinders spoor hulle eers die volgende dag by die dieretuin op.Gelukkig word Piep verwelkom deur die ander pikkewyne, en die maats kan gerus huistoe gaan, en gaan roomys eet!

‘n groot formaat prenteboek in hardeband met die mooiste delikaat getekende illustrasies van diere en voëls in sagte kleure . Op elke bladsy is die teks en illustrasies goed gebalanseer, en genoeg wit ruimtes word gelaat om die lekker groot druk sonder hindernis te kan lees. Die twee kinders se helder klere vorm ‘n mooi kontras met die geboue en ander elemente.Die diere word saam gegroepeer en lyk nuuskierig en betrokke by elke gebeurtenis. Ronde oplettende lewendige ogies van die kinders en diere straal energie en meelewendheid uit. ‘n Oulike prenteboek met net genoeg spanning om die aandag te hou wanneer die hondjie en Piep verdwyn.

Woollard, Elli en Davies, Benji: Die Reus van der Bees( PROTEA, 2018) Rymvertaling uit Engels deur Philip de Vos.

Die nare reus kon vreeslik mor en grom as hy honger word.Veral nadat Jan hom by die boontjierank uitoorlê het soek hy Jan se bloed.

Toe hy by die kinders kom word hy net vriendelik ontvang en word gekomplimenteer. So gaan haal hy hul bal uit die fontein, red hul kat uit ‘n hoë boom, en die kleine Jan vra hom om hom te abba. Natuurlik is hy reg vir die reus se pan want sy naam is dan Jan! Maar die kinders oortuig die reus dat reuse in die land baie eerder koek eet, en die reus vergeet van mensvleis want hulle het hom nou oortuig hy is lief, vroom en ‘n “doodgoeie oom!”

‘n Spelerige humoristiese bekendstelling aan ‘n grommerige reus wat deur kinders tot ander beter insigte gebring word.Die aanfanklike somber donker kleure om by sy gemoedstemming aan te pas nadat Jan hom gefnuik het, verander en word lig en vrolik soos hy die wêreld van die kinders betree. Die kinders is natuurlik in beheer van die verhaal, en wie kan nou die heerlike groot stuk sjokolade koek, versier met aarbeie, weerstaan ?! ‘n Gelukkige vreedsame reus word in die finale kleur-illustrasie omring deur spelende kinders, selfs ‘n varkie, esel en hasies, en met die drie tevrede kokke by sy voete waar ‘n hondjie ook aan die een voet hang. Alles is goed in hierdie kinderland.

Lekker boeke vir 9jariges plus!

'n Mengelmoes van kinder-en jeugboeke

Kewer-koningin wil koning kraai!

'n Versteekte krokodil en boosaardige broers..

Van n sirkus tot spoke en kupido

'n Besondere groep nuwe prenteboeke

Ligte pret vir kleintjies en 'n besondere jeugboek

Baas Baba tot sterre en planete

Lillie die heksie met liedjies vir peuters

Van 'n besoeker tot 'n somer vakansie

Van prenteboeke tot Asterix

Volksverhale en Onder my vel

Article 0

Liewe Heksie , Klapper die drakie tot 'n slymboek!

Nina en die crazy klere

Van perde, mummies, drakies ,kewers en Max die masjien

Paddington, Boelies, en Hanli die hasie

Huppelkind, Raaiselklip, Harry Griesel, Lotta en 'n Superskurk

Spanningsverhale maar baie verskillend!

'n Verlore pikkewyn en baie honger reus